Oedipus the King
Before the royal palace at Thebes, during a plague. · Oedipus hunts for the killer of Laius and discovers who he is.
Prologue
Thebes is dying of plague, and Creon brings Apollo’s order to drive out the killer of Laius.
Oedipusὦ τέκνα, Κάδμου τοῦ πάλαι νέα τροφή,
τίνας ποθʼ ἕδρας τάσδε μοι θοάζετε
ἱκτηρίοις κλάδοισιν ἐξεστεμμένοι;
πόλις δʼ ὁμοῦ μὲν θυμιαμάτων γέμει,
ὁμοῦ δὲ παιάνων τε καὶ στεναγμάτων·
ἁγὼ δικαιῶν μὴ παρʼ ἀγγέλων, τέκνα,
ἄλλων ἀκούειν αὐτὸς ὧδʼ ἐλήλυθα,
ὁ πᾶσι κλεινὸς Οἰδίπους καλούμενος.
ἀλλʼ ὦ γεραιέ, φράζʼ, ἐπεὶ πρέπων ἔφυς
πρὸ τῶνδε φωνεῖν, τίνι τρόπῳ καθέστατε,
δείσαντες ἢ στέρξαντες; ὡς θέλοντος ἂν
ἐμοῦ προσαρκεῖν πᾶν· δυσάλγητος γὰρ ἂν
εἴην τοιάνδε μὴ οὐ κατοικτίρων ἕδραν.
OedipusChildren, newest brood of ancient Cadmus, why are you sitting here before me like this, wreathed with suppliants’ branches? The whole city is full of incense, and full of hymns to the Healer and groans together. I didn’t think it right, children, to hear about this from messengers, from other people, so I have come here myself: I, Oedipus, whose name everyone knows. Come, old man, tell me, since you’re the one fit to speak for these people. What has brought you here? Fear, or something you long for? You can be sure I’d be willing to help in every way. I’d be a hard-hearted man if I felt no pity for a gathering like this.
Priestἀλλʼ ὦ κρατύνων Οἰδίπους χώρας ἐμῆς,
ὁρᾷς μὲν ἡμᾶς ἡλίκοι προσήμεθα
βωμοῖσι τοῖς σοῖς· οἱ μὲν οὐδέπω μακρὰν
πτέσθαι σθένοντες, οἱ δὲ σὺν γήρᾳ βαρεῖς,
ἱερῆς, ἐγὼ μὲν Ζηνός, οἵδε τʼ ᾐθέων
λεκτοί· τὸ δʼ ἄλλο φῦλον ἐξεστεμμένον
ἀγοραῖσι θακεῖ πρός τε Παλλάδος διπλοῖς
ναοῖς, ἐπʼ Ἰσμηνοῦ τε μαντείᾳ σποδῷ.
PriestOedipus, ruler of my land, you see how young and how old we are who sit at your altars. Some aren’t yet strong enough to fly far, and some are heavy with age. We are priests, and I am the priest of Zeus, and these were chosen from the young men. The rest of the people sit wreathed in the marketplaces, at the twin temples of Pallas, and by the prophetic embers of Ismenus.
πόλις γάρ, ὥσπερ καὐτὸς εἰσορᾷς, ἄγαν
ἤδη σαλεύει κἀνακουφίσαι κάρα
βυθῶν ἔτʼ οὐχ οἵα τε φοινίου σάλου,
φθίνουσα μὲν κάλυξιν ἐγκάρποις χθονός,
φθίνουσα δʼ ἀγέλαις βουνόμοις τόκοισί τε
ἀγόνοις γυναικῶν· ἐν δʼ ὁ πυρφόρος θεὸς
σκήψας ἐλαύνει, λοιμὸς ἔχθιστος, πόλιν,
ὑφʼ οὗ κενοῦται δῶμα Καδμεῖον, μέλας δʼ
Ἅιδης στεναγμοῖς καὶ γόοις πλουτίζεται.
θεοῖσι μέν νυν οὐκ ἰσούμενόν σʼ ἐγὼ
οὐδʼ οἵδε παῖδες ἑζόμεσθʼ ἐφέστιοι,
ἀνδρῶν δὲ πρῶτον ἔν τε συμφοραῖς βίου
κρίνοντες ἔν τε δαιμόνων συναλλαγαῖς·
For the city, as you can see for yourself, is already pitching too violently, and can no longer lift its head above the depths of the bloody swell. It is wasting away in the fruit-bearing buds of the earth, wasting away in its grazing herds, and in its women’s labors that bring no birth. And the fire-bearing god, most hateful plague, has swooped down and is driving through the city. He is emptying the house of Cadmus, while black Hades grows rich on groans and wailing. It isn’t because we count you equal to the gods that I and these children sit here at your hearth. It’s because we judge you the first of men, both in the chances of life and in dealings with the gods.
ὅς γʼ ἐξέλυσας ἄστυ Καδμεῖον μολὼν
σκληρᾶς ἀοιδοῦ δασμὸν ὃν παρείχομεν,
καὶ ταῦθʼ ὑφʼ ἡμῶν οὐδὲν ἐξειδὼς πλέον
οὐδʼ ἐκδιδαχθείς, ἀλλὰ προσθήκῃ θεοῦ
λέγει νομίζει θʼ ἡμὶν ὀρθῶσαι βίον·
νῦν τʼ, ὦ κράτιστον πᾶσιν Οἰδίπου κάρα,
ἱκετεύομέν σε πάντες οἵδε πρόστροποι
ἀλκήν τινʼ εὑρεῖν ἡμίν, εἴτε του θεῶν
φήμην ἀκούσας εἴτʼ ἀπʼ ἀνδρὸς οἶσθά του·
ὡς τοῖσιν ἐμπείροισι καὶ τὰς ξυμφορὰς
ζώσας ὁρῶ μάλιστα τῶν βουλευμάτων.
ἴθʼ, ὦ βροτῶν ἄριστʼ, ἀνόρθωσον πόλιν,
ἴθʼ, εὐλαβήθηθʼ· ὡς σὲ νῦν μὲν ἥδε γῆ
σωτῆρα κλῄζει τῆς πάρος προθυμίας·
You were the one who came to the city of Cadmus and freed us from the tribute we were paying to the harsh singer. And you did it without learning anything more from us, without being taught. It was with a god’s help, so people say and believe, that you set our lives upright. And now, Oedipus, mightiest in the eyes of all, all of us here turn to you as suppliants and beg you to find us some defense, whether you’ve heard a voice from one of the gods or know of help from some man. For I see that when men have experience, the outcomes of their counsels are the likeliest to live. Come, best of mortals, set the city upright again. Come, take care. For now this land calls you its savior for your zeal in the past.
ἀρχῆς δὲ τῆς σῆς μηδαμῶς μεμνώμεθα
στάντες τʼ ἐς ὀρθὸν καὶ πεσόντες ὕστερον.
ἀλλʼ ἀσφαλείᾳ τήνδʼ ἀνόρθωσον πόλιν·
ὄρνιθι γὰρ καὶ τὴν τότʼ αἰσίῳ τύχην
παρέσχες ἡμῖν, καὶ τανῦν ἴσος γενοῦ.
ὡς εἴπερ ἄρξεις τῆσδε γῆς, ὥσπερ κρατεῖς,
ξὺν ἀνδράσιν κάλλιον ἢ κενῆς κρατεῖν·
ὡς οὐδέν ἐστιν οὔτε πύργος οὔτε ναῦς
ἔρημος ἀνδρῶν μὴ ξυνοικούντων ἔσω.
Let us never remember your reign as the time we were set upright and later fell. No, set this city upright on firm footing. With a bird of good omen you gave us good fortune then; be the same man now. If you’re going to rule this land, as you do now, it’s better to rule it with people in it than empty. A tower or a ship is nothing when it is empty, with no men living together inside.
Oedipusὦ παῖδες οἰκτροί, γνωτὰ κοὐκ ἄγνωτά μοι
προσήλθεθʼ ἱμείροντες· εὖ γὰρ οἶδʼ ὅτι
νοσεῖτε πάντες, καὶ νοσοῦντες, ὡς ἐγὼ
οὐκ ἔστιν ὑμῶν ὅστις ἐξ ἴσου νοσεῖ.
τὸ μὲν γὰρ ὑμῶν ἄλγος εἰς ἕνʼ ἔρχεται
μόνον καθʼ αὑτὸν κοὐδένʼ ἄλλον, ἡ δʼ ἐμὴ
ψυχὴ πόλιν τε κἀμὲ καὶ σʼ ὁμοῦ στένει.
ὥστʼ οὐχ ὕπνῳ γʼ εὕδοντά μʼ ἐξεγείρετε,
ἀλλʼ ἴστε πολλὰ μέν με δακρύσαντα δή,
πολλὰς δʼ ὁδοὺς ἐλθόντα φροντίδος πλάνοις·
OedipusMy poor children, what you’ve come here longing for is known to me, not unknown. I know well that you are all sick. And sick as you are, there isn’t one of you whose sickness is equal to mine. Your pain comes to each of you alone, to himself and to no one else. But my soul grieves for the city, for myself, and for you, all at once. So you aren’t waking me from sleep. Know that I have wept many tears, and traveled many roads in the wanderings of my thoughts.
ἣν δʼ εὖ σκοπῶν ηὕρισκον ἴασιν μόνην,
ταύτην ἔπραξα· παῖδα γὰρ Μενοικέως
Κρέοντʼ, ἐμαυτοῦ γαμβρόν, ἐς τὰ Πυθικὰ
ἔπεμψα Φοίβου δώμαθʼ, ὡς πύθοιθʼ ὅ τι
δρῶν ἢ τί φωνῶν τήνδε ῥυσαίμην πόλιν.
καί μʼ ἦμαρ ἤδη ξυμμετρούμενον χρόνῳ
λυπεῖ τί πράσσει· τοῦ γὰρ εἰκότος πέρα
ἄπεστι πλείω τοῦ καθήκοντος χρόνου.
ὅταν δʼ ἵκηται, τηνικαῦτʼ ἐγὼ κακὸς
μὴ δρῶν ἂν εἴην πάνθʼ ὅσʼ ἂν δηλοῖ θεός.
The one remedy I could find after careful thought, I have put into action. I sent Creon, Menoeceus’ son, my own brother-in-law, to Phoebus’ Pythian house, to find out what I might do or say to save this city. And already, when I count the days, I’m troubled about how he’s faring. He has been away longer than one would expect, past the proper time. But when he comes, I’d be a bad man if I didn’t do everything the god reveals.
Priestἀλλʼ εἰς καλὸν σύ τʼ εἶπας οἵδε τʼ ἀρτίως
Κρέοντα προσστείχοντα σημαίνουσί μοι.
PriestYou speak just in time: these men have just signaled to me that Creon is approaching.
Oedipusὦναξ Ἄπολλον, εἰ γὰρ ἐν τύχῃ γέ τῳ
σωτῆρι βαίη λαμπρὸς ὥσπερ ὄμματι
OedipusLord Apollo, if only he comes with some saving fortune, bright as his face is bright!
Priestἀλλʼ εἰκάσαι μέν, ἡδύς· οὐ γὰρ ἂν κάρα
πολυστεφὴς ὧδʼ εἷρπε παγκάρπου δάφνης.
PriestAs far as one can guess, his news is welcome. Otherwise he wouldn’t be coming with his head crowned so thickly with berry-laden laurel.
Oedipusτάχʼ εἰσόμεσθα· ξύμμετρος γὰρ ὡς κλύειν.
ἄναξ, ἐμὸν κήδευμα, παῖ Μενοικέως,
τίνʼ ἡμὶν ἥκεις τοῦ θεοῦ φήμην φέρων;
OedipusWe’ll know soon. He’s close enough to hear. My lord, my kinsman, son of Menoeceus, what word from the god have you brought us?
Creonἐσθλήν· λέγω γὰρ καὶ τὰ δύσφορʼ, εἰ τύχοι
κατʼ ὀρθὸν ἐξελθόντα, πάντʼ ἂν εὐτυχεῖν.
CreonGood news. I say that even what is hard to bear, if it happens to turn out right, will end well.
Oedipusἔστιν δὲ ποῖον τοὔπος; οὔτε γὰρ θρασὺς
οὔτʼ οὖν προδείσας εἰμὶ τῷ γε νῦν λόγῳ.
OedipusBut what is the word? What you’ve said so far makes me neither bold nor afraid.
Creonεἰ τῶνδε χρῄζεις πλησιαζόντων κλύειν,
ἕτοιμος εἰπεῖν, εἴτε καὶ στείχειν ἔσω.
CreonIf you want to hear it with these people close by, I’m ready to speak, or else to go inside.
Oedipusἐς πάντας αὔδα· τῶνδε γὰρ πλέον φέρω
τὸ πένθος ἢ καὶ τῆς ἐμῆς ψυχῆς πέρι.
OedipusSpeak out to everyone. The grief I carry is more for them than for my own life.
Creonλέγοιμʼ ἂν οἷʼ ἤκουσα τοῦ θεοῦ πάρα.
ἄνωγεν ἡμᾶς Φοῖβος ἐμφανῶς ἄναξ
μίασμα χώρας, ὡς τεθραμμένον χθονὶ
ἐν τῇδʼ, ἐλαύνειν μηδʼ ἀνήκεστον τρέφειν.
CreonThen I’ll tell you what I heard from the god. Lord Phoebus plainly commands us to drive out a pollution from the land, one that has been nurtured in this soil, and not to nurture it until it can’t be cured.
Oedipusποίῳ καθαρμῷ; τίς ὁ τρόπος τῆς ξυμφορᾶς;
OedipusWith what purification? What is the nature of the trouble?
Creonἀνδρηλατοῦντας ἢ φόνῳ φόνον πάλιν
λύοντας, ὡς τόδʼ αἷμα χειμάζον πόλιν.
CreonBy banishing a man, or by paying for blood with blood again, since it’s this blood that brings the storm upon the city.
Creonἦν ἡμίν, ὦναξ, Λάϊός ποθʼ ἡγεμὼν
γῆς τῆσδε, πρὶν σὲ τήνδʼ ἀπευθύνειν πόλιν.
CreonOnce, before you came to steer this city, we had a leader of this land, Laius.
Oedipusἔξοιδʼ ἀκούων· οὐ γὰρ εἰσεῖδόν γέ πω.
OedipusI know that from hearing of him. I never set eyes on him.
Creonτούτου θανόντος νῦν ἐπιστέλλει σαφῶς
τοὺς αὐτοέντας χειρὶ τιμωρεῖν τινας.
CreonHe was killed, and now the god plainly commands us to punish the men who killed him with their own hands, whoever they are.
Oedipusοἳ δʼ εἰσὶ ποῦ γῆς; ποῦ τόδʼ εὑρεθήσεται
ἴχνος παλαιᾶς δυστέκμαρτον αἰτίας;
OedipusAnd where on earth are they? Where will this faint track of an old crime be found?
Creonἐν τῇδʼ ἔφασκε γῇ· τὸ δὲ ζητούμενον
ἁλωτόν, ἐκφεύγειν δὲ τἀμελούμενον.
CreonIn this land, he said. What is sought can be caught; what is neglected escapes.
Oedipusπότερα δʼ ἐν οἴκοις ἢ ʼν ἀγροῖς ὁ Λάϊος
ἢ γῆς ἐπʼ ἄλλης τῷδε συμπίπτει φόνῳ;
OedipusWas it at home, or in the country, or in some other land that Laius met this death?
Creonθεωρός, ὡς ἔφασκεν, ἐκδημῶν, πάλιν
πρὸς οἶκον οὐκέθʼ ἵκεθʼ, ὡς ἀπεστάλη.
CreonHe had gone abroad, so he said, to consult the oracle, and once he’d set out, he never came home again.
Oedipusοὐδʼ ἄγγελός τις οὐδὲ συμπράκτωρ ὁδοῦ
κατεῖδʼ, ὅτου τις ἐκμαθὼν ἐχρήσατʼ ἄν;
OedipusAnd no messenger, no fellow traveler saw it, someone whose story could have been put to use?
Creonθνῄσκουσι γάρ, πλὴν εἷς τις, ὃς φόβῳ, φυγὼν
ὧν εἶδε πλὴν ἓν οὐδὲν εἶχʼ εἰδὼς φράσαι.
CreonNo, they were killed, all but one. He fled in fear, and of what he saw he could say only one thing for certain.
Oedipusτὸ ποῖον; ἓν γὰρ πόλλʼ ἂν ἐξεύροι μαθεῖν,
ἀρχὴν βραχεῖαν εἰ λάβοιμεν ἐλπίδος.
OedipusWhat was that? One thing could lead us to learn many, if we could get a small beginning for hope.
Creonλῃστὰς ἔφασκε συντυχόντας οὐ μιᾷ
ῥώμῃ κτανεῖν νιν, ἀλλὰ σὺν πλήθει χερῶν.
CreonHe said robbers met them and killed him, not with the strength of one man, but with many hands.
Oedipusπῶς οὖν ὁ λῃστής, εἴ τι μὴ ξὺν ἀργύρῳ
ἐπράσσετʼ ἐνθένδʼ, ἐς τόδʼ ἂν τόλμης ἔβη;
OedipusThen how could the robber have dared go so far, unless something was being paid for with silver from here?
Creonδοκοῦντα ταῦτʼ ἦν· Λαΐου δʼ ὀλωλότος
οὐδεὶς ἀρωγὸς ἐν κακοῖς ἐγίγνετο.
CreonThat was suspected. But with Laius dead, no one rose to help us in our troubles.
Oedipusκακὸν δὲ ποῖον ἐμποδών, τυραννίδος
οὕτω πεσούσης, εἶργε τοῦτʼ ἐξειδέναι;
OedipusAnd what trouble stood in your way, when royal power had fallen like that, to stop you from finding this out?
Creonἡ ποικιλῳδὸς Σφὶγξ τὸ πρὸς ποσὶν σκοπεῖν
μεθέντας ἡμᾶς τἀφανῆ προσήγετο.
CreonThe Sphinx with her intricate songs made us let go of what was hidden and look at what lay at our feet.
Oedipusἀλλʼ ἐξ ὑπαρχῆς αὖθις αὔτʼ ἐγὼ φανῶ·
ἐπαξίως γὰρ Φοῖβος, ἀξίως δὲ σὺ
πρὸ τοῦ θανόντος τήνδʼ ἔθεσθʼ ἐπιστροφήν·
ὥστʼ ἐνδίκως ὄψεσθε κἀμὲ σύμμαχον
γῇ τῇδε τιμωροῦντα τῷ θεῷ θʼ ἅμα.
ὑπὲρ γὰρ οὐχὶ τῶν ἀπωτέρω φίλων,
ἀλλʼ αὐτὸς αὑτοῦ τοῦτʼ ἀποσκεδῶ μύσος.
OedipusThen I’ll start again from the beginning and bring it to light. Phoebus has rightly, and you have rightly, turned this attention to the dead man. So you will see me too as an ally, as is just, avenging this land and the god as well. Not on behalf of some distant loved one, but for my own sake I will drive away this defilement myself.
ὅστις γὰρ ἦν ἐκεῖνον ὁ κτανών, τάχʼ ἂν
κἄμʼ ἂν τοιαύτῃ χειρὶ τιμωροῦνθʼ ἕλοι.
κείνῳ προσαρκῶν οὖν ἐμαυτὸν ὠφελῶ.
ἀλλʼ ὡς τάχιστα, παῖδες, ὑμεῖς μὲν βάθρων
ἵστασθε, τούσδʼ ἄραντες ἱκτῆρας κλάδους,
ἄλλος δὲ Κάδμου λαὸν ὧδʼ ἀθροιζέτω,
ὡς πᾶν ἐμοῦ δράσοντος· ἢ γὰρ εὐτυχεῖς
σὺν τῷ θεῷ φανούμεθʼ ἢ πεπτωκότες.
For whoever it was that killed him might soon want to lay that same hand on me too, as I seek vengeance. So in helping him I’m helping myself. Now, children, quickly: rise from the steps and take up these suppliant branches. Let someone else gather the people of Cadmus here, for I will leave nothing undone. With the god’s help we will be shown to be fortunate, or fallen.
Priestὦ παῖδες, ἱστώμεσθα· τῶνδε γὰρ χάριν
καὶ δεῦρʼ ἔβημεν ὧν ὅδʼ ἐξαγγέλλεται.
Φοῖβος δʼ ὁ πέμψας τάσδε μαντείας ἅμα
σωτήρ δʼ ἵκοιτο καὶ νόσου παυστήριος.
PriestChildren, let us rise. What he has just announced is what we came here for. And may Phoebus, who sent these oracles, come as our savior too, and put an end to the sickness.
Parodos
The elders of Thebes pray to Athena, Artemis, Apollo and Dionysus to end the plague.
Chorusὦ Διὸς ἁδυεπὲς φάτι, τίς ποτε τᾶς πολυχρύσου
Πυθῶνος ἀγλαὰς ἔβας
Θήβας; ἐκτέταμαι φοβερὰν φρένα, δείματι πάλλων,
ἰήιε Δάλιε Παιάν,
ἀμφὶ σοὶ ἁζόμενος τί μοι ἢ νέον
ἢ περιτελλομέναις ὥραις πάλιν ἐξανύσεις χρέος.
εἰπέ μοι, ὦ χρυσέας τέκνον Ἐλπίδος, ἄμβροτε Φάμα.
ChorusSweet-spoken word of Zeus, what are you,
that have come from Pytho rich in gold
to shining Thebes?
I am stretched on the rack, my fearful heart shaking with dread,
Healer of Delos, to whom we cry,
in awe of you: what will you bring to pass for me,
something new,
or something that comes again with the circling seasons?
Tell me, child of golden Hope,
immortal Voice.
πρῶτα σὲ κεκλόμενος, θύγατερ Διός, ἄμβροτʼ Ἀθάνα
γαιάοχόν τʼ ἀδελφεὰν
Ἄρτεμιν, ἃ κυκλόεντʼ ἀγορᾶς θρόνον εὐκλέα θάσσει,
καὶ Φοῖβον ἑκαβόλον, ἰὼ
τρισσοὶ ἀλεξίμοροι προφάνητέ μοι,
εἴ ποτε καὶ προτέρας ἄτας ὕπερ ὀρνυμένας πόλει
ἠνύσατʼ ἐκτοπίαν φλόγα πήματος, ἔλθετε καὶ νῦν.
First I call on you, daughter of Zeus, immortal Athena,
and on your sister who guards our land,
Artemis, who sits on her glorious throne in the circle of the marketplace,
and on Phoebus, who shoots from afar: oh,
you three who ward off death, appear to me!
If ever before, when ruin came rushing on the city,
you drove the flame of suffering out of our land,
come now too.
ὦ πόποι, ἀνάριθμα γὰρ φέρω
πήματα· νοσεῖ δέ μοι πρόπας στόλος, οὐδʼ ἔνι φροντίδος ἔγχος
ᾧ τις ἀλέξεται. οὔτε γὰρ ἔκγονα
κλυτᾶς χθονὸς αὔξεται οὔτε τόκοισιν
ἰηίων καμάτων ἀνέχουσι γυναῖκες·
ἄλλον δʼ ἂν ἄλλῳ προσίδοις ἅπερ εὔπτερον ὄρνιν
κρεῖσσον ἀμαιμακέτου πυρὸς ὄρμενον
ἀκτὰν πρὸς ἑσπέρου θεοῦ.
Oh, oh, numberless are the sorrows I bear.
My whole people is sick,
and thought has no weapon
to ward it off.
The children of our famous earth do not grow,
and women do not rise from their crying labor
with children born.
One after another you can see them,
like birds on swift wings,
speeding faster than raging fire
to the shore of the western god.
ὧν πόλις ἀνάριθμος ὄλλυται·
νηλέα δὲ γένεθλα πρὸς πέδῳ θαναταφόρα κεῖται ἀνοίκτως·
ἐν δʼ ἄλοχοι πολιαί τʼ ἔπι ματέρες
ἀχὰν παραβώμιον ἄλλοθεν ἄλλαν
λυγρῶν πόνων ἱκετῆρες ἐπιστενάχουσιν.
παιὰν δὲ λάμπει στονόεσσά τε γῆρυς ὅμαυλος
ὧν ὕπερ, ὦ χρυσέα θύγατερ Διός,
εὐῶπα πέμψον ἀλκάν.
In their numberless deaths the city perishes.
Its children lie unpitied on the ground,
spreading death, with no one to mourn them.
And wives, and gray-haired mothers with them,
at the altars’ edge, from every side,
groan as suppliants for their bitter pains.
The healing hymn blazes out,
and with it the voice of lament.
For all this, golden daughter of Zeus,
send us help with a bright face.
Ἄρεά τε τὸν μαλερόν, ὃς νῦν ἄχαλκος ἀσπίδων
φλέγει με περιβόατον, ἀντιάζω
παλίσσυτον δράμημα νωτίσαι πάτρας
ἔπουρον, εἴτʼ ἐς μέγαν θάλαμον Ἀμφιτρίτας
εἴτʼ ἐς τὸν ἀπόξενον ὅρμων
Θρῄκιον κλύδωνα·
τελεῖν γὰρ εἴ τι νὺξ ἀφῇ,
τοῦτʼ ἐπʼ ἦμαρ ἔρχεται·
τόν, ὦ τᾶν πυρφόρων
ἀστραπᾶν κράτη νέμων,
ὦ Ζεῦ πάτερ, ὑπὸ σῷ φθίσον κεραυνῷ,
And Ares the raging,
who now without bronze shields
burns me as he comes amid cries,
I pray he will turn his back and run from our homeland,
swept by a fair wind,
either to the great chamber of Amphitrite
or to the Thracian waves
where no harbor welcomes strangers.
For if night leaves anything undone,
day comes on to finish it.
Him, you who wield the power
of fire-bearing lightning,
Father Zeus, destroy him beneath your thunderbolt.
Λύκειʼ ἄναξ, τά τε σὰ χρυσοστρόφων ἀπʼ ἀγκυλᾶν
βέλεα θέλοιμʼ ἂν ἀδάματʼ ἐνδατεῖσθαι
ἀρωγὰ προσταχθέντα τάς τε πυρφόρους
Ἀρτέμιδος αἴγλας, ξὺν αἷς Λύκιʼ ὄρεα διᾴσσει·
τὸν χρυσομίτραν τε κικλήσκω,
τᾶσδʼ ἐπώνυμον γᾶς,
οἰνῶπα Βάκχον εὔιον,
Μαινάδων ὁμόστολον,
πελασθῆναι φλέγοντʼ
ἀγλαῶπι ¯ ˘ ¯
πεύκᾳ ʼπὶ τὸν ἀπότιμον ἐν θεοῖς θεόν.
Lycean lord, I would have your arrows,
unconquerable, from your gold-twisted bowstring,
scattered among us, set before us to help,
and the fire-bearing light of Artemis’ torches,
with which she darts across the Lycian hills.
And I call on the god of the golden headband,
who shares his name with this land,
wine-flushed Bacchus, hailed with joyful cries,
companion of the Maenads,
to come near, blazing
with a bright …
torch, against the god dishonored among the gods.
First Episode
Oedipus curses the unknown killer, and the prophet Teiresias names Oedipus himself.
Oedipusαἰτεῖς· ἃ δʼ αἰτεῖς, τἄμʼ ἐὰν θέλῃς ἔπη
κλύων δέχεσθαι τῇ νόσῳ θʼ ὑπηρετεῖν,
ἀλκὴν λάβοις ἂν κἀνακούφισιν κακῶν·
ἁγὼ ξένος μὲν τοῦ λόγου τοῦδʼ ἐξερῶ,
ξένος δὲ τοῦ πραχθέντος· οὐ γὰρ ἂν μακρὰν
ἴχνευον αὐτός, μὴ οὐκ ἔχων τι σύμβολον,
νῦν δʼ ὕστερος γὰρ ἀστὸς εἰς ἀστοὺς τελῶ,
ὑμῖν προφωνῶ πᾶσι Καδμείοις τάδε·
ὅστις ποθʼ ὑμῶν Λάϊον τὸν Λαβδάκου
κάτοιδεν ἀνδρὸς ἐκ τίνος διώλετο,
τοῦτον κελεύω πάντα σημαίνειν ἐμοί·
OedipusYou pray. And what you pray for, if you are willing to hear and accept my words and do what the sickness demands, you may receive: defense and relief from your troubles. I will speak as a stranger to this story, and a stranger to the deed. I couldn’t track it far on my own without some clue. But as it is, since I became a citizen among citizens only later, I proclaim this to all of you, people of Cadmus: whoever among you knows by what man Laius, son of Labdacus, was killed, I command him to reveal everything to me.
κεἰ μὲν φοβεῖται, τοὐπίκλημʼ ὑπεξελεῖν
αὐτὸν καθʼ αὑτοῦ· πείσεται γὰρ ἄλλο μὲν
ἀστεργὲς οὐδέν. γῆς δʼ ἄπεισιν ἀσφαλής.
εἰ δʼ αὖ τις ἄλλον οἶδεν ἐξ ἄλλης χθονὸς
τὸν αὐτόχειρα, μὴ σιωπάτω· τὸ γὰρ
κέρδος τελῶ ʼγὼ χἠ χάρις προσκείσεται.
εἰ δʼ αὖ σιωπήσεσθε, καί τις ἢ φίλου
δείσας ἀπώσει τοὔπος ἢ χαὐτοῦ τόδε,
ἃκ τῶνδε δράσω, ταῦτα χρὴ κλύειν ἐμοῦ.
And if he is afraid, let him remove the charge by speaking out against himself. He will suffer nothing else unpleasant; he will leave the land unharmed. Or if someone knows that the killer is another man, from another land, let him not keep silent. I will pay him the reward, and my gratitude will be his as well. But if you keep silent, and someone, fearing for a loved one or for himself, rejects my command, then you must hear from me what I will do.
τὸν ἄνδρʼ ἀπαυδῶ τοῦτον, ὅστις ἐστί, γῆς
τῆσδʼ, ἧς ἐγὼ κράτη τε καὶ θρόνους νέμω,
μήτʼ εἰσδέχεσθαι μήτε προσφωνεῖν τινα,
μήτʼ ἐν θεῶν εὐχαῖσι μήτε θύμασιν
κοινὸν ποεῖσθαι, μήτε χέρνιβας νέμειν·
ὠθεῖν δʼ ἀπʼ οἴκων πάντας, ὡς μιάσματος
τοῦδʼ ἡμὶν ὄντος, ὡς τὸ Πυθικὸν θεοῦ
μαντεῖον ἐξέφηνεν ἀρτίως ἐμοί.
ἐγὼ μὲν οὖν τοιόσδε τῷ τε δαίμονι
τῷ τʼ ἀνδρὶ τῷ θανόντι σύμμαχος πέλω·
As for this man, whoever he is, I forbid anyone in this land, where I hold power and the throne, to receive him or speak to him, or to make him a partner in prayers or sacrifices to the gods, or to share the holy water with him. All must drive him from their homes, since he is our pollution, as the god’s Pythian oracle has just revealed to me. This, then, is the kind of ally I am to the god and to the dead man.
κατεύχομαι δὲ τὸν δεδρακότʼ, εἴτε τις
εἷς ὢν λέληθεν εἴτε πλειόνων μέτα,
κακὸν κακῶς νιν ἄμορον ἐκτρῖψαι βίον·
ἐπεύχομαι δʼ, οἴκοισιν εἰ ξυνέστιος
ἐν τοῖς ἐμοῖς γένοιτʼ ἐμοῦ συνειδότος,
παθεῖν ἅπερ τοῖσδʼ ἀρτίως ἠρασάμην.
ὑμῖν δὲ ταῦτα πάντʼ ἐπισκήπτω τελεῖν,
ὑπέρ τʼ ἐμαυτοῦ τοῦ θεοῦ τε τῆσδέ τε
γῆς ὧδʼ ἀκάρπως κἀθέως ἐφθαρμένης.
And I pray that the one who did it, whether he has escaped notice alone or with others, may wear out his wretched life wretchedly, with no share of good. And I pray that if he should become a sharer of my hearth, in my own house, with my knowledge, I may suffer what I have just called down on them. I charge you to carry all this out, for my sake, and the god’s, and for this land, wasting away like this, fruitless and forsaken by the gods.
οὐδʼ εἰ γὰρ ἦν τὸ πρᾶγμα μὴ θεήλατον,
ἀκάθαρτον ὑμᾶς εἰκὸς ἦν οὕτως ἐᾶν,
ἀνδρός γʼ ἀρίστου βασιλέως τʼ ὀλωλότος,
ἀλλʼ ἐξερευνᾶν· νῦν δʼ ἐπεὶ κυρῶ γʼ ἐγὼ
ἔχων μὲν ἀρχὰς ἃς ἐκεῖνος εἶχε πρίν,
ἔχων δὲ λέκτρα καὶ γυναῖχʼ ὁμόσπορον,
κοινῶν τε παίδων κοίνʼ ἄν, εἰ κείνῳ γένος
μὴ ʼδυστύχησεν, ἦν ἂν ἐκπεφυκότα·
Even if this matter weren’t driven on by a god, it wasn’t right for you to leave it unpurified like this, when a man so noble, your king, had died. You should have searched it out. But now, since I happen to hold the power he once held, and have his bed, and a wife we have both sown, and children of one mother would have bound us together, if his line had not met misfortune—
νῦν δʼ ἐς τὸ κείνου κρᾶτʼ ἐνήλαθʼ ἡ τύχη·
ἀνθʼ ὧν ἐγὼ τάδʼ, ὡσπερεὶ τοὐμοῦ πατρός,
ὑπερμαχοῦμαι κἀπὶ πᾶν ἀφίξομαι,
ζητῶν τὸν αὐτόχειρα τοῦ φόνου λαβεῖν,
τῷ Λαβδακείῳ παιδὶ Πολυδώρου τε καὶ
τοῦ πρόσθε Κάδμου τοῦ πάλαι τʼ Ἀγήνορος.
καὶ ταῦτα τοῖς μὴ δρῶσιν εὔχομαι θεοὺς
μήτʼ ἄροτον αὐτοῖς γῆς ἀνιέναι τινὰ
μήτʼ οὖν γυναικῶν παῖδας, ἀλλὰ τῷ πότμῳ
τῷ νῦν φθερεῖσθαι κἄτι τοῦδʼ ἐχθίονι·
but as it is, fortune came leaping down on his head—for all these reasons I will fight for him as if he were my own father. I will go to any length searching to seize the man who killed him with his own hand, for the son of Labdacus, son of Polydorus, son of Cadmus before him, and of Agenor of old. And for those who don’t do this, I pray that the gods send them up no harvest from the earth, and no children from their wives, but that they perish by the fate we suffer now, or one still more hateful.
ὑμῖν δὲ τοῖς ἄλλοισι Καδμείοις, ὅσοις
τάδʼ ἔστʼ ἀρέσκονθʼ, ἥ τε σύμμαχος Δίκη
χοἰ πάντες εὖ ξυνεῖεν εἰσαεὶ θεοί.
But to the rest of you, people of Cadmus, all who approve of this, may Justice our ally and all the gods be with you for good, forever.
Chorusὥσπερ μʼ ἀραῖον ἔλαβες, ὧδʼ, ἄναξ, ἐρῶ.
οὔτʼ ἔκτανον γὰρ οὔτε τὸν κτανόντʼ ἔχω
δεῖξαι. τὸ δὲ ζήτημα τοῦ πέμψαντος ἦν
Φοίβου τόδʼ εἰπεῖν, ὅστις εἴργασταί ποτε.
ChorusSince you have bound me under your curse, my lord, I will speak in the same spirit. I didn’t kill him, and I can’t point out who did. It was for Phoebus, who sent us on this search, to tell us who has done it.
Oedipusδίκαιʼ ἔλεξας· ἀλλʼ ἀναγκάσαι θεοὺς
ἃν μὴ θέλωσιν οὐδʼ ἂν εἷς δύναιτʼ ἀνήρ.
OedipusThat’s fair. But no man alive could force the gods to do what they don’t want.
Chorusτὰ δεύτερʼ ἐκ τῶνδʼ ἂν λέγοιμʼ ἁμοὶ δοκεῖ.
ChorusThen I’d tell you what seems to me the next best course.
Oedipusεἰ καὶ τρίτʼ ἐστί, μὴ παρῇς τὸ μὴ οὐ φράσαι.
OedipusAnd if there’s a third, don’t fail to tell me that too.
Chorusἄνακτʼ ἄνακτι ταὔθʼ ὁρῶντʼ ἐπίσταμαι
μάλιστα Φοίβῳ Τειρεσίαν, παρʼ οὗ τις ἂν
σκοπῶν τάδʼ, ὦναξ, ἐκμάθοι σαφέστατα.
ChorusI know that the lord Teiresias sees most nearly what the lord Phoebus sees. Anyone looking into this could learn it from him most clearly.
Oedipusἀλλʼ οὐκ ἐν ἀργοῖς οὐδὲ τοῦτʼ ἐπραξάμην.
ἔπεμψα γὰρ Κρέοντος εἰπόντος διπλοῦς
πομπούς· πάλαι δὲ μὴ παρῶν θαυμάζεται.
OedipusI haven’t left this undone either. On Creon’s advice I sent two men to bring him. I’ve been wondering for some time why he isn’t here.
Chorusκαὶ μὴν τά γʼ ἄλλα κωφὰ καὶ παλαίʼ ἔπη.
ChorusAnd then there are the other rumors, faint and old.
Oedipusτὰ ποῖα ταῦτα; πάντα γὰρ σκοπῶ λόγον.
OedipusWhat are they? I’m looking into every story.
Oedipusἤκουσα κἀγώ. τὸν δʼ ἰδόντʼ οὐδεὶς ὁρᾷ.
OedipusI’ve heard that too. But no one sees the man who saw it.
Chorusἀλλʼ εἴ τι μὲν δὴ δείματός γʼ ἔχει μέρος,
τὰς σὰς ἀκούων οὐ μενεῖ τοιάσδʼ ἀράς,
ChorusWell, if he has any share of fear, he won’t stay once he hears curses like yours.
Oedipusᾧ μή ʼστι δρῶντι τάρβος, οὐδʼ ἔπος φοβεῖ.
OedipusA man who has no fear of the deed won’t be frightened by a word.
Chorusἀλλʼ οὑξελέγξων αὐτὸν ἔστιν· οἵδε γὰρ
τὸν θεῖον ἤδη μάντιν ὧδʼ ἄγουσιν, ᾧ
τἀληθὲς ἐμπέφυκεν ἀνθρώπων μόνῳ.
ChorusBut here is the one who will expose him. They are bringing the godlike prophet now, the only man in whom the truth is inborn.
Oedipusὦ πάντα νωμῶν Τειρεσία, διδακτά τε
ἄρρητά τʼ, οὐράνιά τε καὶ χθονοστιβῆ,
πόλιν μέν, εἰ καὶ μὴ βλέπεις, φρονεῖς δʼ ὅμως
οἵᾳ νόσῳ σύνεστιν· ἧς σὲ προστάτην
σωτῆρά τʼ, ὦναξ, μοῦνον ἐξευρίσκομεν.
Φοῖβος γάρ, εἴ τι μὴ κλύεις τῶν ἀγγέλων,
πέμψασιν ἡμῖν ἀντέπεμψεν, ἔκλυσιν
μόνην ἂν ἐλθεῖν τοῦδε τοῦ νοσήματος,
εἰ τοὺς κτανόντας Λάϊον μαθόντες εὖ
κτείναιμεν ἢ γῆς φυγάδας ἐκπεμψαίμεθα.
OedipusTeiresias, you who grasp everything, what can be taught and what cannot be spoken, things of heaven and things that walk the earth: even though you cannot see, you still understand what sickness lives with our city. Against it, my lord, we find you alone as our protector and savior. For Phoebus, if you haven’t heard it from the messengers, sent back an answer to us when we sent to him: the only release from this sickness would come if we found out for certain who killed Laius, and killed them or sent them out of the land as exiles.
σύ νυν φθονήσας μήτʼ ἀπʼ οἰωνῶν φάτιν
μήτʼ εἴ τινʼ ἄλλην μαντικῆς ἔχεις ὁδόν,
ῥῦσαι σεαυτὸν καὶ πόλιν, ῥῦσαι δʼ ἐμέ,
ῥῦσαι δὲ πᾶν μίασμα τοῦ τεθνηκότος.
ἐν σοὶ γὰρ ἐσμέν· ἄνδρα δʼ ὠφελεῖν ἀφʼ ὧν
ἔχοι τε καὶ δύναιτο, κάλλιστος πόνων.
So don’t begrudge us any word from the birds, or any other path of prophecy you have. Save yourself and the city, save me, save us from all the pollution of the dead man. We are in your hands. For a man to help others with whatever he has and whatever he can is the finest of labors.
Teiresiasφεῦ φεῦ, φρονεῖν ὡς δεινὸν ἔνθα μὴ τέλη
λύῃ φρονοῦντι· ταῦτα γὰρ καλῶς ἐγὼ
εἰδὼς διώλεσʼ· οὐ γὰρ ἂν δεῦρʼ ἱκόμην.
TeiresiasAh, ah, how terrible it is to be wise when wisdom brings no profit to the wise! I knew this well, and let it slip from my mind. Otherwise I would never have come here.
Oedipusτί δʼ ἔστιν; ὡς ἄθυμος εἰσελήλυθας.
OedipusWhat is it? How downhearted you are, coming in!
Teiresiasἄφες μʼ ἐς οἴκους· ῥᾷστα γὰρ τὸ σόν τε σὺ
κἀγὼ διοίσω τοὐμόν, ἢν ἐμοὶ πίθῃ.
TeiresiasLet me go home. You will bear your lot most easily, and I mine, if you listen to me.
Oedipusοὔτʼ ἔννομʼ εἶπας οὔτε προσφιλῆ πόλει
τῇδʼ, ἥ σʼ ἔθρεψε, τήνδʼ ἀποστερῶν φάτιν.
OedipusWhat you say isn’t lawful, and it’s no kindness to this city that raised you, if you hold back this word.
Teiresiasὁρῶ γὰρ οὐδὲ σοὶ τὸ σὸν φώνημʼ ἰὸν
πρὸς καιρόν· ὡς οὖν μηδʼ ἐγὼ ταὐτὸν πάθω—
TeiresiasBecause I see that your own words aren’t going where they should. So, so that I won’t suffer the same—
Oedipusμὴ πρὸς θεῶν φρονῶν γʼ ἀποστραφῇς, ἐπεὶ
πάντες σε προσκυνοῦμεν οἵδʼ ἱκτήριοι.
OedipusFor the gods’ sake, if you know, don’t turn away, when all of us here kneel to you as suppliants.
Teiresiasπάντες γὰρ οὐ φρονεῖτʼ· ἐγὼ δʼ οὐ μή ποτε
τἄμʼ, ὡς ἂν εἴπω μὴ τὰ σʼ, ἐκφήνω κακά.
TeiresiasBecause none of you understands. I will never reveal my troubles, so as not to speak of yours.
Oedipusτί φής; ξυνειδὼς οὐ φράσεις, ἀλλʼ ἐννοεῖς
ἡμᾶς προδοῦναι καὶ καταφθεῖραι πόλιν;
OedipusWhat are you saying? You know, and you won’t tell? You mean to betray us and destroy the city?
Teiresiasἐγὼ οὔτʼ ἐμαυτὸν οὔτε σʼ ἀλγυνῶ. τί ταῦτʼ
ἄλλως ἐλέγχεις; οὐ γὰρ ἂν πύθοιό μου.
TeiresiasI will not cause pain to myself or to you. Why do you question me in vain? You won’t learn it from me.
Oedipusοὐκ, ὦ κακῶν κάκιστε, καὶ γὰρ ἂν πέτρου
φύσιν σύ γʼ ὀργάνειας, ἐξερεῖς ποτε,
ἀλλʼ ὧδʼ ἄτεγκτος κἀτελεύτητος φανεῖ;
OedipusYou lowest of the low, you’d enrage a stone! Won’t you ever speak out? Will you go on like this, unmoved, never coming to the point?
Teiresiasὀργὴν ἐμέμψω τὴν ἐμήν, τὴν σὴν δʼ ὁμοῦ
ναίουσαν οὐ κατεῖδες, ἀλλʼ ἐμὲ ψέγεις.
TeiresiasYou blame my temper, but you don’t see the one that lives right there with you. Instead you find fault with me.
Oedipusτίς γὰρ τοιαῦτʼ ἂν οὐκ ἂν ὀργίζοιτʼ ἔπη
κλύων, ἃ νῦν σὺ τήνδʼ ἀτιμάζεις πόλιν;
OedipusWho wouldn’t be angry, hearing words like these, with which you now dishonor this city?
Teiresiasἥξει γὰρ αὐτά, κἂν ἐγὼ σιγῇ στέγω.
TeiresiasIt will come of itself, even if I shroud it in silence.
Oedipusοὐκοῦν ἅ γʼ ἥξει καὶ σὲ χρὴ λέγειν ἐμοί.
OedipusThen what is coming, you ought to tell me.
Teiresiasοὐκ ἂν πέρα φράσαιμι. πρὸς τάδʼ, εἰ θέλεις,
θυμοῦ διʼ ὀργῆς ἥτις ἀγριωτάτη.
TeiresiasI will say no more. So, if you like, rage away, with the wildest anger you have.
Oedipusκαὶ μὴν παρήσω γʼ οὐδέν, ὡς ὀργῆς ἔχω,
ἅπερ ξυνίημʼ· ἴσθι γὰρ δοκῶν ἐμοὶ
καὶ ξυμφυτεῦσαι τοὔργον εἰργάσθαι θʼ, ὅσον
μὴ χερσὶ καίνων· εἰ δʼ ἐτύγχανες βλέπων,
καὶ τοὔργον ἂν σοῦ τοῦτʼ, ἔφην εἶναι μόνου.
OedipusAll right, then. I’m so angry I’ll leave out nothing of what I understand. Know that I think you helped plan the deed, and did it too, short of killing with your own hands. And if you had your sight, I’d say the deed was yours alone.
Teiresiasἄληθες; ἐννέπω σὲ τῷ κηρύγματι
ᾧπερ προεῖπας ἐμμένειν, κἀφʼ ἡμέρας
τῆς νῦν προσαυδᾶν μήτε τούσδε μήτʼ ἐμέ,
ὡς ὄντι γῆς τῆσδʼ ἀνοσίῳ μιάστορι.
TeiresiasReally? I tell you to abide by the proclamation you made, and from this day on to speak neither to these people nor to me, since you are the unholy polluter of this land.
Oedipusοὕτως ἀναιδῶς ἐξεκίνησας τόδε
τὸ ῥῆμα; καὶ ποῦ τοῦτο φεύξεσθαι δοκεῖς;
OedipusYou dare start up a story like this, so shamelessly? And how do you think you’ll get away with it?
Teiresiasπέφευγα· τἀληθὲς γὰρ ἰσχῦον τρέφω.
TeiresiasI have escaped. The truth I nurture is strong.
Oedipusπρὸς τοῦ διδαχθείς; οὐ γὰρ ἔκ γε τῆς τέχνης.
OedipusWho taught you that? It wasn’t your craft, certainly.
Teiresiasπρὸς σοῦ· σὺ γάρ μʼ ἄκοντα προυτρέψω λέγειν.
TeiresiasYou did. You drove me to speak against my will.
Oedipusποῖον λόγον; λέγʼ αὖθις, ὡς μᾶλλον μάθω.
OedipusSpeak what? Say it again, so I can understand it better.
Teiresiasοὐχὶ ξυνῆκας πρόσθεν; ἢ ʼκπειρᾷ λέγων;
TeiresiasDidn’t you understand before? Or are you testing me, to make me talk?
Oedipusοὐχ ὥστε γʼ εἰπεῖν γνωστόν· ἀλλʼ αὖθις φράσον.
OedipusNot so I could say I’ve grasped it. Tell me again.
Teiresiasφονέα σε φημὶ τἀνδρὸς οὗ ζητεῖς κυρεῖν.
TeiresiasI say you are the killer of the man whose killer you are seeking.
Oedipusἀλλʼ οὔ τι χαίρων δίς γε πημονὰς ἐρεῖς.
OedipusYou’ll regret saying such vile things twice.
Teiresiasεἴπω τι δῆτα κἄλλʼ, ἵνʼ ὀργίζῃ πλέον;
TeiresiasShall I tell you something more, then, to make you angrier still?
Oedipusὅσον γε χρῄζεις· ὡς μάτην εἰρήσεται.
OedipusAs much as you like. It will be said for nothing.
Teiresiasλεληθέναι σε φημὶ σὺν τοῖς φιλτάτοις
αἴσχισθʼ ὁμιλοῦντʼ, οὐδʼ ὁρᾶν ἵνʼ εἶ κακοῦ.
TeiresiasI say that without knowing it you are living in the most shameful intimacy with those closest to you, and you can’t see how deep in evil you are.
Oedipusἦ καὶ γεγηθὼς ταῦτʼ ἀεὶ λέξειν δοκεῖς;
OedipusDo you really think you’ll go on saying these things and enjoy it?
Oedipusἀλλʼ ἔστι, πλὴν σοί· σοὶ δὲ τοῦτʼ οὐκ ἔστʼ ἐπεὶ
τυφλὸς τά τʼ ὦτα τόν τε νοῦν τά τʼ ὄμματʼ εἶ.
OedipusIt does, except for you. In you it has none, since you are blind in your ears, your mind, and your eyes.
Teiresiasσὺ δʼ ἄθλιός γε ταῦτʼ ὀνειδίζων, ἃ σοὶ
οὐδεὶς ὃς οὐχὶ τῶνδʼ ὀνειδιεῖ τάχα.
TeiresiasAnd you’re a poor wretch, throwing these insults at me, which everyone here will soon be throwing at you.
Oedipusμιᾶς τρέφει πρὸς νυκτός, ὥστε μήτʼ ἐμὲ
μήτʼ ἄλλον, ὅστις φῶς ὁρᾷ, βλάψαι ποτʼ ἄν.
OedipusYou live in one unbroken night, so you could never harm me, or anyone else who sees the light.
Teiresiasοὐ γάρ σε μοῖρα πρός γʼ ἐμοῦ πεσεῖν, ἐπεὶ
ἱκανὸς Ἀπόλλων, ᾧ τάδʼ ἐκπρᾶξαι μέλει.
TeiresiasNo, it isn’t your fate to fall by my hand. Apollo is enough; it is his concern to bring this about.
TeiresiasΚρέων δέ σοι πῆμʼ οὐδέν, ἀλλʼ αὐτὸς σὺ σοί.
TeiresiasCreon is no harm to you. You are your own.
Oedipusὦ πλοῦτε καὶ τυραννὶ καὶ τέχνη τέχνης
ὑπερφέρουσα τῷ πολυζήλῳ βίῳ,
ὅσος παρʼ ὑμῖν ὁ φθόνος φυλάσσεται,
εἰ τῆσδέ γʼ ἀρχῆς οὕνεχʼ, ἣν ἐμοὶ πόλις
δωρητόν, οὐκ αἰτητόν, εἰσεχείρισεν,
ταύτης Κρέων ὁ πιστός, οὑξ ἀρχῆς φίλος,
λάθρᾳ μʼ ὑπελθὼν ἐκβαλεῖν ἱμείρεται,
ὑφεὶς μάγον τοιόνδε μηχανορράφον,
δόλιον ἀγύρτην, ὅστις ἐν τοῖς κέρδεσιν
μόνον δέδορκε, τὴν τέχνην δʼ ἔφυ τυφλός.
OedipusWealth, and kingship, and skill that outstrips every other skill in a life that others envy, how much jealousy you store up against yourselves! This power was put into my hands by the city as a gift; I never asked for it. And if for its sake Creon, the trusted one, my friend from the first, longs to creep up on me in secret and throw me out, he has set this wizard on me, this weaver of schemes, a crafty beggar-priest who has eyes only for profit and was born blind in his own art.
ἐπεί, φέρʼ εἰπέ, ποῦ σὺ μάντις εἶ σαφής;
πῶς οὐκ, ὅθʼ ἡ ῥαψῳδὸς ἐνθάδʼ ἦν κύων,
ηὔδας τι τοῖσδʼ ἀστοῖσιν ἐκλυτήριον;
καίτοι τό γʼ αἴνιγμʼ οὐχὶ τοὐπιόντος ἦν
ἀνδρὸς διειπεῖν, ἀλλὰ μαντείας ἔδει·
ἣν οὔτʼ ἀπʼ οἰωνῶν σὺ προυφάνης ἔχων
οὔτʼ ἐκ θεῶν του γνωτόν· ἀλλʼ ἐγὼ μολών,
ὁ μηδὲν εἰδὼς Οἰδίπους, ἔπαυσά νιν,
γνώμῃ κυρήσας οὐδʼ ἀπʼ, οἰωνῶν μαθών·
Come on, tell me: where have you ever shown yourself a true seer? When the hound who chanted her riddles was here, why didn’t you say something to set these citizens free? And the riddle wasn’t for any passer-by to solve. It called for prophecy, and you were shown to have none, either from birds or from any god. But I came along, Oedipus who knew nothing, and I stopped her. I hit on the answer by my own wits, not by learning it from birds.
ὃν δὴ σὺ πειρᾷς ἐκβαλεῖν, δοκῶν θρόνοις
παραστατήσειν τοῖς Κρεοντείοις πέλας.
κλαίων δοκεῖς μοι καὶ σὺ χὠ συνθεὶς τάδε
ἀγηλατήσειν· εἰ δὲ μὴ ʼδόκεις γέρων
εἶναι, παθὼν ἔγνως ἂν οἷά περ φρονεῖς.
And I’m the one you’re trying to throw out, thinking you’ll stand close beside Creon’s throne. You’ll be sorry, I think, you and the man who cooked this up, for trying to drive out the pollution. If you didn’t look like an old man, you’d learn by suffering just what your thinking is worth.
Chorusἡμῖν μὲν εἰκάζουσι καὶ τὰ τοῦδʼ ἔπη
ὀργῇ λελέχθαι καὶ τά σʼ, Οἰδίπους, δοκεῖ,
δεῖ δʼ οὐ τοιούτων, ἀλλʼ ὅπως τὰ τοῦ θεοῦ
μαντεῖʼ ἄριστα λύσομεν, τόδε σκοπεῖν.
ChorusAs far as we can guess, both his words and yours, Oedipus, were spoken in anger. That isn’t what we need. We need to look at how we can best fulfill the god’s oracle.
Teiresiasεἰ καὶ τυραννεῖς, ἐξισωτέον τὸ γοῦν
ἴσʼ ἀντιλέξαι· τοῦδε γὰρ κἀγὼ κρατῶ.
οὐ γάρ τι σοὶ ζῶ δοῦλος, ἀλλὰ Λοξίᾳ·
ὥστʼ οὐ Κρέοντος προστάτου γεγράψομαι.
λέγω δʼ, ἐπειδὴ καὶ τυφλόν μʼ ὠνείδισας·
σὺ καὶ δέδορκας κοὐ βλέπεις ἵνʼ εἶ κακοῦ,
οὐδʼ ἔνθα ναίεις, οὐδʼ ὅτων οἰκεῖς μέτα.
ἆρʼ οἶσθʼ ἀφʼ ὧν εἶ; καὶ λέληθας ἐχθρὸς ὢν
τοῖς σοῖσιν αὐτοῦ νέρθε κἀπὶ γῆς ἄνω,
καί σʼ ἀμφιπλὴξ μητρός τε καὶ τοῦ σοῦ πατρὸς
ἐλᾷ ποτʼ ἐκ γῆς τῆσδε δεινόπους ἀρά,
βλέποντα νῦν μὲν ὄρθʼ, ἔπειτα δὲ σκότον.
TeiresiasYou may be king, but I have an equal right to answer you, word for word. In that, I too have power. I don’t live as your slave but as Loxias’, so I won’t be enrolled with Creon as my patron. And since you’ve taunted me with being blind, I’ll say this. You have your sight, and you don’t see the evil you’re in, or where you live, or whom you live with. Do you even know where you come from? Without knowing it, you’re an enemy to your own, those below the earth and those above it. And the double-striking curse of your mother and your father will come on its terrible feet and drive you one day out of this land. Now you see straight; then you’ll see darkness.
βοῆς δὲ τῆς σῆς ποῖος οὐκ ἔσται λιμήν,
ποῖος Κιθαιρὼν οὐχὶ σύμφωνος τάχα,
ὅταν καταίσθῃ τὸν ὑμέναιον, ὃν δόμοις
ἄνορμον εἰσέπλευσας, εὐπλοίας τυχών;
ἄλλων δὲ πλῆθος οὐκ ἐπαισθάνει κακῶν,
ἅ σʼ ἐξισώσει σοί τε καὶ τοῖς σοῖς τέκνοις.
πρὸς ταῦτα καὶ Κρέοντα καὶ τοὐμὸν στόμα
προπηλάκιζε· σοῦ γὰρ οὐκ ἔστιν βροτῶν
κάκιον ὅστις ἐκτριβήσεταί ποτε.
What harbor won’t ring with your cries? What part of Cithaeron won’t soon be echoing them, when you understand that wedding song, the marriage you sailed into in this house, a harbor that was no harbor, after so fair a voyage? And there’s a crowd of other evils you don’t perceive, which will make you level with yourself and with your children. So go on, throw mud at Creon and at what comes out of my mouth. No man alive will ever be crushed more wretchedly than you.
Oedipusἦ ταῦτα δῆτʼ ἀνεκτὰ πρὸς τούτου κλύειν;
οὐκ εἰς ὄλεθρον; οὐχὶ θᾶσσον; οὐ πάλιν
ἄψορρος οἴκων τῶνδʼ ἀποστραφεὶς ἄπει;
OedipusAm I really supposed to stand here and hear this from him? Curse you! Get out, quickly! Won’t you turn around and get away from this house?
Teiresiasοὐδʼ ἱκόμην ἔγωγʼ ἄν, εἰ σὺ μὴ ʼκάλεις.
TeiresiasI would never have come at all if you hadn’t called me.
Oedipusοὐ γάρ τί σʼ ᾔδη μῶρα φωνήσοντʼ, ἐπεὶ
σχολῇ σʼ ἂν οἴκους τοὺς ἐμοὺς ἐστειλάμην.
OedipusI didn’t know you’d talk such nonsense, or I’d have been in no hurry to fetch you to my house.
Teiresiasἡμεῖς τοιοίδʼ ἔφυμεν, ὡς μὲν σοὶ δοκεῖ,
μῶροι, γονεῦσι δʼ, οἵ σʼ ἔφυσαν, ἔμφρονες.
TeiresiasThat’s what I am: a fool, as it seems to you, but sensible enough to the parents who gave you birth.
Oedipusποίοισι; μεῖνον, τίς δέ μʼ ἐκφύει βροτῶν;
OedipusWhat parents? Wait! Who on earth is my father?
Teiresiasἥδʼ ἡμέρα φύσει σε καὶ διαφθερεῖ.
TeiresiasThis day will give you birth, and destroy you.
Teiresiasοὔκουν σὺ ταῦτʼ ἄριστος εὑρίσκειν ἔφυς;
TeiresiasWell, aren’t you the best man alive at solving riddles?
Oedipusτοιαῦτʼ ὀνείδιζʼ, οἷς ἔμʼ εὑρήσεις μέγαν.
OedipusGo ahead, mock me for the very thing in which you’ll find me great.
Oedipusἀλλʼ εἰ πόλιν τήνδʼ ἐξέσωσʼ, οὔ μοι μέλει.
OedipusBut if I saved this city, I don’t care.
Oedipusκομιζέτω δῆθʼ· ὡς παρὼν σύ γʼ ἐμποδὼν
ὀχλεῖς, συθείς τʼ ἂν οὐκ ἂν ἀλγύνοις πλέον.
OedipusYes, let him lead you. While you’re here you’re underfoot and a nuisance. Once you’re gone, you won’t trouble me anymore.
Teiresiasεἰπὼν ἄπειμʼ ὧν οὕνεκʼ, ἦλθον, οὐ τὸ σὸν
δείσας πρόσωπον· οὐ γὰρ ἔσθʼ ὅπου μʼ ὀλεῖς.
λέγω δέ σοι· τὸν ἄνδρα τοῦτον, ὃν πάλαι
ζητεῖς ἀπειλῶν κἀνακηρύσσων φόνον
τὸν Λαΐειον, οὗτός ἐστιν ἐνθάδε,
ξένος λόγῳ μέτοικος, εἶτα δʼ ἐγγενὴς
φανήσεται Θηβαῖος, οὐδʼ ἡσθήσεται
τῇ ξυμφορᾷ· τυφλὸς γὰρ ἐκ δεδορκότος
καὶ πτωχὸς ἀντὶ πλουσίου ξένην ἔπι
σκήπτρῳ προδεικνὺς γαῖαν ἐμπορεύσεται.
TeiresiasI’ll go once I’ve said what I came to say. I’m not afraid of your face; there’s no way you can destroy me. And I tell you this. The man you’ve long been hunting with threats and proclamations about the murder of Laius is here. He’s called a foreigner living among us, but he’ll be revealed as a native-born Theban, and he won’t be glad of the discovery. Blind instead of seeing, a beggar instead of rich, he will make his way to a foreign land, feeling the ground ahead of him with a staff.
φανήσεται δὲ παισὶ τοῖς αὑτοῦ ξυνὼν
ἀδελφὸς αὑτὸς καὶ πατήρ, κἀξ ἧς ἔφυ
γυναικὸς υἱὸς καὶ πόσις, καὶ τοῦ πατρὸς
ὁμόσπορός τε καὶ φονεύς. καὶ ταῦτʼ ἰὼν
εἴσω λογίζου· κἂν λάβῃς ἐψευσμένον,
φάσκειν ἔμʼ ἤδη μαντικῇ μηδὲν φρονεῖν.
He will be revealed as both brother and father to the children he lives with, as son and husband to the woman who bore him, and as the man who sowed where his father sowed, and killed him. Go inside and think it over. And if you find I’ve lied, then say I have no understanding of prophecy.
First Stasimon
The chorus pictures the hunted killer but refuses to believe the charge against Oedipus.
Chorusτίς ὅντινʼ ἁ θεσπιέπεια Δελφὶς εἶπε πέτρα
ἄρρητʼ ἀρρήτων τελέσαντα φοινίαισι χερσίν;
ὥρα νιν ἀελλάδων
ἵππων σθεναρώτερον
φυγᾷ πόδα νωμᾶν.
ἔνοπλος γὰρ ἐπʼ αὐτὸν ἐπενθρῴσκει
πυρὶ καὶ στεροπαῖς ὁ Διὸς γενέτας,
δειναὶ δʼ ἅμʼ ἕπονται
κῆρες ἀναπλάκητοι
ChorusWho is the man the prophesying rock of Delphi spoke of,
the man who did the most unspeakable of unspeakable things
with blood-red hands?
Now is his hour to ply his feet in flight,
stronger than storm-swift horses.
For armed against him the son of Zeus leaps
with fire and lightning,
and close behind him follow
the dread death-spirits that never miss.
ἔλαμψε γὰρ τοῦ νιφόεντος ἀρτίως φανεῖσα
φάμα Παρνασοῦ τὸν ἄδηλον ἄνδρα πάντʼ ἰχνεύειν.
φοιτᾷ γὰρ ὑπʼ ἀγρίαν
ὕλαν ἀνά τʼ ἄντρα καὶ
πέτρας ἰσόταυρος
μέλεος μελέῳ ποδὶ χηρεύων,
τὰ μεσόμφαλα γᾶς ἀπονοσφίζων
μαντεῖα· τὰ δʼ ἀεὶ
ζῶντα περιποτᾶται.
For just now the word has flashed
from snowy Parnassus:
everyone track down the hidden man!
He roams under the wild woods,
through caves and over rocks,
like a bull,
wretched, alone, on wretched feet,
trying to keep far from him the oracles
from the earth’s central navel.
But they live forever,
and flutter round him.
δεινὰ μὲν οὖν, δεινὰ ταράσσει σοφὸς οἰωνοθέτας
οὔτε δοκοῦντʼ οὔτʼ ἀποφάσκονθʼ· ὅ τι λέξω δʼ ἀπορῶ.
πέτομαι δʼ ἐλπίσιν οὔτʼ, ἐνθάδʼ ὁρῶν οὔτʼ ὀπίσω.
τί γὰρ ἢ Λαβδακίδαις
ἢ τῷ Πολύβου νεῖκος ἔκειτʼ, οὔτε πάροιθέν ποτʼ ἔγωγʼ
ἔμαθον, πρὸς ὅτου δὴ βασανίζων βασάνῳ
ἐπὶ τὰν ἐπίδαμον φάτιν εἶμʼ Οἰδιπόδα Λαβδακίδαις
ἐπίκουρος ἀδήλων θανάτων.
Terrible, terrible is the trouble
the wise reader of birds stirs in me.
I can’t accept it, I can’t deny it;
I don’t know what to say.
I float on hopes,
seeing neither what is here nor what lies behind.
What quarrel lay between the Labdacids
and the son of Polybus
I have never learned,
not before, not now,
no proof to test it by,
that I should go against the fame
Oedipus has among the people,
as an ally to the Labdacids
for deaths no one has seen.
ἀλλʼ ὁ μὲν οὖν Ζεὺς ὅ τʼ Ἀπόλλων ξυνετοὶ καὶ τὰ βροτῶν
εἰδότες· ἀνδρῶν δʼ ὅτι μάντις πλέον ἢ ʼγὼ φέρεται,
κρίσις οὔκ ἔστιν ἀλαθής· σοφίᾳ δʼ ἂν σοφίαν
παραμείψειεν ἀνήρ.
ἀλλʼ οὔποτʼ ἔγωγʼ ἄν, πρὶν ἴδοιμʼ ὀρθὸν ἔπος, μεμφομένων ἂν καταφαίην.
φανερὰ γὰρ ἐπʼ αὐτῷ, πτερόεσσʼ ἦλθε κόρα
ποτέ, καὶ σοφὸς ὤφθη βασάνῳ θʼ ἁδύπολις τῷ ἀπʼ ἐμᾶς
φρενὸς οὔποτʼ ὀφλήσει κακίαν.
Zeus and Apollo, yes, have understanding
and know the ways of mortals.
But that among men a seer counts for more than I do,
there’s no true way to judge.
One man may outstrip another’s wisdom with his own.
But never, until I see the word proved straight,
would I side with those who blame him.
For in plain sight the winged maiden
came against him once,
and he was seen to be wise;
he stood the test, the city’s joy.
So in my mind
he will never be found guilty of evil.
Second Episode
Oedipus accuses Creon of treason, and Jocasta’s story of the three roads makes him fear he killed Laius.
Creonἄνδρες πολῖται, δείνʼ ἔπη πεπυσμένος
κατηγορεῖν μου τὸν τύραννον Οἰδίπουν,
πάρειμʼ ἀτλητῶν. εἰ γὰρ ἐν ταῖς ξυμφοραῖς
ταῖς νῦν νομίζει πρός γʼ ἐμοῦ πεπονθέναι
λόγοισιν εἴτʼ ἔργοισιν εἰς βλάβην φέρον,
οὔτοι βίου μοι τοῦ μακραίωνος πόθος,
φέροντι τήνδε βάξιν. οὐ γὰρ εἰς ἁπλοῦν
ἡ ζημία μοι τοῦ λόγου τούτου φέρει,
ἀλλʼ ἐς μέγιστον, εἰ κακὸς μὲν ἐν πόλει,
κακὸς δὲ πρὸς σοῦ καὶ φίλων κεκλήσομαι.
CreonFellow citizens, I’ve heard that King Oedipus is bringing terrible charges against me, and I’m here because I can’t bear it. If he thinks that in our present troubles he has suffered anything from me, in word or in deed, that tends to do him harm, then I have no desire for a long life with this reputation hanging over me. The damage this charge does me is no simple matter. It’s the greatest there is, if I’m to be called a traitor in the city, a traitor by you and by my friends.
Chorusἀλλʼ ἦλθε μὲν δὴ τοῦτο τοὔνειδος τάχʼ ἂν
ὀργῇ βιασθὲν μᾶλλον ἢ γνώμῃ φρενῶν.
ChorusWell, that insult may have come out forced by anger, rather than from considered judgment.
Creonτοὔπος δʼ ἐφάνθη, ταῖς ἐμαῖς γνώμαις ὅτι
πεισθεὶς ὁ μάντις τοὺς λόγους ψευδεῖς λέγοι;
CreonAnd did he openly say that the seer was won over by my advice to tell lies?
Chorusηὐδᾶτο μὲν τάδʼ, οἶδα δʼ οὐ γνώμῃ τίνι.
ChorusThat was said. With what intention, I don’t know.
Creonἐξ ὀμμάτων δʼ ὀρθῶν τε κἀξ ὀρθῆς φρενὸς
κατηγορεῖτο τοὐπίκλημα τοῦτό μου;
CreonAnd was this charge made against me with steady eyes and a steady mind?
Chorusοὐκ οἶδʼ· ἃ γὰρ δρῶσʼ, οἱ κρατοῦντες οὐχ ὁρῶ.
αὐτὸς δʼ ὅδʼ ἤδη δωμάτων ἔξω περᾷ.
ChorusI don’t know. I don’t see what those in power do. But here he is himself, coming out of the house.
Oedipusοὗτος σύ, πῶς δεῦρʼ ἦλθες; ἦ τοσόνδʼ ἔχεις
τόλμης πρόσωπον ὥστε τὰς ἐμὰς στέγας
ἵκου, φονεὺς ὢν τοῦδε τἀνδρὸς ἐμφανῶς
λῃστής τʼ ἐναργὴς τῆς ἐμῆς τυραννίδος;
φέρʼ εἰπὲ πρὸς θεῶν, δειλίαν ἢ μωρίαν
ἰδών τινʼ ἔν μοι ταῦτʼ ἐβουλεύσω ποεῖν;
ἢ τοὔργον ὡς οὐ γνωριοῖμί σου τόδε
δόλῳ προσέρπον ἢ οὐκ ἀλεξοίμην μαθών;
ἆρʼ οὐχὶ μῶρόν ἐστι τοὐγχείρημά σου,
ἄνευ τε πλήθους καὶ φίλων τυραννίδα
θηρᾶν, ὃ πλήθει χρήμασίν θʼ ἁλίσκεται;
OedipusYou! How did you get here? Do you have such a brazen face that you’ve come to my house, when you’re plainly the murderer of the man before you and clearly a thief of my throne? Come, tell me, by the gods: what cowardice or foolishness did you see in me, that you planned to do this? Did you think I wouldn’t notice this plot of yours creeping up on me by stealth, or that I wouldn’t defend myself once I found out? Isn’t it foolish, this attempt of yours, to hunt for kingship without numbers and friends, when it’s a prize that is caught with numbers and money?
Creonοἶσθʼ ὡς πόησον; ἀντὶ τῶν εἰρημένων
ἴσʼ ἀντάκουσον, κᾆτα κρῖνʼ αὐτὸς μαθών.
CreonDo you know what you should do? Hear an equal answer to what you’ve said, and then judge for yourself, once you know.
Oedipusλέγειν σὺ δεινός, μανθάνειν δʼ ἐγὼ κακὸς
σοῦ· δυσμενῆ γὰρ καὶ βαρύν σʼ ηὕρηκʼ ἐμοί.
OedipusYou’re clever at talking, but I’m a bad learner, from you. I’ve found you hostile and dangerous to me.
Oedipusτοῦτʼ αὐτὸ μή μοι φράζʼ, ὅπως οὐκ εἶ κακός.
OedipusOn that very point, don’t tell me you’re not a traitor.
Creonεἴ τοι νομίζεις κτῆμα τὴν αὐθαδίαν
εἶναί τι τοῦ νοῦ χωρίς, οὐκ ὀρθῶς φρονεῖς.
CreonIf you think stubbornness without sense is something worth having, you’re not thinking straight.
Oedipusεἴ τοι νομίζεις ἄνδρα συγγενῆ κακῶς
δρῶν οὐχ ὑφέξειν τὴν δίκην, οὐκ εὖ φρονεῖς.
OedipusIf you think you can wrong a kinsman and not pay the penalty, you’re not thinking right.
Creonξύμφημί σοι ταῦτʼ ἔνδικʼ εἰρῆσθαι· τὸ δὲ
πάθημʼ ὁποῖον φὴς παθεῖν, δίδασκέ με.
CreonI agree that’s justly said. But tell me what harm it is you say you’ve suffered.
Oedipusἔπειθες ἢ οὐκ ἔπειθες, ὡς χρείη μʼ ἐπὶ
τὸν σεμνόμαντιν ἄνδρα πέμψασθαί τινα;
OedipusDid you or didn’t you persuade me that I ought to send someone for that revered prophet?
Oedipusἄφαντος ἔρρει θανασίμῳ χειρώματι;
Oedipus—vanished from sight, struck down by a deadly hand?
Creonμακροὶ παλαιοί τʼ ἂν μετρηθεῖεν χρόνοι.
CreonYou would count a long time back, years and years.
Oedipusτότʼ οὖν ὁ μάντις οὗτος ἦν ἐν τῇ τέχνῃ;
OedipusWas this seer practicing his art back then?
Creonοὔκουν ἐμοῦ γʼ ἑστῶτος οὐδαμοῦ πέλας.
CreonNot, at any rate, when I was standing anywhere near.
Oedipusἀλλʼ οὐκ ἔρευναν τοῦ κτανόντος ἔσχετε;
OedipusBut didn’t you hold an inquiry into the killer?
Oedipusπῶς οὖν τόθʼ οὗτος ὁ σοφὸς οὐκ ηὔδα τάδε;
OedipusThen why didn’t this wise man say all this back then?
Creonοὐκ οἶδʼ· ἐφʼ οἷς γὰρ μὴ φρονῶ σιγᾶν φιλῶ.
CreonI don’t know. Where I have no understanding, I prefer to keep quiet.
Oedipusτοσόνδε γʼ οἶσθα καὶ λέγοις ἂν εὖ φρονῶν.
OedipusThis much you do know, and you’d say it if you had any sense.
Creonποῖον τόδʼ; εἰ γὰρ οἶδά γʼ, οὐκ ἀρνήσομαι.
CreonWhat’s that? If I know it, I won’t deny it.
Oedipusὁθούνεκʼ, εἰ μὴ σοὶ ξυνῆλθε, τάσδʼ ἐμὰς
οὐκ ἄν ποτʼ εἶπε Λαΐου διαφθοράς.
OedipusThat if he hadn’t put his head together with yours, he would never have called the killing of Laius mine.
Creonεἰ μὲν λέγει τάδʼ, αὐτὸς οἶσθʼ· ἐγὼ δὲ σοῦ
μαθεῖν δικαιῶ ταὔθʼ ἅπερ κἀμοῦ σὺ νῦν.
CreonWhether that’s what he says, you know yourself. But I have the right to learn from you just as much as you’ve learned from me.
Oedipusἐκμάνθανʼ· οὐ γὰρ δὴ φονεὺς ἁλώσομαι.
OedipusAsk away. I’ll never be convicted as a murderer.
Creonἄρχεις δʼ ἐκείνῃ ταὐτὰ γῆς ἴσον νέμων;
CreonAnd you rule this land with her, giving her an equal share?
Creonοὔκουν ἰσοῦμαι σφῷν ἐγὼ δυοῖν τρίτος;
CreonAnd aren’t I the third, equal to the two of you?
Oedipusἐνταῦθα γὰρ δὴ καὶ κακὸς φαίνει φίλος.
OedipusYes, and that’s exactly where you show yourself a false friend.
Creonοὔκ, εἰ διδοίης γʼ ὡς ἐγὼ σαυτῷ λόγον.
σκέψαι δὲ τοῦτο πρῶτον, εἴ τινʼ ἂν δοκεῖς
ἄρχειν ἑλέσθαι ξὺν φόβοισι μᾶλλον ἢ
ἄτρεστον εὕδοντʼ, εἰ τά γʼ αὔθʼ ἕξει κράτη.
ἐγὼ μὲν οὖν οὔτʼ αὐτὸς ἱμείρων ἔφυν
τύραννος εἶναι μᾶλλον ἢ τύραννα δρᾶν,
οὔτʼ ἄλλος ὅστις σωφρονεῖν ἐπίσταται.
νῦν μὲν γὰρ ἐκ σοῦ πάντʼ ἄνευ φόβου φέρω,
εἰ δʼ αὐτὸς ἦρχον, πολλὰ κἂν ἄκων ἔδρων.
CreonNot if you reasoned it through with yourself as I do. Consider this first: do you think anyone would choose to rule amid fears rather than sleep untroubled, if he were going to have the same power either way? I, for one, was not born longing to be king rather than to act like a king, and neither is anyone else who knows how to be sensible. As it is, I get everything from you without any fear. If I ruled myself, I’d be doing many things against my will.
πῶς δῆτʼ ἐμοὶ τυραννὶς ἡδίων ἔχειν
ἀρχῆς ἀλύπου καὶ δυναστείας ἔφυ;
οὔπω τοσοῦτον ἠπατημένος κυρῶ
ὥστʼ ἄλλα χρῄζειν ἢ τὰ σὺν κέρδει καλά.
νῦν πᾶσι χαίρω, νῦν με πᾶς ἀσπάζεται,
νῦν οἱ σέθεν χρῄζοντες ἐκκαλοῦσί με·
τὸ γὰρ τυχεῖν αὐτοῖσι πᾶν ἐνταῦθʼ ἔνι.
πῶς δῆτʼ ἐγὼ κεῖνʼ ἂν λάβοιμʼ ἀφεὶς τάδε;
οὐκ ἂν γένοιτο νοῦς κακὸς καλῶς φρονῶν.
How then could kingship be sweeter for me to have than painless rule and power? I’m not yet so deluded that I’d want anything but honors that bring profit with them. Now I’m welcome everywhere, now everyone greets me, now those who want something from you call me aside, since everything they hope for depends on that. How then could I let go of all this and grab at that? A mind that thinks well would never turn traitor.
ἀλλʼ οὔτʼ ἐραστὴς τῆσδε τῆς γνώμης ἔφυν
οὔτʼ ἂν μετʼ ἄλλου δρῶντος ἂν τλαίην ποτέ.
καὶ τῶνδʼ ἔλεγχον τοῦτο μὲν Πυθώδʼ ἰὼν
πεύθου τὰ χρησθέντʼ εἰ σαφῶς ἤγγειλά σοι·
τοῦτʼ ἄλλʼ, ἐάν με τῷ τερασκόπῳ λάβῃς
κοινῇ τι βουλεύσαντα, μή μʼ ἁπλῇ κτάνῃς
ψήφῳ, διπλῇ δέ, τῇ τʼ ἐμῇ καὶ σῇ, λαβών·
γνώμῃ δʼ ἀδήλῳ μή με χωρὶς αἰτιῶ.
No, I’m no lover of that idea, and I’d never stand for it if someone else acted on it. And as proof of this, first go to Pytho and ask whether I reported the oracle to you accurately. Next, if you catch me plotting anything with the reader of portents, don’t put me to death by a single vote but by a double one, mine and yours, once you’ve caught me. But don’t accuse me on your own, on an unproven guess.
οὐ γὰρ δίκαιον οὔτε τοὺς κακοὺς μάτην
χρηστοὺς νομίζειν οὔτε τοὺς χρηστοὺς κακούς.
φίλον γὰρ ἐσθλὸν ἐκβαλεῖν ἴσον λέγω
καὶ τὸν παρʼ αὑτῷ βίοτον, ὃν πλεῖστον, φιλεῖ.
ἀλλʼ ἐν χρόνῳ γνώσει τάδʼ ἀσφαλῶς, ἐπεὶ
χρόνος δίκαιον ἄνδρα δείκνυσιν μόνος·
κακὸν δὲ κἂν ἐν ἡμέρᾳ γνοίης μιᾷ.
It isn’t just to think bad men good at random, or good men bad. To throw away a good friend, I say, is like throwing away your own life, which you love more than anything. But in time you’ll know this for certain, since time alone reveals a just man; a bad one you could recognize in a single day.
Chorusκαλῶς ἔλεξεν εὐλαβουμένῳ πεσεῖν,
ἄναξ· φρονεῖν γὰρ οἱ ταχεῖς οὐκ ἀσφαλεῖς.
ChorusHe has spoken well for anyone careful not to fall. Those who are quick to decide are not safe.
Oedipusὅταν ταχύς τις οὑπιβουλεύων λάθρᾳ
χωρῇ, ταχὺν δεῖ κἀμὲ βουλεύειν πάλιν·
εἰ δʼ ἡσυχάζων προσμενῶ, τὰ τοῦδε μὲν
πεπραγμένʼ ἔσται, τἀμὰ δʼ ἡμαρτημένα.
OedipusWhen the man plotting against me in secret moves quickly, I have to be quick with my own plans. If I wait and do nothing, his plans will be accomplished, and mine will have failed.
Creonτί δῆτα χρῄζεις; ἦ με γῆς ἔξω βαλεῖν;
CreonWhat do you want, then? To throw me out of the country?
Oedipusἥκιστα· θνῄσκειν, οὐ φυγεῖν σε βούλομαι.
ὡς ἂν προδείξῃς οἷόν ἐστι τὸ φθονεῖν.
OedipusNot at all. I want you dead, not exiled, so that you can show the world what envy comes to.
Creonὡς οὐχ ὑπείξων οὐδὲ πιστεύσων λέγεις;
CreonYou talk like a man who won’t give way or believe me.
Oedipusτὸ γοῦν ἐμόν.
OedipusAbout my own interests, I am.
Oedipusἀλλʼ ἔφυς κακός.
OedipusBut you were born a traitor.
Oedipusἀρκτέον γʼ ὅμως.
OedipusEven so, I must rule.
Oedipusὦ πόλις πόλις.
OedipusCity, my city!
Chorusπαύσασθʼ, ἄνακτες· καιρίαν δʼ ὑμῖν ὁρῶ
τήνδʼ ἐκ δόμων στείχουσαν Ἰοκάστην, μεθʼ ἧς
τὸ νῦν παρεστὸς νεῖκος εὖ θέσθαι χρεών.
ChorusStop, both of you. I see Jocasta coming out of the house just in time, and with her help you should settle this quarrel that’s broken out.
Jocastaτί τὴν ἄβουλον, ὦ ταλαίπωροι, στάσιν
γλώσσης ἐπήρασθʼ οὐδʼ ἐπαισχύνεσθε γῆς
οὕτω νοσούσης ἴδια κινοῦντες κακά;
οὐκ εἶ σύ τʼ οἴκους σύ τε, Κρέων, κατὰ στέγας,
καὶ μὴ τὸ μηδὲν ἄλγος εἰς μέγʼ οἴσετε;
JocastaYou wretched men, why have you started this senseless war of words? Aren’t you ashamed to be stirring up private quarrels while the land is so sick? You go inside, and you, Creon, go home, and don’t blow up a grievance that’s nothing into something huge.
Creonὅμαιμε, δεινά μʼ Οἰδίπους ὁ σὸς πόσις
δρᾶσαι δικαιοῖ δυοῖν ἀποκρίνας κακοῖν
ἢ γῆς ἀπῶσαι πατρίδος ἢ κτεῖναι λαβών.
CreonSister, your husband Oedipus thinks it right to do terrible things to me. He’s chosen between two evils: to drive me out of my homeland, or to seize me and kill me.
Oedipusξύμφημι· δρῶντα γάρ νιν, ὦ γύναι, κακῶς
εἴληφα τοὐμὸν σῶμα σὺν τέχνῃ κακῇ.
OedipusI agree. Wife, I caught him plotting harm against my person with his wicked craft.
Creonμή νυν ὀναίμην, ἀλλʼ ἀραῖος, εἴ σέ τι
δέδρακʼ, ὀλοίμην, ὧν ἐπαιτιᾷ με δρᾶν.
CreonMay I never prosper; may I die accursed, if I’ve done to you any of what you accuse me of doing.
Jocastaὦ πρὸς θεῶν πίστευσον, Οἰδίπους, τάδε,
μάλιστα μὲν τόνδʼ ὅρκον αἰδεσθεὶς θεῶν,
ἔπειτα κἀμὲ τούσδε θʼ οἳ πάρεισί σοι.
JocastaPlease, by the gods, believe him, Oedipus! Above all out of respect for this oath he’s sworn by the gods, and then for my sake, and for these men here with you.
Chorusπιθοῦ θελήσας φρονήσας τʼ, ἄναξ, λίσσομαι.
ChorusBe persuaded, willingly, wisely,
my lord, I beg you.
Chorusτὸν οὔτε πρὶν νήπιον νῦν τʼ ἐν ὅρκῳ μέγαν καταίδεσαι.
ChorusRespect the man who was no fool before,
and now is made great by his oath.
Chorusτὸν ἐναγῆ φίλον μήποτʼ ἐν αἰτίᾳ
σὺν ἀφανεῖ λόγῳ σʼ ἄτιμον βαλεῖν.
ChorusNever cast your friend,
who has sworn himself under a curse,
into disgrace
on an unproven charge.
Oedipusεὖ νυν ἐπίστω, ταῦθʼ ὅταν ζητῇς, ἐμοὶ
ζητῶν ὄλεθρον ἢ φυγὴν ἐκ τῆσδε γῆς.
OedipusThen know this well: when you ask for this, you’re asking for my death, or my exile from this land.
Chorusοὐ τὸν πάντων θεῶν θεὸν πρόμον
Ἅλιον· ἐπεὶ ἄθεος ἄφιλος ὅ τι πύματον
ὀλοίμαν, φρόνησιν εἰ τάνδʼ ἔχω.
ἀλλά μοι δυσμόρῳ γᾶ φθινὰς
τρύχει ψυχάν, τάδʼ εἰ κακοῖς κακὰ
προσάψει τοῖς πάλαι τὰ πρὸς σφῷν.
ChorusNo, by the foremost god of all the gods,
the Sun!
Godless, friendless,
may I die the worst death there is,
if that is my thought.
But the dying land
wears away my unhappy soul,
if to its old troubles
are joined new troubles from you two.
Oedipusὁ δʼ οὖν ἴτω, κεἰ χρή με παντελῶς θανεῖν
ἢ γῆς ἄτιμον τῆσδʼ ἀπωσθῆναι βίᾳ.
τὸ γὰρ σόν, οὐ τὸ τοῦδʼ, ἐποικτίρω στόμα
ἐλεινόν· οὗτος δʼ ἔνθʼ ἂν ᾖ στυγήσεται.
OedipusThen let him go, even if it means I must die outright, or be thrust out of this land in disgrace by force. It’s your words that move me to pity, they’re so pitiful, not his. Wherever he is, he’ll be hated.
Creonστυγνὸς μὲν εἴκων δῆλος εἶ, βαρὺς δʼ, ὅταν
θυμοῦ περάσῃς· αἱ δὲ τοιαῦται φύσεις
αὑταῖς δικαίως εἰσὶν ἄλγισται φέρειν.
CreonYou’re plainly sullen when you give way, and harsh when your anger goes too far. Natures like yours are, rightly, the hardest for themselves to bear.
Creonπορεύσομαι,
σοῦ μὲν τυχὼν ἀγνῶτος, ἐν δὲ τοῖσδʼ ἴσος.
CreonI’m going. You never knew me, but in these men’s eyes I’m the same as ever.
Chorusγύναι, τί μέλλεις κομίζειν δόμων τόνδʼ ἔσω;
ChorusLady, why do you wait
to take him into the house?
Chorusδόκησις ἀγνὼς λόγων ἦλθε, δάπτει δὲ καὶ τὸ μὴ ʼνʼδικον.
ChorusA suspicion came from words no one could vouch for,
and even what is unjust can bite.
Chorusἅλις ἔμοιγʼ, ἅλις, γᾶς προπονουμένας,
φαίνεται ἔνθʼ ἔληξεν αὐτοῦ μένειν.
ChorusEnough, for me, enough,
with the land already in pain.
Let it stay where it stopped.
Oedipusὁρᾷς ἵνʼ ἥκεις, ἀγαθὸς ὢν γνώμην ἀνήρ,
τοὐμὸν παριεὶς καὶ καταμβλύνων κέαρ;
OedipusDo you see where you’ve ended up, for all your good judgment, letting my cause drop and blunting the edge of my heart?
Chorusὦναξ, εἶπον μὲν οὐχ ἅπαξ μόνον,
ἴσθι δὲ παραφρόνιμον, ἄπορον ἐπὶ φρόνιμα
πεφάνθαι μʼ ἄν, εἴ σʼ ἐνοσφιζόμαν,
ὅς τʼ ἐμὰν γᾶν φίλαν ἐν πόνοις
ἀλύουσαν κατʼ ὀρθὸν οὔρισας,
τανῦν τʼ εὔπομπος, ἂν γένοιο.
ChorusI’ve said it, and not just once:
know that I’d be shown out of my mind,
lost to all good sense,
if I turned away from you,
you who set my beloved land on a straight course
when it was wandering in its troubles.
Now, if you can,
be our good guide again.
Jocastaπρὸς θεῶν δίδαξον κἄμʼ, ἄναξ, ὅτου ποτὲ
μῆνιν τοσήνδε πράγματος στήσας ἔχεις.
JocastaBy the gods, tell me too: what is it that has stirred up such anger in you?
Oedipusἐρῶ· σὲ γὰρ τῶνδʼ ἐς πλέον, γύναι, σέβω·
Κρέοντος, οἷά μοι βεβουλευκὼς ἔχει.
OedipusI’ll tell you, wife, since I respect you more than these men. It’s Creon, and the plots he’s laid against me.
Jocastaλέγʼ, εἰ σαφῶς τὸ νεῖκος ἐγκαλῶν ἐρεῖς.
JocastaGo on, if you can state the charge clearly and say what started the quarrel.
Jocastaαὐτὸς ξυνειδὼς ἢ μαθὼν ἄλλου πάρα;
JocastaDoes he claim to know it himself, or did he learn it from someone else?
Oedipusμάντιν μὲν οὖν κακοῦργον εἰσπέμψας, ἐπεὶ
τό γʼ εἰς ἑαυτὸν πᾶν ἐλευθεροῖ στόμα.
OedipusNo, he sent in a scoundrel of a seer, and that way he keeps his own mouth entirely clear.
Jocastaσύ νυν ἀφεὶς σεαυτὸν ὧν λέγεις πέρι
ἐμοῦ ʼπάκουσον, καὶ μάθʼ οὕνεκʼ ἐστί σοι
βρότειον οὐδὲν μαντικῆς ἔχον τέχνης.
φανῶ δέ σοι σημεῖα τῶνδε σύντομα.
χρησμὸς γὰρ ἦλθε Λαΐῳ ποτʼ, οὐκ ἐρῶ
Φοίβου γʼ ἄπʼ αὐτοῦ, τῶν δʼ ὑπηρετῶν ἄπο,
ὡς αὐτὸν ἕξοι μοῖρα πρὸς παιδὸς θανεῖν,
ὅστις γένοιτʼ ἐμοῦ τε κἀκείνου πάρα.
JocastaThen let yourself off all you’re talking about and listen to me. Learn that no mortal has any share in the art of prophecy. I’ll give you a brief proof of it. An oracle came to Laius once, I won’t say from Phoebus himself, but from his servants, saying that it would be his fate to die at the hands of a son, who would be born to him and me.
καὶ τὸν μέν, ὥσπερ γʼ ἡ φάτις, ξένοι ποτὲ
λῃσταὶ φονεύουσʼ ἐν τριπλαῖς ἁμαξιτοῖς·
παιδὸς δὲ βλάστας οὐ διέσχον ἡμέραι
τρεῖς, καί νιν ἄρθρα κεῖνος ἐνζεύξας ποδοῖν
ἔρριψεν ἄλλων χερσὶν ἄβατον εἰς ὄρος.
κἀνταῦθʼ Ἀπόλλων οὔτʼ ἐκεῖνον ἤνυσεν
φονέα γενέσθαι πατρὸς οὔτε Λάϊον
τὸ δεινὸν οὑφοβεῖτο πρὸς παιδὸς θανεῖν.
And yet, as the story goes, foreign robbers killed him one day at a place where three roads meet. As for the child, not three days had passed after his birth when Laius pinned his ankles together and had him thrown, by other men’s hands, onto a trackless mountain. So in this case Apollo didn’t make the boy his father’s killer, or make Laius suffer the terrible thing he feared, death at his son’s hands.
τοιαῦτα φῆμαι μαντικαὶ διώρισαν,
ὧν ἐντρέπου σὺ μηδέν· ὧν γὰρ ἂν θεὸς
χρείαν ἐρευνᾷ, ῥᾳδίως αὐτὸς φανεῖ.
That’s what prophetic voices laid down, and you shouldn’t pay them any attention. Whatever the god sees a need to search out, he will easily bring to light himself.
Oedipusοἷόν μʼ ἀκούσαντʼ ἀρτίως ἔχει, γύναι,
ψυχῆς πλάνημα κἀνακίνησις φρενῶν.
OedipusWife, since I heard you just now, what a wandering of my soul has seized me, what a churning of my mind!
Jocastaποίας μερίμνης τοῦθʼ ὑποστραφεὶς λέγεις;
JocastaWhat worry has turned you round, to make you say this?
Oedipusἔδοξʼ ἀκοῦσαι σοῦ τόδʼ, ὡς ὁ Λάϊος
κατασφαγείη πρὸς τριπλαῖς ἁμαξιτοῖς.
OedipusI thought I heard you say that Laius was cut down where three roads meet.
Jocastaηὐδᾶτο γὰρ ταῦτʼ οὐδέ πω λήξαντʼ ἔχει.
JocastaThat was what was said, and the story hasn’t died away yet.
Oedipusκαὶ ποῦ ʼσθʼ ὁ χῶρος οὗτος οὗ τόδʼ ἦν πάθος;
OedipusAnd where is this place where it happened?
JocastaΦωκὶς μὲν ἡ γῆ κλῄζεται, σχιστὴ δʼ ὁδὸς
ἐς ταὐτὸ Δελφῶν κἀπὸ Δαυλίας ἄγει.
JocastaThe country is called Phocis, and the road forks there: the ways from Delphi and from Daulia meet at the same spot.
Jocastaσχεδόν τι πρόσθεν ἢ σὺ τῆσδʼ ἔχων χθονὸς
ἀρχὴν ἐφαίνου, τοῦτʼ ἐκηρύχθη πόλει.
JocastaIt was announced to the city just a little before you appeared and took power over this land.
Jocastaτί δʼ ἐστί σοι τοῦτʼ, Οἰδίπους, ἐνθύμιον;
JocastaOedipus, why does this weigh on your mind?
Oedipusμήπω μʼ ἐρώτα· τὸν δὲ Λάϊον φύσιν
τίνʼ ἦλθε φράζε, τίνα δʼ ἀκμὴν ἥβης ἔχων.
OedipusDon’t ask me yet. Tell me about Laius: what did he look like, and how old was he?
Jocastaμέγας, χνοάζων ἄρτι λευκανθὲς κάρα,
μορφῆς δὲ τῆς σῆς οὐκ ἀπεστάτει πολύ.
JocastaTall, his hair just beginning to be flecked with white, and in build not so very different from you.
Oedipusοἴμοι τάλας· ἔοικʼ ἐμαυτὸν εἰς ἀρὰς
δεινὰς προβάλλων ἀρτίως οὐκ εἰδέναι.
OedipusOh, no, the misery! It seems I’ve just flung myself into terrible curses without knowing it.
Jocastaπῶς φῄς; ὀκνῶ τοι πρός σʼ ἀποσκοποῦσʼ, ἄναξ.
JocastaWhat do you mean? I tremble when I look at you.
Oedipusδεινῶς ἀθυμῶ μὴ βλέπων ὁ μάντις ᾖ·
δείξεις δὲ μᾶλλον, ἢν ἓν ἐξείπῃς ἔτι.
OedipusI’m terribly afraid the seer can see. But you’ll make it clearer if you tell me one thing more.
Jocastaκαὶ μὴν ὀκνῶ μέν, ἃ δʼ ἂν ἔρῃ μαθοῦσʼ ἐρῶ.
JocastaI’m afraid, I really am. But whatever you ask, if I know it, I’ll tell you.
Oedipusπότερον ἐχώρει βαιὸς ἢ πολλοὺς ἔχων
ἄνδρας λοχίτας, οἷʼ ἀνὴρ ἀρχηγέτης;
OedipusWas he traveling light, or with a large band of armed men, as a ruler would?
Jocastaπέντʼ ἦσαν οἱ ξύμπαντες, ἐν δʼ αὐτοῖσιν ἦν .
κῆρυξ· ἀπήνη δʼ ἦγε Λάϊον μία.
JocastaThere were five in all, and one of them was a herald. A single carriage carried Laius.
Oedipusαἰαῖ, τάδʼ ἤδη διαφανῆ. τίς ἦν ποτε
ὁ τούσδε λέξας τοὺς λόγους ὑμῖν, γύναι;
OedipusOh, no! Now it’s all too clear. Wife, who was it who told you all this?
Jocastaοἰκεύς τις, ὅσπερ ἵκετʼ ἐκσωθεὶς μόνος.
JocastaA household servant, the only one who got back alive.
Jocastaοὐ δῆτʼ· ἀφʼ οὗ γὰρ κεῖθεν ἦλθε καὶ κράτη
σέ τʼ εἶδʼ ἔχοντα Λάϊόν τʼ ὀλωλότα,
ἐξικέτευσε τῆς ἐμῆς χειρὸς θιγὼν
ἀγρούς σφε πέμψαι κἀπὶ ποιμνίων νομάς,
ὡς πλεῖστον εἴη τοῦδʼ ἄποπτος ἄστεως.
κἄπεμψʼ ἐγώ νιν· ἄξιος γὰρ οἷʼ ἀνὴρ
δοῦλος φέρειν ἦν τῆσδε καὶ μείζω χάριν.
JocastaNo. When he came back from there and saw you in power and Laius dead, he took my hand and begged me to send him to the fields and the sheep pastures, so that he’d be as far as possible out of sight of this town. And I sent him. For a slave, he deserved a greater favor even than that.
Oedipusδέδοικʼ ἐμαυτόν, ὦ γύναι, μὴ πόλλʼ ἄγαν
εἰρημένʼ ᾖ μοι διʼ ἅ νιν εἰσιδεῖν θέλω.
OedipusI’m afraid for myself, wife. I’m afraid I’ve said far too much already, and that’s why I want to see him.
Jocastaἀλλʼ ἵξεται μέν· ἀξία δέ που μαθεῖν
κἀγὼ τά γʼ ἐν σοὶ δυσφόρως ἔχοντʼ, ἄναξ.
JocastaHe’ll come. But I think I too deserve to learn what weighs on you so heavily, my lord.
Oedipusκοὐ μὴ στερηθῇς γʼ, ἐς τοσοῦτον ἐλπίδων
ἐμοῦ βεβῶτος. τῷ γὰρ ἂν καὶ μείζονι
λέξαιμʼ ἂν ἢ σοί, διὰ τύχης τοιᾶσδʼ ἰών;
ἐμοὶ πατὴρ μὲν Πόλυβος ἦν Κορίνθιος,
μήτηρ δὲ Μερόπη Δωρίς. ἠγόμην δʼ ἀνὴρ
ἀστῶν μέγιστος τῶν ἐκεῖ, πρίν μοι τύχη
τοιάδʼ ἐπέστη, θαυμάσαι μὲν ἀξία,
σπουδῆς γε μέντοι τῆς ἐμῆς οὐκ ἀξία.
OedipusAnd you won’t be denied it, now that my fears have gone so far. Who is there that matters more than you, for me to tell, as I go through a fortune like this? My father was Polybus of Corinth, my mother Merope, a Dorian. I was held the greatest man among the citizens there, until something happened to me. It was worth wondering at, but it wasn’t worth all the heat I gave it.
ἀνὴρ γὰρ ἐν δείπνοις μʼ ὑπερπλησθεὶς μέθῃ
καλεῖ παρʼ οἴνῳ, πλαστὸς ὡς εἴην πατρί.
κἀγὼ βαρυνθεὶς τὴν μὲν οὖσαν ἡμέραν
μόλις κατέσχον, θἀτέρᾳ δʼ ἰὼν πέλας
μητρὸς πατρός τʼ ἤλεγχον· οἱ δὲ δυσφόρως
τοὔνειδος ἦγον τῷ μεθέντι τὸν λόγον.
κἀγὼ τὰ μὲν κείνοιν ἐτερπόμην, ὅμως δʼ
ἔκνιζέ μʼ ἀεὶ τοῦθʼ· ὑφεῖρπε γὰρ πολύ.
At a banquet a man who’d had far too much to drink called me, over the wine, a fake, not my father’s real son. It weighed on me. For the rest of that day I barely held myself in, but the next day I went to my mother and father and questioned them. They took the insult hard and were angry with the man who’d let the word slip. What they said pleased me, but still the thing kept gnawing at me, because the story kept creeping around.
λάθρᾳ δὲ μητρὸς καὶ πατρὸς πορεύομαι
Πυθώδε, καί μʼ ὁ Φοῖβος ὧν μὲν ἱκόμην
ἄτιμον ἐξέπεμψεν, ἄλλα δʼ ἄθλια
καὶ δεινὰ καὶ δύστηνα προύφηνεν λέγων,
ὡς μητρὶ μὲν χρείη με μιχθῆναι, γένος δʼ
ἄτλητον ἀνθρώποισι δηλώσοιμʼ ὁρᾶν,
φονεὺς δʼ ἐσοίμην τοῦ φυτεύσαντος πατρός.
κἀγὼ ʼπακούσας ταῦτα τὴν Κορινθίαν,
ἄστροις τὸ λοιπὸν ἐκμετρούμενος, χθόνα
ἔφευγον, ἔνθα μήποτʼ ὀψοίμην κακῶν
χρησμῶν ὀνείδη τῶν ἐμῶν τελούμενα.
Without telling my mother and father, I set off for Pytho. And Phoebus sent me away without the answer I had come for. Instead he foretold other things, wretched and terrible and grim: that I was fated to lie with my mother, to show the world a brood that people could not bear to look on, and to be the murderer of the father who begot me. When I heard this, I fled the land of Corinth, measuring my way by the stars from then on, to somewhere I would never see the shame of my evil oracles come true.
στείχων δʼ ἱκνοῦμαι τούσδε τοὺς χώρους, ἐν οἷς
σὺ τὸν τύραννον τοῦτον ὄλλυσθαι λέγεις.
On my way I came to the very region where you say this king was killed.
καί σοι, γύναι, τἀληθὲς ἐξερῶ. τριπλῆς
ὅτʼ ἦ κελεύθου τῆσδʼ ὁδοιπορῶν πέλας,
ἐνταῦθά μοι κῆρύξ τε κἀπὶ πωλικῆς
ἀνὴρ ἀπήνης ἐμβεβώς, οἷον σὺ φῇς,
ξυνηντίαζον· κἀξ ὁδοῦ μʼ ὅ θʼ ἡγεμὼν
αὐτός θʼ ὁ πρέσβυς πρὸς βίαν ἠλαυνέτην.
κἀγὼ τὸν ἐκτρέποντα, τὸν τροχηλάτην,
παίω διʼ ὀργῆς· καί μʼ ὁ πρέσβυς ὡς ὁρᾷ,
ὄχου παραστείχοντα τηρήσας, μέσον
κάρα διπλοῖς κέντροισί μου καθίκετο.
And I’ll tell you the truth, wife. When I was walking near this place where three roads meet, there I met a herald, and a man riding in a carriage drawn by colts, just as you describe. The man in front and the old man himself tried to force me off the road. The one who was shoving me aside, the driver, I struck in my anger. And the old man, when he saw it, waited until I was passing the carriage and brought his double goad down on the middle of my head.
οὐ μὴν ἴσην γʼ ἔτισεν, ἀλλὰ συντόμως
σκήπτρῳ τυπεὶς ἐκ τῆσδε χειρὸς ὕπτιος
μέσης ἀπήνης εὐθὺς ἐκκυλίνδεται·
κτείνω δὲ τοὺς ξύμπαντας. εἰ δὲ τῷ ξένῳ
τούτῳ προσήκει Λαΐου τι συγγενές,
τίς τοῦδέ γʼ ἀνδρός ἐστιν ἀθλιώτερος;
τίς ἐχθροδαίμων μᾶλλον ἂν γένοιτʼ ἀνήρ;
ὃν μὴ ξένων ἔξεστι μηδʼ ἀστῶν τινι
δόμοις δέχεσθαι μηδὲ προσφωνεῖν τινα,
ὠθεῖν δʼ ἀπʼ οἴκων. καὶ τάδʼ οὔτις ἄλλος ἦν
ἢ ʼγὼ ʼπʼ ἐμαυτῷ τάσδʼ ἀρὰς ὁ προστιθείς.
He paid for it, though, and not in equal measure. In an instant, struck by the staff in this hand, he rolled right out of the carriage onto his back. And I killed them all. Now if this stranger had any tie of blood with Laius, who could be more wretched than the man you see here? What man could be more hated by the gods? No stranger and no citizen may take him into their home or speak a word to him; they must drive him from their doors. And it was no one else but I who laid these curses on myself.
λέχη δὲ τοῦ θανόντος ἐκ χεροῖν ἐμαῖν
χραίνω, διʼ ὧνπερ ὤλετʼ· ἆρʼ ἔφυν κακός;
ἆρʼ οὐχὶ πᾶς ἄναγνος; εἴ με χρὴ φυγεῖν,
καί μοι φυγόντι μἤστι τοὺς ἐμοὺς ἰδεῖν
μηδʼ ἐμβατεύειν πατρίδος, ἢ γάμοις με δεῖ
μητρὸς ζυγῆναι καὶ πατέρα κατακτανεῖν
Πόλυβον, ὃς ἐξέφυσε κἀξέθρεψέ με.
ἆρʼ οὐκ ἀπʼ ὠμοῦ ταῦτα δαίμονός τις ἂν
κρίνων ἐπʼ ἀνδρὶ τῷδʼ ἂν ὀρθοίη λόγον;
And I defile the dead man’s bed with these hands, the very hands he died by. Was I born evil? Am I not wholly unclean? I must go into exile, and in exile I may not see my own people or set foot in my homeland—or else I must be yoked in marriage to my mother and kill my father, Polybus, who begot me and raised me. Wouldn’t anyone who judged that all this came on me from some cruel power be right?
μὴ δῆτα, μὴ δῆτʼ, ὦ θεῶν ἁγνὸν σέβας,
ἴδοιμι ταύτην ἡμέραν, ἀλλʼ ἐκ βροτῶν
βαίην ἄφαντος πρόσθεν ἢ τοιάνδʼ ἰδεῖν
κηλῖδʼ ἐμαυτῷ συμφορᾶς ἀφιγμένην.
No, no, holy majesty of the gods, never let me see that day! Let me vanish from among mortals before I see a stain like that of disaster come upon me.
Chorusἡμῖν μέν, ὦναξ, ταῦτʼ ὀκνήρʼ· ἕως δʼ ἂν οὖν
πρὸς τοῦ παρόντος ἐκμάθῃς, ἔχʼ ἐλπίδα.
ChorusThis frightens us too, my lord. But until you’ve heard it from the man who was there, keep hoping.
Oedipusκαὶ μὴν τοσοῦτόν γʼ ἐστί μοι τῆς ἐλπίδος,
τὸν ἄνδρα τὸν βοτῆρα προσμεῖναι μόνον.
OedipusYes, this much hope I still have: to wait for the herdsman, and that alone.
Jocastaπεφασμένου δὲ τίς ποθʼ ἡ προθυμία;
JocastaAnd when he comes, what is it you’re so eager for?
Oedipusἐγὼ διδάξω σʼ· ἢν γὰρ εὑρεθῇ λέγων
σοὶ ταὔτʼ, ἔγωγʼ ἂν ἐκπεφευγοίην πάθος.
OedipusI’ll tell you. If he turns out to say the same as you, I’ll have escaped disaster.
Jocastaποῖον δέ μου περισσὸν ἤκουσας λόγον;
JocastaWhat did you hear me say that matters so much?
Oedipusλῃστὰς ἔφασκες αὐτὸν ἄνδρας ἐννέπειν
ὥς νιν κατακτείνειαν. εἰ μὲν οὖν ἔτι
λέξει τὸν αὐτὸν ἀριθμόν, οὐκ ἐγὼ ʼκτανον·
οὐ γὰρ γένοιτʼ ἂν εἷς γε τοῖς πολλοῖς ἴσος·
εἰ δʼ ἄνδρʼ ἕνʼ οἰόζωνον αὐδήσει, σαφῶς
τοῦτʼ ἐστὶν ἤδη τοὔργον εἰς ἐμὲ ῥέπον.
OedipusYou said he told of robbers killing him. Now if he still speaks of the same number, I didn’t kill him: one man can’t be the same as many. But if he names one man traveling alone, then clearly the deed now tips toward me.
Jocastaἀλλʼ ὡς φανέν γε τοὔπος ὧδʼ ἐπίστασο,
κοὐκ ἔστιν αὐτῷ τοῦτό γʼ ἐκβαλεῖν πάλιν·
πόλις γὰρ ἤκουσʼ, οὐκ ἐγὼ μόνη, τάδε.
εἰ δʼ οὖν τι κἀκτρέποιτο τοῦ πρόσθεν λόγου,
οὔτοι ποτʼ, ὦναξ, σόν γε Λαΐου φόνον
φανεῖ δικαίως ὀρθόν, ὅν γε Λοξίας
διεῖπε χρῆναι παιδὸς ἐξ ἐμοῦ θανεῖν.
καίτοι νιν οὐ κεῖνός γʼ ὁ δύστηνός ποτε
κατέκτανʼ, ἀλλʼ αὐτὸς πάροιθεν ὤλετο.
ὥστʼ οὐχὶ μαντείας γʼ ἂν οὔτε τῇδʼ ἐγὼ
βλέψαιμʼ ἂν εἵνεκʼ οὔτε τῇδʼ ἂν ὕστερον.
JocastaWell, be sure that this is how the story was told; he can’t take it back now. The city heard it, not I alone. And even if he does veer a little from his earlier account, he’ll never show that Laius’ death at your hands squares with the prophecy. Loxias declared that Laius must die by my son. Yet that poor child never killed him; he died first himself. So as far as prophecy goes, from now on I wouldn’t look this way or that.
Oedipusκαλῶς νομίζεις· ἀλλʼ ὅμως τὸν ἐργάτην
πέμψον τινὰ στελοῦντα μηδὲ τοῦτʼ ἀφῇς.
OedipusYou’re right. All the same, send someone to fetch the laborer. Don’t let this go.
Jocastaπέμψω ταχύνασʼ· ἀλλʼ ἴωμεν ἐς δόμους·
οὐδὲν γὰρ ἂν πράξαιμʼ ἂν ὧν οὐ σοὶ φίλον.
JocastaI’ll send at once. But let’s go inside. I wouldn’t do anything that isn’t your wish.
Second Stasimon
The chorus prays for reverence, condemns arrogance, and fears the oracles are being ignored.
Chorusεἴ μοι ξυνείη φέροντι
μοῖρα τὰν εὔσεπτον ἁγνείαν λόγων
ἔργων τε πάντων, ὧν νόμοι πρόκεινται
ὑψίποδες, οὐρανίαν
διʼ αἰθέρα τεκνωθέντες, ὧν Ὄλυμπος
πατὴρ μόνος, οὐδέ νιν
θνατὰ φύσις ἀνέρων
ἔτικτεν οὐδὲ μή ποτε λάθα κατακοιμάσῃ·
μέγας ἐν τούτοις θεὸς οὐδὲ γηράσκει.
ChorusMay fate be with me as I keep
a reverent purity in all my words
and all my deeds, for which laws stand set before us,
laws that stride on high,
begotten in the heavenly air,
whose only father is Olympus;
no mortal nature of men
gave them birth,
nor shall forgetfulness ever lull them to sleep.
Great is the god in them, and he does not grow old.
ὕβρις φυτεύει τύραννον·
ὕβρις, εἰ πολλῶν ὑπερπλησθῇ μάταν,
ἃ μὴ ʼπίκαιρα μηδὲ συμφέροντα,
ἀκρότατον εἰσαναβᾶσʼ
αἶπος ἀπότομον ὤρουσεν εἰς ἀνάγκαν,
ἔνθʼ οὐ ποδὶ χρησίμῳ
χρῆται. τὸ καλῶς δʼ ἔχον
πόλει πάλαισμα μήποτε λῦσαι θεὸν αἰτοῦμαι.
θεὸν οὐ λήξω ποτὲ προστάταν ἴσχων.
Arrogance breeds the tyrant.
Arrogance, if it is glutted in vain
with much that is neither timely nor good for it,
climbs to the topmost height
and plunges down the sheer drop into doom,
where its foot is no use to it.
But the struggle that serves the city well
I pray the god may never end.
The god I will never cease to hold as my protector.
εἰ δέ τις ὑπέροπτα χερσὶν ἢ λόγῳ πορεύεται,
δίκας ἀφόβητος οὐδὲ δαιμόνων ἕδη σέβων,
κακά νιν ἕλοιτο μοῖρα,
δυσπότμου χάριν χλιδᾶς,
εἰ μὴ τὸ κέρδος κερδανεῖ δικαίως
καὶ τῶν ἀσέπτων ἔρξεται
ἢ τῶν ἀθίκτων θίξεται ματᾴζων.
τίς ἔτι ποτʼ ἐν τοῖσδʼ ἀνὴρ θεῶν βέλη
εὔξεται ψυχᾶς ἀμύνειν;
εἰ γὰρ αἱ τοιαίδε πράξεις τίμιαι,
τί δεῖ με χορεύειν;
But if anyone goes his way in contempt, in deed or word,
with no fear of Justice, no reverence for the shrines of the gods,
may an evil fate seize him
for his ill-starred luxury,
if he will not win his gains justly
and keep from impious things,
or lays hands in his folly on what must not be touched.
When things are so, what man will ever boast again
that he can ward off the gods’ arrows from his soul?
For if deeds like these are honored,
why should I dance?
οὐκέτι τὸν ἄθικτον εἶμι γᾶς ἐπʼ ὀμφαλὸν σέβων,
οὐδʼ ἐς τὸν Ἀβαῖσι ναὸν οὐδὲ τὰν Ὀλυμπίαν,
εἰ μὴ τάδε χειρόδεικτα
πᾶσιν ἁρμόσει βροτοῖς.
ἀλλʼ, ὦ κρατύνων, εἴπερ ὄρθʼ ἀκούεις,
Ζεῦ, πάντʼ ἀνάσσων, μὴ λάθοι
σὲ τάν τε σὰν ἀθάνατον αἰὲν ἀρχάν.
φθίνοντα γὰρ Λαΐου παλαίφατα
θέσφατʼ ἐξαιροῦσιν ἤδη,
κοὐδαμοῦ τιμαῖς Ἀπόλλων ἐμφανής·
ἔρρει δὲ τὰ θεῖα.
No longer will I go in reverence
to the untouchable navel of the earth,
nor to the temple at Abae, nor to Olympia,
unless these oracles and these events come together
so plainly that all mortals can point to them.
But you who hold power, if you are rightly called so,
Zeus, ruler of all, do not let this escape
you and your undying, everlasting rule.
For the old prophecies about Laius are fading;
already people are setting them aside,
and nowhere is Apollo shown honor.
Things divine are perishing.
Third Episode
A Corinthian brings news of Polybus’ death and reveals that Oedipus was a foundling; Jocasta rushes away.
Jocastaχώρας ἄνακτες, δόξα μοι παρεστάθη
ναοὺς ἱκέσθαι δαιμόνων, τάδʼ ἐν χεροῖν
στέφη λαβούσῃ κἀπιθυμιάματα.
ὑψοῦ γὰρ αἴρει θυμὸν Οἰδίπους ἄγαν
λύπαισι παντοίαισιν· οὐδʼ ὁποῖʼ ἀνὴρ
ἔννους τὰ καινὰ τοῖς πάλαι τεκμαίρεται,
ἀλλʼ ἐστὶ τοῦ λέγοντος, εἰ φόβους λέγοι.
ὅτʼ οὖν παραινοῦσʼ οὐδὲν ἐς πλέον ποιῶ,
πρὸς σʼ, ὦ Λύκειʼ Ἄπολλον, ἄγχιστος γὰρ εἶ,
ἱκέτις ἀφῖγμαι τοῖσδε σὺν κατεύγμασιν,
ὅπως λύσιν τινʼ ἡμὶν εὐαγῆ πόρῃς·
ὡς νῦν ὀκνοῦμεν πάντες ἐκπεπληγμένον
κεῖνον βλέποντες ὡς κυβερνήτην νεώς.
JocastaLords of this land, the thought came to me to visit the temples of the gods, carrying in my hands these garlands and offerings of incense. For Oedipus is working his spirit up too high with all kinds of griefs. He doesn’t judge the new by the old, as a man of sense would; he is at the mercy of whoever is speaking, as long as the speaker speaks of terrors. So since my advice does no good, I’ve come to you, Lycean Apollo, for you are nearest, as a suppliant with these prayers, so that you may grant us some release that brings no defilement. Right now we are all afraid, seeing him shaken, as sailors are when they see the helmsman of their ship shaken.
Messengerἆρʼ ἂν παρʼ ὑμῶν, ὦ ξένοι, μάθοιμʼ ὅπου
τὰ τοῦ τυράννου δώματʼ ἐστὶν Οἰδίπου;
μάλιστα δʼ αὐτὸν εἴπατʼ, εἰ κάτισθʼ ὅπου.
MessengerStrangers, could you tell me where the house of King Oedipus is? Better still, tell me where he is himself, if you know.
Chorusστέγαι μὲν αἵδε, καὐτὸς ἔνδον, ὦ ξένε·
γυνὴ δὲ μήτηρ ἥδε τῶν κείνου τέκνων.
ChorusThis is the house, stranger, and he himself is inside. And this lady is his wife and mother of his children.
Messengerἀλλʼ ὀλβία τε καὶ ξὺν ὀλβίοις ἀεὶ
γένοιτʼ, ἐκείνου γʼ οὖσα παντελὴς δάμαρ.
MessengerThen may she be happy always, and among the happy, since she is his wife in every sense.
Jocastaαὔτως δὲ καὶ σύ γʼ, ὦ ξένʼ· ἄξιος γὰρ εἶ
τῆς εὐεπείας εἵνεκʼ· ἀλλὰ φράζʼ ὅτου
χρῄζων ἀφῖξαι χὤ τι σημῆναι θέλων.
JocastaAnd the same to you, stranger; your kind words deserve it. But tell me what you’ve come for and what news you mean to give.
Messengerἀγαθὰ δόμοις τε καὶ πόσει τῷ σῷ, γύναι.
MessengerGood news for the house and for your husband, my lady.
Messengerἐκ τῆς Κορίνθου· τὸ δʼ ἔπος οὑξερῶ τάχα,
ἥδοιο μέν, πῶς δʼ οὐκ ἄν, ἀσχάλλοις δʼ ἴσως.
MessengerI come from Corinth. The news I’m about to tell will please you—how could it not?—though perhaps it will grieve you too.
Jocastaτί δʼ ἔστι; ποίαν δύναμιν ὧδʼ ἔχει διπλῆν;
JocastaWhat is it? How can it have this double power?
Messengerτύραννον αὐτὸν οὑπιχώριοι χθονὸς
τῆς Ἰσθμίας στήσουσιν, ὡς ηὐδᾶτʼ ἐκεῖ.
MessengerThe people of the Isthmus are going to make him their king. That’s what they were saying there.
Jocastaτί δʼ; οὐχ ὁ πρέσβυς Πόλυβος ἐγκρατὴς ἔτι;
JocastaWhat? Isn’t old Polybus still in power?
Messengerοὐ δῆτʼ, ἐπεί νιν θάνατος ἐν τάφοις ἔχει.
MessengerNo, not anymore. Death has him in the tomb.
Jocastaπῶς εἶπας; ἦ τέθνηκε Πόλυβος, ὦ γέρον;
JocastaWhat did you say? Polybus is dead, old man?
Messengerεἰ μὴ λέγω τἀληθές, ἀξιῶ θανεῖν.
MessengerIf I’m not telling the truth, I deserve to die.
Jocastaὦ πρόσπολʼ, οὐχὶ δεσπότῃ τάδʼ ὡς τάχος
μολοῦσα λέξεις; ὦ θεῶν μαντεύματα,
ἵνʼ ἐστέ· τοῦτον Οἰδίπους πάλαι τρέμων
τὸν ἄνδρʼ ἔφευγε μὴ κτάνοι, καὶ νῦν ὅδε
πρὸς τῆς τύχης ὄλωλεν οὐδὲ τοῦδʼ ὕπο.
JocastaYou there, go to your master as fast as you can and tell him this! Oracles of the gods, where are you now? This is the man Oedipus fled long ago, terrified that he would kill him, and now he has died by chance, not by his hand.
Oedipusὦ φίλτατον γυναικὸς Ἰοκάστης κάρα,
τί μʼ ἐξεπέμψω δεῦρο τῶνδε δωμάτων;
OedipusJocasta, my dearest wife, why have you sent for me to come out of the house?
Jocastaἄκουε τἀνδρὸς τοῦδε, καὶ σκόπει κλύων
τὰ σέμνʼ ἵνʼ ἥκει τοῦ θεοῦ μαντεύματα.
JocastaListen to this man, and as you listen, see what the god’s solemn oracles have come to.
Jocastaἐκ τῆς Κορίνθου, πατέρα τὸν σὸν ἀγγελῶν
ὡς οὐκέτʼ ὄντα Πόλυβον, ἀλλʼ ὀλωλότα.
JocastaHe’s from Corinth, here to report that your father Polybus is no more. He’s dead.
Oedipusτί φῄς, ξένʼ; αὐτός μοι σὺ σημάντωρ γενοῦ.
OedipusWhat are you saying, stranger? Tell me yourself.
Messengerεἰ τοῦτο πρῶτον δεῖ μʼ ἀπαγγεῖλαι σαφῶς,
εὖ ἴσθʼ ἐκεῖνον θανάσιμον βεβηκότα.
MessengerIf this is what I must report first and plainly, be sure of it: he is dead and gone.
Oedipusπότερα δόλοισιν ἢ νόσου ξυναλλαγῇ;
OedipusBy treachery, or did some sickness come upon him?
Messengerσμικρὰ παλαιὰ σώματʼ εὐνάζει ῥοπή.
MessengerA small tip of the scale puts old bodies to sleep.
Messengerκαὶ τῷ μακρῷ γε συμμετρούμενος χρόνῳ.
MessengerYes, and of the long span of years that measured out his life.
Oedipusφεῦ φεῦ, τί δῆτʼ ἄν, ὦ γύναι, σκοποῖτό τι
τὴν Πυθόμαντιν ἑστίαν ἢ τοὺς ἄνω
κλάζοντας ὄρνεις, ὧν ὑφηγητῶν ἐγὼ
κτενεῖν ἔμελλον πατέρα τὸν ἐμόν; ὁ δὲ θανὼν
κεύθει κάτω δὴ γῆς. ἐγὼ δʼ ὅδʼ ἐνθάδε
ἄψαυστος ἔγχους· εἴ τι μὴ τὠμῷ πόθῳ
κατέφθιθʼ· οὕτω δʼ ἂν θανὼν εἴη ʼξ ἐμοῦ.
τὰ δʼ οὖν παρόντα συλλαβὼν θεσπίσματα
κεῖται παρʼ Ἅιδῃ Πόλυβος ἄξιʼ οὐδενός.
OedipusAh, ah! Why then, wife, should anyone look to the prophetic hearth at Pytho, or to the birds screaming overhead? By their guidance I was going to kill my father. But he is dead and lies hidden deep beneath the earth, and here I am, never having touched a weapon—unless he wasted away from missing me; in that sense he’d have died because of me. Anyway, Polybus has gathered up these oracles, just as they stand, and lies with them in Hades, worth nothing.
Jocastaμὴ νῦν ἔτʼ αὐτῶν μηδὲν ἐς θυμὸν βάλῃς.
JocastaThen don’t take any of it to heart anymore.
Oedipusκαὶ πῶς τὸ μητρὸς οὐκ ὀκνεῖν λέχος με δεῖ;
OedipusBut how can I not dread my mother’s bed?
Jocastaτί δʼ ἂν φοβοῖτʼ ἄνθρωπος ᾧ τὰ τῆς τύχης
κρατεῖ, πρόνοια δʼ ἐστὶν οὐδενὸς σαφής;
εἰκῆ κράτιστον ζῆν, ὅπως δύναιτό τις.
σὺ δʼ εἰς τὰ μητρὸς μὴ φοβοῦ νυμφεύματα·
πολλοὶ γὰρ ἤδη κἀν ὀνείρασιν βροτῶν
μητρὶ ξυνηυνάσθησαν. ἀλλὰ ταῦθʼ ὅτῳ
παρʼ οὐδέν ἐστι, ῥᾷστα τὸν βίον φέρει.
JocastaWhat should a human being fear, when chance rules everything and there’s no clear foresight about anything? It’s best to live at random, as well as one can. And don’t you be afraid of marrying your mother. Many men before now have slept with their mothers in dreams as well. But the one who counts these things as nothing bears his life most easily.
Oedipusκαλῶς ἅπαντα ταῦτʼ ἂν ἐξείρητό σοι,
εἰ μὴ ʼκύρει ζῶσʼ ἡ τεκοῦσα· νῦν δʼ ἐπεὶ
ζῇ, πᾶσʼ ἀνάγκη, κεἰ καλῶς λέγεις, ὀκνεῖν.
OedipusAll this would have been well said, if my mother weren’t still alive. But since she lives, I have every reason to shrink from it, however well you speak.
Jocastaκαὶ μὴν μέγας γʼ ὀφθαλμὸς οἱ πατρὸς τάφοι.
JocastaAnd yet your father’s grave is a great light.
Oedipusμέγας, ξυνίημʼ· ἀλλὰ τῆς ζώσης φόβος.
OedipusGreat, I understand. But I’m afraid of her, while she lives.
Messengerποίας δὲ καὶ γυναικὸς ἐκφοβεῖσθʼ ὕπερ;
MessengerAnd who is this woman you’re so afraid of?
Messengerτί δʼ ἔστʼ ἐκείνης ὑμὶν ἐς φόβον φέρον;
MessengerAnd what is there about her that frightens you?
Messengerἦ ῥητόν; ἢ οὐχὶ θεμιτὸν ἄλλον εἰδέναι;
MessengerCan it be told? Or is it not right for anyone else to know?
Oedipusμάλιστά γʼ· εἶπε γάρ με Λοξίας ποτὲ
χρῆναι μιγῆναι μητρὶ τἠμαυτοῦ τό τε
πατρῷον αἷμα χερσὶ ταῖς ἐμαῖς ἑλεῖν.
ὧν οὕνεχʼ ἡ Κόρινθος ἐξ ἐμοῦ πάλαι
μακρὰν ἀπῳκεῖτʼ· εὐτυχῶς μέν, ἀλλʼ ὅμως
τὰ τῶν τεκόντων ὄμμαθʼ ἥδιστον βλέπειν.
OedipusOf course it can. Loxias once said that I was fated to lie with my own mother and to shed my father’s blood with my own hands. That’s why I’ve lived far away from Corinth for a long time now. Happily, yes—but still, it’s sweetest to look into your parents’ eyes.
Messengerἦ γὰρ τάδʼ ὀκνῶν κεῖθεν ἦσθʼ ἀπόπτολις;
MessengerSo that was the fear that made you an exile from there?
Oedipusπατρός τε χρῄζων μὴ φονεὺς εἶναι, γέρον.
OedipusThat, and I didn’t want to be my father’s murderer, old man.
Messengerτί δῆτʼ ἐγὼ οὐχὶ τοῦδε τοῦ φόβου σʼ, ἄναξ,
ἐπείπερ εὔνους ἦλθον, ἐξελυσάμην;
MessengerThen why don’t I free you from this fear, my lord, since I came here meaning you well?
Oedipusκαὶ μὴν χάριν γʼ ἂν ἀξίαν λάβοις ἐμοῦ.
OedipusYou’d certainly get a fitting reward from me.
Messengerκαὶ μὴν μάλιστα τοῦτʼ ἀφικόμην, ὅπως
σοῦ πρὸς δόμους ἐλθόντος εὖ πράξαιμί τι.
MessengerWell, that’s the main reason I came: so that when you came home I’d do well out of it.
Oedipusἀλλʼ οὔποτʼ εἶμι τοῖς φυτεύσασίν γʼ ὅμοῦ.
OedipusBut I’ll never go where my parents are.
Messengerὦ παῖ, καλῶς εἶ δῆλος οὐκ εἰδὼς τί δρᾷς.
MessengerSon, it’s quite clear you don’t know what you’re doing.
Oedipusπῶς, ὦ γεραιέ; πρὸς θεῶν δίδασκέ με.
OedipusHow so, old man? For the gods’ sake, tell me.
Messengerεἰ τῶνδε φεύγεις οὕνεκʼ εἰς οἴκους μολεῖν.
MessengerIf that’s why you’re avoiding going home.
Oedipusταρβῶν γε μή μοι Φοῖβος ἐξέλθῃ σαφής.
OedipusYes—I’m afraid Phoebus may turn out to be right about me.
Messengerἦ μὴ μίασμα τῶν φυτευσάντων λάβῃς;
MessengerAfraid you’d take on pollution through your parents?
Oedipusτοῦτʼ αὐτό, πρέσβυ, τοῦτό μʼ εἰσαεὶ φοβεῖ.
OedipusThat’s it, old man, that’s exactly what has always frightened me.
Messengerἆρʼ οἶσθα δῆτα πρὸς δίκης οὐδὲν τρέμων;
MessengerThen don’t you know you have no real reason to be afraid?
Oedipusπῶς δʼ οὐχί, παῖς γʼ εἰ τῶνδε γεννητῶν ἔφυν;
OedipusHow could I not, if I was born the son of these parents?
Messengerὁθούνεκʼ ἦν σοι Πόλυβος οὐδὲν ἐν γένει.
MessengerBecause Polybus was no blood relation of yours.
Oedipusπῶς εἶπας; οὐ γὰρ Πόλυβος ἐξέφυσέ με;
OedipusWhat are you saying? Wasn’t Polybus my father?
Messengerοὐ μᾶλλον οὐδὲν τοῦδε τἀνδρός, ἀλλʼ ἴσον.
MessengerNo more than this man here. Exactly as much.
Oedipusκαὶ πῶς ὁ φύσας ἐξ ἴσου τῷ μηδενί;
OedipusHow can my father be no more to me than a nobody?
Messengerἀλλʼ οὔ σʼ ἐγείνατʼ οὔτʼ ἐκεῖνος οὔτʼ ἐγώ.
MessengerWell, he didn’t father you, and neither did I.
Messengerδῶρόν ποτʼ, ἴσθι, τῶν ἐμῶν χειρῶν λαβών.
MessengerHe received you once as a gift, I tell you, from my own hands.
Oedipusκᾆθʼ ὧδʼ ἀπʼ ἄλλης χειρὸς ἔστερξεν μέγα;
OedipusAnd he loved me so much, though I came from someone else’s hands?
Messengerἡ γὰρ πρὶν αὐτὸν ἐξέπεισʼ ἀπαιδία.
MessengerHe had no children before that; that won him over.
Oedipusσὺ δʼ ἐμπολήσας ἢ τυχών μʼ αὐτῷ δίδως;
OedipusAnd you—had you bought me, or found me, when you gave me to him?
Messengerεὑρὼν ναπαίαις ἐν Κιθαιρῶνος πτυχαῖς.
MessengerI found you in the wooded glens of Cithaeron.
Oedipusὡδοιπόρεις δὲ πρὸς τί τούσδε τοὺς τόπους;
OedipusAnd why were you traveling in those parts?
Messengerἐνταῦθʼ ὀρείοις ποιμνίοις ἐπεστάτουν.
MessengerI was looking after flocks on the mountain there.
Oedipusποιμὴν γὰρ ἦσθα κἀπὶ θητείᾳ πλάνης;
OedipusSo you were a shepherd, a wandering hired hand?
Messengerσοῦ τʼ, ὦ τέκνον, σωτήρ γε τῷ τότʼ ἐν χρόνῳ.
MessengerAnd your savior, my son, at that time.
Oedipusτί δʼ ἄλγος ἴσχοντʼ ἀγκάλαις με λαμβάνεις;
OedipusWhat pain was I in when you took me in your arms?
Messengerποδῶν ἂν ἄρθρα μαρτυρήσειεν τὰ σά·
MessengerThe joints of your feet could bear witness to that.
Oedipusοἴμοι, τί τοῦτʼ ἀρχαῖον ἐννέπεις κακόν;
OedipusOh, no—why do you speak of that old trouble?
Messengerλύω σʼ ἔχοντα διατόρους ποδοῖν ἀκμάς.
MessengerI untied you. Your ankles had been pierced right through.
Oedipusδεινόν γʼ ὄνειδος σπαργάνων ἀνειλόμην.
OedipusA dreadful shame I took with me from my swaddling clothes.
Messengerὥστʼ ὠνομάσθης ἐκ τύχης ταύτης ὃς εἶ.
MessengerSo that from this misfortune you were given the name you bear.
Oedipusὦ πρὸς θεῶν, πρὸς μητρὸς ἢ πατρός; φράσον.
OedipusFor the gods’ sake—was that my mother’s doing, or my father’s? Tell me.
Messengerοὐκ οἶδʼ· ὁ δοὺς δὲ ταῦτʼ ἐμοῦ λῷον φρονεῖ.
MessengerI don’t know. The man who gave you to me knows more about that than I do.
Oedipusἦ γὰρ παρʼ ἄλλου μʼ ἔλαβες οὐδʼ αὐτὸς τυχών;
OedipusSo you got me from someone else? You didn’t find me yourself?
Messengerοὔκ, ἀλλὰ ποιμὴν ἄλλος ἐκδίδωσί μοι.
MessengerNo. Another shepherd handed you over to me.
Messengerτῶν Λαΐου δήπου τις ὠνομάζετο.
MessengerHe was said to be one of Laius’ people, I think.
Messengerμάλιστα· τούτου τἀνδρὸς οὗτος ἦν βοτήρ.
MessengerThat’s the one. He was that man’s herdsman.
Messengerὑμεῖς γʼ ἄριστʼ εἰδεῖτʼ ἂν οὑπιχώριοι.
MessengerYou people from here would know that best.
Oedipusἔστιν τις ὑμῶν τῶν παρεστώτων πέλας,
ὅστις κάτοιδε τὸν βοτῆρʼ ὃν ἐννέπει,
εἴτʼ οὖν ἐπʼ ἀγρῶν εἴτε κἀνθάδʼ εἰσιδών;
σημήναθʼ, ὡς ὁ καιρὸς ηὑρῆσθαι τάδε.
OedipusIs there anyone among you standing here who knows the herdsman he’s talking about, from having seen him either out in the fields or here? Speak up. It’s time these things were found out.
Chorusοἶμαι μὲν οὐδένʼ ἄλλον ἢ τὸν ἐξ ἀγρῶν,
ὃν κἀμάτευες πρόσθεν εἰσιδεῖν· ἀτὰρ
ἥδʼ ἂν τάδʼ οὐχ ἥκιστʼ ἂν Ἰοκάστη λέγοι.
ChorusI think it’s none other than the man from the fields you were trying to see before. But Jocasta here could tell you that better than anyone.
Oedipusγύναι, νοεῖς ἐκεῖνον, ὅντινʼ ἀρτίως
μολεῖν ἐφιέμεσθα; τόνδʼ οὗτος λέγει;
OedipusWife, do you know the man we sent for just now? Is he the one this man means?
Jocastaτί δʼ ὅντινʼ εἶπε; μηδὲν ἐντραπῇς· τὰ δὲ
ῥηθέντα βούλου μηδὲ μεμνῆσθαι μάτην.
JocastaWhy ask whom he meant? Pay no attention. Don’t even try to remember what was said. It’s pointless.
Oedipusοὐκ ἂν γένοιτο τοῦθʼ ὅπως ἐγὼ λαβὼν
σημεῖα τοιαῦτʼ οὐ φανῶ τοὐμὸν γένος.
OedipusIt can’t be that, with clues like these in my hands, I won’t bring my birth to light.
Jocastaμὴ πρὸς θεῶν, εἴπερ τι τοῦ σαυτοῦ βίου
κήδει, ματεύσῃς τοῦθʼ· ἅλις νοσοῦσʼ ἐγώ.
JocastaFor the gods’ sake, if you care at all for your own life, don’t search into this. My suffering is enough.
Oedipusθάρσει· σὺ μὲν γὰρ οὐδʼ ἐὰν τρίτης ἐγὼ
μητρὸς φανῶ τρίδουλος, ἐκφανεῖ κακή.
OedipusDon’t worry. Even if I turn out to be a slave three times over, born of three generations of slave mothers, you won’t be shown to be low-born.
Jocastaὅμως πιθοῦ μοι, λίσσομαι· μὴ δρᾶ τάδε.
JocastaEven so, listen to me, I beg you. Don’t do this.
Oedipusοὐκ ἂν πιθοίμην μὴ οὐ τάδʼ ἐκμαθεῖν σαφῶς.
OedipusI won’t be persuaded not to find out the truth of this.
Jocastaκαὶ μὴν φρονοῦσά γʼ εὖ τὰ λῷστά σοι λέγω.
JocastaBut I mean you well. I’m telling you what’s best for you.
Oedipusτὰ λῷστα τοίνυν ταῦτά μʼ ἀλγύνει πάλαι.
OedipusWell, that “best” has been tormenting me for a long time now.
Jocastaὦ δύσποτμʼ, εἴθε μήποτε γνοίης ὃς εἶ.
JocastaDoomed man—may you never learn who you are!
Oedipusἄξει τις ἐλθὼν δεῦρο τὸν βοτῆρά μοι;
ταύτην δʼ ἐᾶτε πλουσίῳ χαίρειν γένει.
OedipusSomeone go and bring that herdsman here to me. As for her, let her enjoy her wealthy family.
Jocastaἰοὺ ἰού, δύστηνε· τοῦτο γάρ σʼ ἔχω
μόνον προσειπεῖν, ἄλλο δʼ οὔποθʼ ὕστερον.
JocastaOh, oh, you wretched man! That’s the only name I have left to call you, and never anything else again.
Chorusτί ποτε βέβηκεν, Οἰδίπους, ὑπʼ ἀγρίας
ᾄξασα λύπης ἡ γυνή; δέδοιχʼ ὅπως
μὴ ʼκ τῆς σιωπῆς τῆσδʼ ἀναρρήξει κακά.
ChorusWhy has your wife gone, Oedipus, rushing off in such wild grief? I’m afraid that out of this silence some disaster will break forth.
Oedipusὁποῖα χρῄζει ῥηγνύτω· τοὐμὸν δʼ ἐγώ,
κεἰ σμικρόν ἐστι, σπέρμʼ ἰδεῖν βουλήσομαι.
αὕτη δʼ ἴσως, φρονεῖ γὰρ ὡς γυνὴ μέγα,
τὴν δυσγένειαν τὴν ἐμὴν αἰσχύνεται.
ἐγὼ δʼ ἐμαυτὸν παῖδα τῆς Τύχης νέμων
τῆς εὖ διδούσης οὐκ ἀτιμασθήσομαι.
τῆς γὰρ πέφυκα μητρός· οἱ δὲ συγγενεῖς
μῆνές με μικρὸν καὶ μέγαν διώρισαν.
τοιόσδε δʼ ἐκφὺς οὐκ ἂν ἐξέλθοιμʼ ἔτι
ποτʼ ἄλλος, ὥστε μὴ ʼκμαθεῖν τοὐμὸν γένος.
OedipusLet it break out, whatever it will! As for me, however humble my origins, I will want to see them. She, perhaps—she has a woman’s pride—is ashamed of my low birth. But I count myself the son of Chance, who gives good things, and I will not be dishonored. She is the mother I was born from, and the months, my kin, have marked me out small and great. Born of such a mother, I could never turn out to be someone else and leave my birth unknown.
Third Stasimon
The chorus happily guesses that Oedipus was born on Mount Cithaeron to some god.
Chorusεἴπερ ἐγὼ μάντις εἰμὶ καὶ κατὰ γνώμαν ἴδρις,
οὐ τὸν Ὄλυμπον ἀπείρων, ὦ Κιθαιρών,
οὐκ ἔσει τὰν αὔριον
πανσέληνον, μὴ οὐ σέ γε καὶ πατριώταν Οἰδίπουν
καὶ τροφὸν καὶ ματέρʼ αὔξειν,
καὶ χορεύεσθαι πρὸς ἡμῶν, ὡς ἐπὶ ἦρα φέροντα τοῖς ἐμοῖς τυράννοις.
ἰήϊε Φοῖβε, σοὶ δὲ ταῦτʼ ἀρέστʼ εἴη.
ChorusIf I am a prophet
and wise in judgment,
by Olympus, Cithaeron,
you will not fail to know,
at tomorrow’s full moon,
that we exalt you
as Oedipus’ countryman,
his nurse and his mother,
and honor you with our dances
for bringing favors to my kings.
Phoebus, to whom we cry,
may this be pleasing to you.
τίς σε, τέκνον, τίς σʼ ἔτικτε τᾶν μακραιώνων ἄρα
Πανὸς ὀρεσσιβάτα πατρὸς πελασθεῖσʼ;
ἢ σέ γʼ εὐνάτειρά τις
Λοξίου; τῷ γὰρ πλάκες ἀγρόνομοι πᾶσαι φίλαι·
εἴθʼ ὁ Κυλλάνας ἀνάσσων,
εἴθʼ ὁ Βακχεῖος θεὸς ναίων ἐπʼ ἄκρων ὀρέων σʼ εὕρημα δέξατʼ ἔκ του
Νυμφᾶν Ἑλικωνίδων, αἷς πλεῖστα συμπαίζει.
Who bore you, child, which of the long-lived nymphs,
who lay with Pan, the father who roams the mountains?
Or was it some bride of Loxias?
For all the upland pastures are dear to him.
Or was it the lord of Cyllene,
or the Bacchic god who dwells on the mountain peaks
who took you as a lucky find
from one of the nymphs of Helicon,
the playmates he loves best?
Fourth Episode
Under threat, Laius’ old shepherd admits the baby was Laius’ son, and Oedipus understands.
Oedipusεἰ χρή τι κἀμὲ μὴ συναλλάξαντά πω,
πρέσβεις, σταθμᾶσθαι, τὸν βοτῆρʼ ὁρᾶν δοκῶ,
ὅνπερ πάλαι ζητοῦμεν· ἔν τε γὰρ μακρῷ
γήρᾳ ξυνᾴδει τῷδε τἀνδρὶ σύμμετρος,
ἄλλως τε τοὺς ἄγοντας ὥσπερ οἰκέτας
ἔγνωκʼ ἐμαυτοῦ· τῇ δʼ ἐπιστήμῃ σύ μου
προύχοις τάχʼ ἄν που, τὸν βοτῆρʼ ἰδὼν πάρος.
OedipusElders, if I may make a guess too, though I’ve never had any dealings with the man, I think I see the herdsman we’ve been looking for all this while. His great age matches this man’s here, and besides, I recognize the men bringing him as servants of my own. But you may know better than I do, since you’ve seen the herdsman before.
Chorusἔγνωκα γάρ, σάφʼ ἴσθι· Λαΐου γὰρ ἦν
εἴπερ τις ἄλλος πιστὸς ὡς νομεὺς ἀνήρ.
ChorusYes, I know him, be sure of that. He was Laius’ man, as trustworthy a herdsman as any he had.
Oedipusσὲ πρῶτʼ ἐρωτῶ, τὸν Κορίνθιον ξένον, ἦ τόνδε φράζεις;
OedipusYou first, our stranger from Corinth: is this the man you mean?
Oedipusοὗτος σύ, πρέσβυ, δεῦρό μοι φώνει βλέπων
ὅσʼ ἄν σʼ ἐρωτῶ. Λαΐου ποτʼ ἦσθα σύ;
OedipusYou there, old man, look at me and answer whatever I ask. Did you once belong to Laius?
Shepherdἦ δοῦλος οὐκ ὠνητός, ἀλλʼ οἴκοι τραφείς.
ShepherdI did. I was a slave, not bought, but raised in the house.
Oedipusἔργον μεριμνῶν ποῖον ἢ βίον τινά;
OedipusWhat work did you do? How did you make your living?
Shepherdποίμναις τὰ πλεῖστα τοῦ βίου συνειπόμην.
ShepherdFor most of my life I followed the flocks.
Shepherdἦν μὲν Κιθαιρών, ἦν δὲ πρόσχωρος τόπος.
ShepherdThere was Cithaeron, and there was the country round about.
Oedipusτὸν ἄνδρα τόνδʼ οὖν οἶσθα τῇδέ που μαθών;
OedipusThen do you know this man here? Did you come across him somewhere there?
Oedipusτόνδʼ ὃς πάρεστιν· ἢ ξυναλλάξας τί πω;
OedipusThis one, here. Have you ever had any dealings with him?
Shepherdοὐχ ὥστε γʼ εἰπεῖν ἐν τάχει μνήμης ἄπο.
ShepherdNot so I could say right off, from memory.
Messengerκοὐδέν γε θαῦμα, δέσποτʼ· ἀλλʼ ἐγὼ σαφῶς
ἀγνῶτʼ ἀναμνήσω νιν. εὖ γὰρ οἶδʼ ὅτι
κάτοιδεν, ἦμος τῷ Κιθαιρῶνος τόπῳ,
ὁ μὲν διπλοῖσι ποιμνίοις, ἐγὼ δʼ ἑνί,
ἐπλησίαζον τῷδε τἀνδρὶ τρεῖς ὅλους
ἐξ ἦρος εἰς ἀρκτοῦρον ἑκμήνους χρόνους·
χειμῶνα δʼ ἤδη τἀμά τʼ εἰς ἔπαυλʼ ἐγὼ
ἤλαυνον οὗτός τʼ εἰς τὰ Λαΐου σταθμά.
λέγω τι τούτων ἢ οὐ λέγω πεπραγμένον;
MessengerAnd no wonder, master. But I’ll remind him clearly of what he’s forgotten. I’m sure he remembers the time on Cithaeron, he with two flocks and I with one, when I was his neighbor for three whole seasons, six months each, from spring until Arcturus. Then, when winter came, I’d drive mine home to my folds and he’d drive his to Laius’ steadings. Am I telling it as it happened, or not?
Messengerφέρʼ εἰπὲ νῦν, τότʼ οἶσθα παῖδά μοί τινα
δούς, ὡς ἐμαυτῷ θρέμμα θρεψαίμην ἐγώ;
MessengerWell then, tell me now: do you remember giving me a baby back then, to raise as my own?
Shepherdτί δʼ ἔστι; πρὸς τί τοῦτο τοὔπος ἱστορεῖς;
ShepherdWhat is this? Why are you asking me that?
Messengerὅδʼ ἐστίν, ὦ τᾶν, κεῖνος ὃς τότʼ ἦν νέος.
MessengerThis man here, my friend, is the one who was that baby.
Oedipusἆ, μὴ κόλαζε, πρέσβυ, τόνδʼ, ἐπεὶ τὰ σὰ
δεῖται κολαστοῦ μᾶλλον ἢ τὰ τοῦδʼ ἔπη.
OedipusAh, don’t scold him, old man. It’s your words that need scolding, more than his.
Shepherdτί δʼ, ὦ φέριστε δεσποτῶν, ἁμαρτάνω;
ShepherdBut what am I doing wrong, best of masters?
Oedipusοὐκ ἐννέπων τὸν παῖδʼ ὃν οὗτος ἱστορεῖ.
OedipusNot telling us about the child he’s asking about.
Shepherdλέγει γὰρ εἰδὼς οὐδέν, ἀλλʼ ἄλλως πονεῖ.
ShepherdHe’s talking without knowing anything. He’s wasting his breath.
Oedipusσὺ πρὸς χάριν μὲν οὐκ ἐρεῖς, κλαίων δʼ ἐρεῖς.
OedipusIf you won’t talk to oblige me, you’ll talk in pain.
Shepherdμὴ δῆτα, πρὸς θεῶν, τὸν γέροντά μʼ αἰκίσῃ.
ShepherdNo, for the gods’ sake, don’t hurt an old man!
Shepherdδύστηνος, ἀντὶ τοῦ; τί προσχρῄζων μαθεῖν;
ShepherdOh, poor me, what for? What more do you want to know?
Oedipusτὸν παῖδʼ ἔδωκας τῷδʼ ὃν οὗτος ἱστορεῖ;
OedipusDid you give him the child he’s asking about?
Oedipusἀλλʼ εἰς τόδʼ ἥξεις μὴ λέγων γε τοὔνδικον.
OedipusYou’ll come to that, if you don’t tell the truth.
Shepherdπολλῷ γε μᾶλλον, ἢν φράσω, διόλλυμαι.
ShepherdAnd if I do tell it, I’m far more surely destroyed.
Shepherdοὐ δῆτʼ ἔγωγʼ, ἀλλʼ εἶπον, ὡς δοίην, πάλαι.
ShepherdNo, not me! I said a moment ago that I gave it.
Oedipusπόθεν λαβών; οἰκεῖον ἢ ʼξ ἄλλου τινός;
OedipusWhere did you get it? Was it your own, or someone else’s?
Oedipusτίνος πολιτῶν τῶνδε κἀκ ποίας στέγης;
OedipusFrom which of these citizens? From what house?
Shepherdμὴ πρὸς θεῶν, μή, δέσποθʼ, ἱστόρει πλέον.
ShepherdNo, for the gods’ sake, master, no, don’t ask anymore!
Oedipusὄλωλας, εἴ σε ταῦτʼ ἐρήσομαι πάλιν.
OedipusYou’re a dead man if I have to ask you this again.
Shepherdτῶν Λαΐου τοίνυν τις ἦν γεννημάτων.
ShepherdWell, then: it was one of those born in the house of Laius.
Shepherdοἴμοι, πρὸς αὐτῷ γʼ εἰμὶ τῷ δεινῷ λέγειν.
ShepherdOh, no. Here I am at the very edge of the horror, and I have to say it.
Shepherdκείνου γέ τοι δὴ παῖς ἐκλῄζεθʼ· ἡ δʼ ἔσω
κάλλιστʼ ἂν εἴποι σὴ γυνὴ τάδʼ ὡς ἔχει.
ShepherdIt was called his son, then. But the woman inside, your wife, could tell you best how things stand.
Shepherdμάλιστʼ, ἄναξ.
ShepherdShe did, my lord.
Shepherdὡς ἀναλώσαιμί νιν.
ShepherdFor me to do away with it.
Shepherdθεσφάτων γʼ ὄκνῳ κακῶν.
ShepherdYes, out of fear of evil prophecies.
Shepherdκτενεῖν νιν τοὺς τεκόντας ἦν λόγος.
ShepherdThe word was that it would kill its parents.
Shepherdκατοικτίσας, ὦ δέσποθʼ, ὡς ἄλλην χθόνα
δοκῶν ἀποίσειν, αὐτὸς ἔνθεν ἦν· ὁ δὲ
κάκʼ εἰς μέγιστʼ ἔσωσεν. εἰ γὰρ οὗτος εἶ
ὅν φησιν οὗτος, ἴσθι δύσποτμος γεγώς.
ShepherdOut of pity, master. I thought he’d take it away to another country, where he came from himself. But he saved it, for the greatest evils. Because if you are the man he says you are, know that you were born to misery.
Oedipusἰοὺ ἰού· τὰ πάντʼ ἂν ἐξήκοι σαφῆ.
ὦ φῶς, τελευταῖόν σε προσβλέψαιμι νῦν,
ὅστις πέφασμαι φύς τʼ ἀφʼ ὧν οὐ χρῆν, ξὺν οἷς τʼ
οὐ χρῆν ὁμιλῶν, οὕς τέ μʼ οὐκ ἔδει κτανών.
OedipusOh, oh! It’s all come out, all of it, clear. Light, let me look on you now for the last time: I who stand revealed as born from those I should not have been born from, living with those I should not have lived with, and killing those I should never have killed.
Fourth Stasimon
The chorus mourns Oedipus’ fall as proof that human happiness is nothing.
Chorusἰὼ γενεαὶ βροτῶν,
ὡς ὑμᾶς ἴσα καὶ τὸ μηδὲν ζώσας ἐναριθμῶ.
τίς γάρ, τίς ἀνὴρ πλέον
τᾶς εὐδαιμονίας φέρει
ἢ τοσοῦτον ὅσον δοκεῖν
καὶ δόξαντʼ ἀποκλῖναι;
τὸν σόν τοι παράδειγμʼ ἔχων,
τὸν σὸν δαίμονα, τὸν σόν, ὦ τλᾶμον Οἰδιπόδα, βροτῶν
οὐδὲν μακαρίζω·
ChorusAh, generations of men,
how I count your lives
as equal to nothing at all!
For who, what man
carries off more happiness
than just enough to seem happy,
and, having seemed, to sink away?
With yours as my example,
your fate, yours,
unhappy Oedipus,
I call no mortal blessed.
ὅστις καθʼ ὑπερβολὰν
τοξεύσας ἐκράτησε τοῦ πάντʼ εὐδαίμονος ὄλβου,
ὦ Ζεῦ, κατὰ μὲν φθίσας
τὰν γαμψώνυχα παρθένον
χρησμῳδόν, θανάτων δʼ ἐμᾷ
χώρᾳ πύργος ἀνέστα·
ἐξ οὗ καὶ βασιλεὺς καλεῖ
ἐμὸς καὶ τὰ μέγιστʼ ἐτιμάθης, ταῖς μεγάλαισιν ἐν
Θήβαισιν ἀνάσσων.
You, who shot your arrow
beyond all others
and won the prize of wealth and happiness complete—
Zeus!—you who destroyed
the maiden with the hooked talons,
singer of oracles,
and rose up for my land
as a tower against death.
Since then you have been called my king,
and honored above all,
ruling in great Thebes.
τανῦν δʼ ἀκούειν τίς ἀθλιώτερος;
τίς ἄταις ἀγρίαις, τίς ἐν πόνοις
ξύνοικος ἀλλαγᾷ βίου;
ἰὼ κλεινὸν Οἰδίπου κάρα,
ἦ στέγας λιμὴν
αὑτὸς ἤρκεσεν
παιδὶ καὶ πατρὶ θαλαμηπόλῳ πεσεῖν;
πῶς ποτε πῶς ποθʼ αἱ πατρῷαί σʼ ἄλοκες φέρειν, τάλας,
σῖγʼ ἐδυνάθησαν ἐς τοσόνδε;
But now, whose story is more pitiful to hear?
Who lives with wilder ruin, with deeper pain,
his whole life overturned?
Ah, Oedipus, famous one,
for whom one great harbor
was enough
to receive both son and father as bridegroom!
How, how could the furrows your father sowed
bear you, poor man,
in silence for so long?
ἐφηῦρέ σʼ ἄκονθʼ ὁ πάνθʼ ὁρῶν χρόνος,
δικάζει τʼ ἄγαμον γάμον πάλαι
τεκνοῦντα καὶ τεκνούμενον.
ἰώ, Λαΐειον ὦ τέκνον,
εἴθε σʼ εἴθε σε
μήποτʼ εἰδόμαν.
δύρομαι γὰρ ὥσπερ ἰάλεμον χέων
ἐκ στομάτων. τὸ δʼ ὀρθὸν εἰπεῖν, ἀνέπνευσά τʼ ἐκ
σέθεν
καὶ κατεκοίμασα τοὐμὸν ὄμμα.
Time, which sees all things, has found you out against your will,
and passes judgment on the marriage that is no marriage,
where for so long begetter and begotten were one.
Ah, child of Laius,
I wish, I wish
I had never seen you.
I grieve like one
pouring a dirge from his lips.
But to tell the truth,
it was you who gave me breath again,
and you who laid my eyes to sleep.
Exodos
Jocasta hangs herself; Oedipus blinds himself, says goodbye to his daughters, and is led inside.
Second Messengerὦ γῆς μέγιστα τῆσδʼ ἀεὶ τιμώμενοι,
οἷʼ, ἔργʼ ἀκούσεσθʼ, οἷα δʼ εἰσόψεσθʼ, ὅσον δʼ
ἀρεῖσθε πένθος, εἴπερ ἐγγενῶς ἔτι
τῶν Λαβδακείων ἐντρέπεσθε δωμάτων.
οἶμαι γὰρ οὔτʼ ἂν Ἴστρον οὔτε Φᾶσιν ἂν
νίψαι καθαρμῷ τήνδε τὴν στέγην, ὅσα
κεύθει, τὰ δʼ αὐτίκʼ εἰς τὸ φῶς φανεῖ κακὰ
ἑκόντα κοὐκ ἄκοντα. τῶν δὲ πημονῶν
μάλιστα λυποῦσʼ αἳ φανῶσʼ αὐθαίρετοι.
Second MessengerYou who are always held in highest honor in this land, what deeds you will hear of, what things you will see, how great a grief you will take up, if you still care, as true kinsmen should, for the house of Labdacus! I don’t think the Danube or the Phasis could wash this house clean, so much does it hide; and soon it will bring evils to the light, evils willed, not unwilled. And of all sufferings, those hurt most that prove to be self-chosen.
Chorusλείπει μὲν οὐδʼ ἃ πρόσθεν εἴδομεν τὸ μὴ οὐ
βαρύστονʼ εἶναι· πρὸς δʼ ἐκείνοισιν τί φῄς;
ChorusWhat we knew already lacked nothing to make it grievous. What do you have to tell beyond that?
Second Messengerὁ μὲν τάχιστος τῶν λόγων εἰπεῖν τε καὶ
μαθεῖν, τέθνηκε θεῖον Ἰοκάστης κάρα.
Second MessengerThe quickest thing to say and to hear: our royal lady Jocasta is dead.
Second Messengerαὐτὴ πρὸς αὑτῆς. τῶν δὲ πραχθέντων τὰ μὲν
ἄλγιστʼ ἄπεστιν· ἡ γὰρ ὄψις οὐ πάρα.
ὅμως δʼ, ὅσον γε κἀν ἐμοὶ μνήμης ἔνι,
πεύσει τὰ κείνης ἀθλίας παθήματα.
ὅπως γὰρ ὀργῇ χρωμένη παρῆλθʼ ἔσω
θυρῶνος, ἵετʼ εὐθὺ πρὸς τὰ νυμφικὰ
λέχη, κόμην σπῶσʼ ἀμφιδεξίοις ἀκμαῖς.
πύλας δʼ, ὅπως εἰσῆλθʼ, ἐπιρράξασʼ ἔσω
καλεῖ τὸν ἤδη Λάϊον πάλαι νεκρόν,
μνήμην παλαιῶν σπερμάτων ἔχουσʼ, ὑφʼ ὧν
θάνοι μὲν αὐτός, τὴν δὲ τίκτουσαν λίποι
τοῖς οἷσιν αὐτοῦ δύστεκνον παιδουργίαν.
Second MessengerShe did it herself. The most painful part of what happened you were spared, since you weren’t there to see it. Still, as far as my memory serves, you’ll learn what that wretched woman suffered. When she came inside the doorway in her passion, she rushed straight to her bridal bed, tearing her hair with the fingers of both hands. Once in, she slammed the doors shut and called on Laius, long since dead, remembering the seed they had sown long ago, by which he himself would die and leave her, the mother, to bear ill-starred children to his own son.
γοᾶτο δʼ εὐνάς, ἔνθα δύστηνος διπλοῦς
ἐξ ἀνδρὸς ἄνδρα καὶ τέκνʼ ἐκ τέκνων τέκοι.
χὤπως μὲν ἐκ τῶνδʼ οὐκέτʼ οἶδʼ ἀπόλλυται·
βοῶν γὰρ εἰσέπαισεν Οἰδίπους, ὑφʼ οὗ
οὐκ ἦν τὸ κείνης ἐκθεάσασθαι κακόν,
ἀλλʼ εἰς ἐκεῖνον περιπολοῦντʼ ἐλεύσσομεν.
φοιτᾷ γὰρ ἡμᾶς ἔγχος ἐξαιτῶν πορεῖν,
γυναῖκά τʼ οὐ γυναῖκα, μητρῴαν δʼ ὅπου
κίχοι διπλῆν ἄρουραν οὗ τε καὶ τέκνων.
She wailed over the bed where, in her misery, she had borne a double brood: a husband by her husband, and children by her child. How she died after that I don’t know. For Oedipus burst in, shouting, and because of him we couldn’t watch her end; we were all looking at him as he ranged about. He went from one of us to another, demanding a sword, and asking where he could find his wife, no wife, but a mother’s field that had borne twice, himself and his children.
λυσσῶντι δʼ αὐτῷ δαιμόνων δείκνυσί τις·
οὐδεὶς γὰρ ἀνδρῶν, οἳ παρῆμεν ἐγγύθεν.
δεινὸν δʼ ἀύσας ὡς ὑφηγητοῦ τινος
πύλαις διπλαῖς ἐνήλατʼ, ἐκ δὲ πυθμένων
ἔκλινε κοῖλα κλῇθρα κἀμπίπτει στέγῃ.
οὗ δὴ κρεμαστὴν τὴν γυναῖκʼ ἐσείδομεν,
πλεκταῖσιν αἰώραισιν ἐμπεπλεγμένην.
ὁ δʼ ὡς ὁρᾷ νιν, δεινὰ βρυχηθεὶς τάλας
χαλᾷ κρεμαστὴν ἀρτάνην. ἐπεὶ δὲ γῇ
ἔκειτο τλήμων, δεινὰ δʼ ἦν τἀνθένδʼ ὁρᾶν.
And as he raged, some power showed him the way, for it was none of us men standing close by. With a terrible cry, as if someone were leading him, he hurled himself at the double doors, bent the bolts back out of their sockets, and burst into the room. There we saw the woman hanging, caught in a twisted noose. When he saw her, the poor man gave a terrible bellow and loosened the hanging rope. And when the poor woman lay on the ground, what came next was terrible to see.
ἀποσπάσας γὰρ εἱμάτων χρυσηλάτους
περόνας ἀπʼ αὐτῆς, αἷσιν ἐξεστέλλετο,
ἄρας ἔπαισεν ἄρθρα τῶν αὑτοῦ κύκλων,
αὐδῶν τοιαῦθʼ, ὁθούνεκʼ οὐκ ὄψοιντό νιν
οὔθʼ οἷʼ ἔπασχεν οὔθʼ ὁποῖʼ ἔδρα κακά,
ἀλλʼ ἐν σκότῳ τὸ λοιπὸν οὓς μὲν οὐκ ἔδει
ὀψοίαθʼ, οὓς δʼ ἔχρῃζεν οὐ γνωσοίατο.
τοιαῦτʼ ἐφυμνῶν πολλάκις τε κοὐχ ἅπαξ
ἤρασσʼ ἐπαίρων βλέφαρα. φοίνιαι δʼ ὁμοῦ
γλῆναι γένειʼ ἔτελλον, οὐδʼ ἀνίεσαν
φόνου μυδώσας σταγόνας, ἀλλʼ ὁμοῦ μέλας
ὄμβρος χαλάζης αἱματοῦς ἐτέγγετο.
He tore from her clothes the golden brooches she had dressed herself with, lifted them high, and struck the sockets of his own eyes, crying out words like these: that they would not see him, nor the evils he was suffering, nor the evils he was doing; that from now on they would see in darkness those they should never have seen, and fail to know those he longed to know. Chanting this again and again, not once only, he kept raising his eyelids and striking. And the bloody eyeballs wet his beard, not letting fall a few slow drops of gore: all at once a dark shower, a hail of blood, came pouring down.
τάδʼ ἐκ δυοῖν ἔρρωγεν, οὐ μόνου κάτα,
ἀλλʼ ἀνδρὶ καὶ γυναικὶ συμμιγῆ κακά.
ὁ πρὶν παλαιὸς δʼ ὄλβος ἦν πάροιθε μὲν
ὄλβος δικαίως· νῦν δὲ τῇδε θἠμέρᾳ
στεναγμός, ἄτη, θάνατος, αἰσχύνη, κακῶν
ὅσʼ ἐστὶ πάντων ὀνόματʼ, οὐδέν ἐστʼ ἀπόν.
These evils have broken out from two, not from one alone; they are evils mingled for husband and wife together. The happiness they had of old was rightly called happiness, before. But now, on this one day, groaning, ruin, death, disgrace: of all the evils there are names for, not one is missing.
Chorusνῦν δʼ ἔσθʼ ὁ τλήμων ἐν τίνι σχολῇ κακοῦ;
ChorusAnd now, has the poor man any respite from his pain?
Second Messengerβοᾷ διοίγειν κλῇθρα καὶ δηλοῦν τινα
τοῖς πᾶσι Καδμείοισι τὸν πατροκτόνον,
τὸν μητέρʼ—αὐδῶν ἀνόσιʼ οὐδὲ ῥητά μοι,
ὡς ἐκ χθονὸς ῥίψων ἑαυτὸν οὐδʼ ἔτι
μενῶν δόμοις ἀραῖος, ὡς ἠράσατο.
ῥώμης γε μέντοι καὶ προηγητοῦ τινος
δεῖται· τὸ γὰρ νόσημα μεῖζον ἢ φέρειν.
δείξει δὲ καὶ σοί· κλῇθρα γὰρ πυλῶν τάδε
διοίγεται· θέαμα δʼ εἰσόψει τάχα
τοιοῦτον οἷον καὶ στυγοῦντʼ ἐποικτίσαι.
Second MessengerHe’s shouting for someone to open the bolts and show all the people of Cadmus the man who killed his father, the man whose mother—he’s saying unholy things, things I can’t repeat—and that he’ll cast himself out of the land and not stay in the house under his own curse, the curse he laid. But he needs strength, and someone to guide him; his sickness is more than he can bear. He’ll show you too. The bolts of the doors are opening. Soon you’ll see a sight that even one who loathed him would pity.
Chorusὦ δεινὸν ἰδεῖν πάθος ἀνθρώποις,
ὦ δεινότατον πάντων ὅσʼ ἐγὼ
προσέκυρσʼ ἤδη. τίς σʼ, ὦ τλῆμον,
προσέβη μανία; τίς ὁ πηδήσας
μείζονα δαίμων τῶν μακίστων
πρὸς σῇ δυσδαίμονι μοίρᾳ;
φεῦ φεῦ, δύστανʼ·
ἀλλʼ οὐδʼ ἐσιδεῖν δύναμαί σε, θέλων
πόλλʼ ἀνερέσθαι, πολλὰ πυθέσθαι,
πολλὰ δʼ ἀθρῆσαι·
τοίαν φρίκην παρέχεις μοι.
ChorusWhat terrible suffering for men to see,
the most terrible of all
I have ever come upon!
What madness, poor man,
came over you? What power
leapt, with a leap beyond the longest,
upon your ill-fated life?
Ah, ah, unhappy man!
I cannot even look at you,
though I long
to ask so much, to learn so much,
to see so much:
such a shudder you send through me.
Oedipusαἰαῖ αἰαῖ, δύστανος ἐγώ,
ποῖ γᾶς φέρομαι τλάμων; πᾷ μοι
φθογγὰ διαπωτᾶται φοράδην;
ἰὼ δαῖμον, ἵνʼ ἐξήλλου.
OedipusAh, ah! Ah, ah! How wretched I am!
Where on earth am I carried, in my misery?
Where does my voice
go flying, borne away?
Oh, my fate, how far you have leapt!
Chorusἐς δεινὸν οὐδʼ ἀκουστὸν οὐδʼ ἐπόψιμον.
ChorusInto something terrible, not to be heard of, not to be looked on.
Oedipusἰὼ σκότου
νέφος ἐμὸν ἀπότροπον, ἐπιπλόμενον ἄφατον,
ἀδάματόν τε καὶ δυσούριστον ὄν.
οἴμοι,
οἴμοι μάλʼ αὖθις· οἷον εἰσέδυ μʼ ἅμα
κέντρων τε τῶνδʼ οἴστρημα καὶ μνήμη κακῶν.
OedipusAh, cloud of darkness,
mine, abhorrent,
sweeping over me, unspeakable,
unconquerable, driven by a wind I can’t escape!
Oh, no,
oh, no, again! How they pierce me together,
the stab of these goads
and the memory of evil!
Chorusκαὶ θαῦμά γʼ οὐδὲν ἐν τοσοῖσδε πήμασιν
διπλᾶ σε πενθεῖν καὶ διπλᾶ φορεῖν κακά.
ChorusAnd it’s no wonder, amid so many sufferings, that you mourn twice over and bear evils twice over.
Oedipusἰὼ φίλος,
σὺ μὲν ἐμὸς ἐπίπολος ἔτι μόνιμος· ἔτι γὰρ
ὑπομένεις με τὸν τυφλὸν κηδεύων.
φεῦ φεῦ.
οὐ γάρ με λήθεις, ἀλλὰ γιγνώσκω σαφῶς,
καίπερ σκοτεινός, τήν γε σὴν αὐδὴν ὅμως.
OedipusAh, my friend,
you are still my steadfast attendant;
you still stay by me, caring for the blind man.
Ah, ah.
You can’t hide from me: dark as I am,
I know your voice all the same, and clearly.
Chorusὦ δεινὰ δράσας, πῶς ἔτλης τοιαῦτα σὰς
ὄψεις μαρᾶναι; τίς σʼ ἐπῆρε δαιμόνων;
ChorusYou’ve done terrible things! How could you bring yourself to put out your eyes like this? What god drove you to it?
OedipusἈπόλλων τάδʼ ἦν, Ἀπόλλων, φίλοι,
ὁ κακὰ κακὰ τελῶν ἐμὰ τάδʼ ἐμὰ πάθεα.
ἔπαισε δʼ αὐτόχειρ νιν οὔτις, ἀλλʼ ἐγὼ τλάμων.
τί γὰρ ἔδει μʼ ὁρᾶν,
ὅτῳ γʼ ὁρῶντι μηδὲν ἦν ἰδεῖν γλυκύ;
OedipusIt was Apollo, my friends, Apollo,
who brought to pass these evils, these evils of mine,
these sufferings of mine.
But the hand that struck them was no one’s but mine, wretch that I am.
Why should I see,
when there was nothing sweet for me to see?
Oedipusτί δῆτʼ ἐμοὶ βλεπτὸν ἢ
στερκτὸν ἢ προσήγορον
ἔτʼ ἔστʼ ἀκούειν ἡδονᾷ φίλοι;
ἀπάγετʼ ἐκτόπιον ὅ τι τάχιστά με,
ἀπάγετʼ, ὦ φίλοι, τὸν μέγʼ ὀλέθριον
τὸν καταρατότατον, ἔτι δὲ καὶ θεοῖς
ἐχθρότατον βροτῶν.
OedipusWhat, then, is left for me to see,
or love, or speak to,
or hear with any pleasure, my friends?
Lead me away from this place as fast as you can,
lead me away, my friends, the utterly ruined,
the most accursed,
the mortal most hated by the gods.
Chorusδείλαιε τοῦ νοῦ τῆς τε συμφορᾶς ἴσον,
ὡς σʼ ἠθέλησα μηδέ γʼ ἂν γνῶναί ποτε.
ChorusPoor man, as pitiful for knowing it as for what has befallen you, how I wish I had never even known you.
Oedipusὄλοιθʼ ὅστις ἦν, ὃς ἀγρίας πέδας
μονάδʼ ἐπιποδίας ἔλυσʼ μʼ ἀπό τε φόνου
ἔρυτο κἀνέσωσεν, οὐδὲν εἰς χάριν πράσσων.
τότε γὰρ ἂν θανὼν
οὐκ ἦ φίλοισιν οὐδʼ ἐμοὶ τοσόνδʼ ἄχος.
OedipusDeath take whoever he was
who freed me from the cruel shackle on my feet,
left there alone, and snatched me from death and saved me—
no kindness that he did me.
For if I had died then,
I would not be such grief to those I love, or to myself.
Oedipusοὔκουν πατρός γʼ ἂν φονεὺς
ἦλθον οὐδὲ νυμφίος
βροτοῖς ἐκλήθην ὧν ἔφυν ἄπο.
νῦν δʼ ἄθεος μέν εἰμʼ, ἀνοσίων δὲ παῖς,
ὁμολεχὴς δʼ ἀφʼ ὧν αὐτὸς ἔφυν τάλας.
εἰ δέ τι πρεσβύτερον ἔτι κακοῦ κακόν,
τοῦτʼ ἔλαχʼ Οἰδίπους.
OedipusThen I would not have come to be my father’s killer,
nor been called by mortals
the bridegroom of the one who bore me.
Now I am godforsaken, the son of unholy parents,
sharing a bed, wretch that I am, with the one I was born from.
And if there is an evil greater still than evil,
that is the portion of Oedipus.
Chorusοὐκ οἶδʼ ὅπως σε φῶ βεβουλεῦσθαι καλῶς·
κρείσσων γὰρ ἦσθα μηκέτʼ ὢν ἢ ζῶν τυφλός.
ChorusI don’t know how I can say you’ve chosen well. You would be better off dead than living blind.
Oedipusὡς μὲν τάδʼ οὐχ ὧδʼ ἔστʼ ἄριστʼ εἰργασμένα,
μή μʼ ἐκδίδασκε, μηδὲ συμβούλευʼ ἔτι.
ἐγὼ γὰρ οὐκ οἶδʼ ὄμμασιν ποίοις βλέπων
πατέρα ποτʼ ἂν προσεῖδον εἰς Ἅιδου μολὼν
οὐδʼ αὖ τάλαιναν μητέρʼ, οἷν ἐμοὶ δυοῖν
ἔργʼ ἐστὶ κρείσσονʼ ἀγχόνης εἰργασμένα.
ἀλλʼ ἡ τέκνων δῆτʼ ὄψις ἦν ἐφίμερος,
βλαστοῦσʼ ὅπως ἔβλαστε, προσλεύσσειν ἐμοί;
οὐ δῆτα τοῖς γʼ ἐμοῖσιν ὀφθαλμοῖς ποτε·
OedipusDon’t tell me that what I’ve done was not done for the best, and don’t give me anymore advice. I don’t know with what eyes I could have looked at my father when I went down to Hades, or at my poor mother either—the two of them, against whom I’ve done things too great for hanging to pay for. Or was the sight of my children something I could long to look at, sprung as they were sprung? Never, not with these eyes of mine.
οὐδʼ ἄστυ γʼ οὐδὲ πύργος οὐδὲ δαιμόνων
ἀγάλμαθʼ ἱερά, τῶν ὁ παντλήμων ἐγὼ
κάλλιστʼ ἀνὴρ εἷς ἔν γε ταῖς Θήβαις τραφεὶς
ἀπεστέρησʼ ἐμαυτόν, αὐτὸς ἐννέπων
ὠθεῖν ἅπαντας τὸν ἀσεβῆ, τὸν ἐκ θεῶν
φανέντʼ ἄναγνον καὶ γένους τοῦ Λαΐου.
τοιάνδʼ ἐγὼ κηλῖδα μηνύσας ἐμὴν
ὀρθοῖς ἔμελλον ὄμμασιν τούτους ὁρᾶν;
ἥκιστά γʼ· ἀλλʼ εἰ τῆς ἀκουούσης ἔτʼ ἦν
πηγῆς διʼ ὤτων φραγμός, οὐκ ἂν ἐσχόμην
τὸ μὴ ἀποκλῇσαι τοὐμὸν ἄθλιον δέμας,
ἵνʼ ἦ τυφλός τε καὶ κλύων μηδέν· τὸ γὰρ
τὴν φροντίδʼ ἔξω τῶν κακῶν οἰκεῖν γλυκύ.
Nor the city, nor its walls, nor the sacred images of the gods. I, the most wretched of men, who was raised in Thebes in finer state than any other man, robbed myself of them when I myself proclaimed that everyone should drive out the impious one, the one the gods have shown to be unclean, and of the line of Laius. Having exposed such a stain as mine, was I going to look these people straight in the eye? Hardly! No: if there were any way to dam the spring of hearing in my ears, I would not have held back from shutting up my wretched body, so I’d be blind and hear nothing. It’s sweet for the mind to live outside its sorrows.
ἰὼ Κιθαιρών, τί μʼ ἐδέχου; τί μʼ οὐ λαβὼν
ἔκτεινας εὐθύς, ὡς ἔδειξα μήποτε
ἐμαυτὸν ἀνθρώποισιν ἔνθεν ἦ γεγώς;
ὦ Πόλυβε καὶ Κόρινθε καὶ τὰ πάτρια
λόγῳ παλαιὰ δώμαθʼ, οἷον ἆρά με
κάλλος κακῶν ὕπουλον ἐξεθρέψατε·
νῦν γὰρ κακός τʼ ὢν κἀκ κακῶν εὑρίσκομαι.
Ah, Cithaeron, why did you take me in? Why didn’t you take me and kill me at once, so that I would never have shown mankind where I came from? Polybus, and Corinth, and the house I called my ancestral home, what a beauty you raised in me, festering underneath with evils! For now I am found to be evil, and born of evil.
ὦ τρεῖς κέλευθοι καὶ κεκρυμμένη νάπη
δρυμός τε καὶ στενωπὸς ἐν τριπλαῖς ὁδοῖς,
αἳ τοὐμὸν αἷμα τῶν ἐμῶν χειρῶν ἄπο
ἐπίετε πατρός, ἆρά μου μέμνησθʼ ἔτι
οἷʼ ἔργα δράσας ὑμὶν εἶτα δεῦρʼ ἰὼν
ὁποῖʼ ἔπρασσον αὖθις; ᾧ γάμοι γάμοι,
ἐφύσαθʼ ἡμᾶς, καὶ φυτεύσαντες πάλιν
ἀνεῖτε ταὐτοῦ σπέρμα, κἀπεδείξατε
πατέρας, ἀδελφούς, παῖδας, αἷμʼ ἐμφύλιον,
νύμφας, γυναῖκας μητέρας τε, χὠπόσα
αἴσχιστʼ ἐν ἀνθρώποισιν ἔργα γίγνεται.
You three roads, you hidden glen, you thicket and narrow pass where three ways meet, you who drank my own blood, my father’s, spilled by my hands: do you still remember me, the things I did in your sight, and then what I did again when I came here? Marriage, marriage, you gave me birth, and having planted me you raised up the same seed again, and brought to light fathers, brothers, sons, blood of one kin, brides, wives, and mothers, and all the most shameful acts there are among mankind.
ἀλλʼ οὐ γὰρ αὐδᾶν ἔσθʼ ἃ μηδὲ δρᾶν καλόν,
ὅπως τάχιστα πρὸς θεῶν ἔξω μέ που
καλύψατʼ ἢ φονεύσατʼ ἢ θαλάσσιον
ἐκρίψατʼ, ἔνθα μήποτʼ εἰσόψεσθʼ ἔτι.
ἴτʼ, ἀξιώσατʼ ἀνδρὸς ἀθλίου θιγεῖν.
πίθεσθε, μὴ δείσητε· τἀμὰ γὰρ κακὰ
οὐδεὶς οἷός τε πλὴν ἐμοῦ φέρειν βροτῶν.
But since one shouldn’t speak of what it’s shameful even to do: quickly, for the gods’ sake, hide me somewhere outside the land, or kill me, or throw me into the sea, where you’ll never see me again. Come, bring yourselves to touch a wretched man. Do as I say, don’t be afraid. My evils no mortal can carry but me.
Chorusἀλλʼ ὧν ἐπαιτεῖς εἰς δέον πάρεσθʼ ὅδε
Κρέων τὸ πράσσειν καὶ τὸ βουλεύειν, ἐπεὶ
χώρας λέλειπται μοῦνος ἀντὶ σοῦ φύλαξ.
ChorusBut here is Creon, just in time to do what you ask or to decide on it, since he alone is left to guard the land in your place.
Oedipusοἴμοι, τί δῆτα λέξομεν πρὸς τόνδʼ ἔπος;
τίς μοι φανεῖται πίστις ἔνδικος; τὰ γὰρ
πάρος πρὸς αὐτὸν πάντʼ ἐφεύρημαι κακός.
OedipusOh, no. What can I say to him? What claim to his trust can I rightly show? In everything before, I’ve been found to have wronged him.
Creonοὐχ ὡς γελαστής, Οἰδίπους, ἐλήλυθα,
οὐδʼ ὡς ὀνειδιῶν τι τῶν πάρος κακῶν.
ἀλλʼ εἰ τὰ θνητῶν μὴ καταισχύνεσθʼ ἔτι
γένεθλα, τὴν γοῦν πάντα βόσκουσαν φλόγα
αἰδεῖσθʼ ἄνακτος Ἡλίου, τοιόνδʼ ἄγος
ἀκάλυπτον οὕτω δεικνύναι, τὸ μήτε γῆ
μήτʼ ὄμβρος ἱερὸς μήτε φῶς προσδέξεται.
ἀλλʼ ὡς τάχιστʼ ἐς οἶκον ἐσκομίζετε·
τοῖς ἐν γένει γὰρ τἀγγενῆ μάλισθʼ ὁρᾶν
μόνοις τʼ ἀκούειν εὐσεβῶς ἔχει κακά.
CreonI haven’t come to mock you, Oedipus, or to reproach you for any of the wrongs of the past. But you there: if you no longer feel shame before the race of mortals, at least have reverence for the all-nourishing flame of our lord the Sun, and don’t display so openly a pollution like this, which neither earth nor holy rain nor light will welcome. Take him into the house as quickly as you can. It is most reverent for kin alone to see and hear the sufferings of kin.
Oedipusπρὸς θεῶν, ἐπείπερ ἐλπίδος μʼ ἀπέσπασας,
ἄριστος ἐλθὼν πρὸς κάκιστον ἄνδρʼ ἐμέ,
πιθοῦ τί μοι· πρὸς σοῦ γὰρ οὐδʼ ἐμοῦ φράσω.
OedipusFor the gods’ sake, since you’ve overturned what I expected, coming as the best of men to me, the worst, do one thing for me. I’ll ask it for your good, not mine.
Creonκαὶ τοῦ με χρείας ὧδε λιπαρεῖς τυχεῖν;
CreonAnd what is it you beg so hard to get from me?
Oedipusῥῖψόν με γῆς ἐκ τῆσδʼ ὅσον τάχισθʼ, ὅπου
θνητῶν φανοῦμαι μηδενὸς προσήγορος.
OedipusCast me out of this land as fast as you can, to some place where no mortal will speak to me.
Creonἔδρασʼ ἂν εὖ τοῦτʼ ἴσθʼ ἄν, εἰ μὴ τοῦ θεοῦ
πρώτιστʼ ἔχρῃζον ἐκμαθεῖν τί πρακτέαν.
CreonI would have done that, you can be sure, if I hadn’t wanted first of all to find out from the god what must be done.
Oedipusἀλλʼ ἥ γʼ ἐκείνου πᾶσʼ ἐδηλώθη φάτις,
τὸν πατροφόντην, τὸν ἀσεβῆ μʼ ἀπολλύναι.
OedipusBut his word was made perfectly plain: destroy the father-killer, the impious one. Me.
Creonοὕτως ἐλέχθη ταῦθʼ· ὅμως δʼ ἵνʼ ἕσταμεν
χρείας, ἄμεινον ἐκμαθεῖν τι δραστέον.
CreonThat is what was said. Still, with things where they stand now, it’s better to find out what must be done.
Oedipusοὕτως ἄρʼ ἀνδρὸς ἀθλίου πεύσεσθʼ ὕπερ;
OedipusSo you’ll ask about a wretched man like me?
Creonκαὶ γὰρ σὺ νῦν τἂν τῷ θεῷ πίστιν φέροις.
CreonYes. Now even you would put your trust in the god.
Oedipusκαὶ σοί γʼ ἐπισκήπτω τε καὶ προστέψομαι,
τῆς μὲν κατʼ οἴκους αὐτὸς ὃν θέλεις τάφον
θοῦ· καὶ γὰρ ὀρθῶς τῶν γε σῶν τελεῖς ὕπερ·
ἐμοῦ δὲ μήποτʼ ἀξιωθήτω τόδε
πατρῷον ἄστυ ζῶντος οἰκητοῦ τυχεῖν,
ἀλλʼ ἔα με ναίειν ὄρεσιν, ἔνθα κλῄζεται
οὑμὸς Κιθαιρὼν οὗτος, ὃν μήτηρ τέ μοι
πατήρ τʼ ἐθέσθην ζῶντε κύριον τάφον,
ἵνʼ ἐξ ἐκείνων, οἵ μʼ ἀπωλλύτην, θάνω.
OedipusThen I lay this charge on you, and I’ll beg it of you. For her who lies in the house, give her whatever burial you wish yourself; it’s right for you to perform the rites for your own. But as for me, never let this city of my fathers be condemned to have me living in it. Let me live in the mountains, where my Cithaeron is, as they call it, the one my mother and father, while they lived, appointed as my proper grave, so that I may die by their will, since they tried to kill me.
καίτοι τοσοῦτόν γʼ οἶδα, μήτε μʼ ἂν νόσον
μήτʼ ἄλλο πέρσαι μηδέν· οὐ γὰρ ἄν ποτε
θνῄσκων ἐσώθην, μὴ ʼπί τῳ δεινῷ κακῷ.
ἀλλʼ ἡ μὲν ἡμῶν μοῖρʼ, ὅποιπερ εἶσʼ, ἴτω·
παίδων δὲ τῶν μὲν ἀρσένων μή μοι, Κρέων,
προσθῇ μέριμναν· ἄνδρες εἰσίν, ὥστε μὴ
σπάνιν ποτὲ σχεῖν, ἔνθʼ ἂν ὦσι, τοῦ βίου·
And yet I know this much: neither sickness nor anything else will destroy me. I would never have been saved when I was dying, unless it were for some terrible evil. But let my fate go wherever it’s going. As for my children, Creon, don’t trouble yourself about my sons. They are men; wherever they are, they’ll never lack a living.
ταῖν δʼ ἀθλίαιν οἰκτραῖν τε παρθένοιν ἐμαῖν,
αἷν οὔποθʼ ἡμὴ χωρὶς ἐστάθη βορᾶς
τράπεζʼ ἄνευ τοῦδʼ ἀνδρός, ἀλλʼ ὅσων ἐγὼ
ψαύοιμι, πάντων τῶνδʼ ἀεὶ μετειχέτην·
αἷν μοι μέλεσθαι· καὶ μάλιστα μὲν χεροῖν
ψαῦσαί μʼ ἔασον κἀποκλαύσασθαι κακά.
ἴθʼ ὦναξ,
ἴθʼ ὦ γονῇ γενναῖε· χερσί τἂν θιγὼν
δοκοῖμʼ ἔχειν σφᾶς, ὥσπερ ἡνίκʼ ἔβλεπον.
But my two poor, pitiful girls, who never had a table set for their meals apart from me, but always shared everything I touched: take care of them for me. And above all, let me touch them with my hands and weep over our sorrows. Please, my lord, please, you who are noble born! If I could touch them with my hands, I’d feel I had them, as I did when I could see.
τί φημί;
οὐ δὴ κλύω που πρὸς θεῶν τοῖν μοι φίλοιν
δακρυρροούντοιν, καί μʼ ἐποικτίρας Κρέων
ἔπεμψέ μοι τὰ φίλτατʼ ἐκγόνοιν ἐμοῖν;
λέγω τι;
What’s that? For the gods’ sake, don’t I hear my two dear ones crying? Has Creon taken pity on me and sent me my children, my dearest? Am I right?
Creonλέγεις· ἐγὼ γὰρ εἰμʼ ὁ πορσύνας τάδε,
γνοὺς τὴν παροῦσαν τέρψιν, ἥ σʼ εἶχεν πάλαι.
CreonYou are. I’m the one who arranged it. I knew the joy you’d take in them now, the joy you’ve felt so long.
Oedipusἀλλʼ εὐτυχοίης, καί σε τῆσδε τῆς ὁδοῦ
δαίμων ἄμεινον ἢ ʼμὲ φρουρήσας τύχοι.
ὦ τέκνα, ποῦ ποτʼ ἐστέ; δεῦρʼ ἴτʼ, ἔλθετε
ὡς τὰς ἀδελφὰς τάσδε τὰς ἐμὰς χέρας,
αἳ τοῦ φυτουργοῦ πατρὸς ὑμὶν ὧδʼ ὁρᾶν
τὰ πρόσθε λαμπρὰ προυξένησαν ὄμματα·
ὃς ὑμίν, ὦ τέκνʼ, οὔθʼ ὁρῶν οὔθʼ ἱστορῶν
πατὴρ ἐφάνθην ἔνθεν αὐτὸς ἠρόθην.
καὶ σφὼ δακρύω· προσβλέπειν γὰρ οὐ σθένω·
OedipusThen may you prosper, and for this journey may some power watch over you better than it did over me! Children, where are you? Come here, come to these hands of mine, your brother’s hands, which have brought your father’s once-bright eyes to see like this: your father, children, who, seeing nothing, knowing nothing, became your father in the field where he himself was sown. I weep for you both, since I can’t look at you,
νοούμενος τὰ λοιπὰ τοῦ πικροῦ βίου,
οἷον βιῶναι σφὼ πρὸς ἀνθρώπων χρεών.
ποίας γὰρ ἀστῶν ἥξετʼ εἰς ὁμιλίας,
ποίας δʼ ἑορτάς, ἔνθεν οὐ κεκλαυμέναι
πρὸς οἶκον ἵξεσθʼ ἀντὶ τῆς θεωρίας;
ἀλλʼ ἡνίκʼ ἂν δὴ πρὸς γάμων ἥκητʼ ἀκμάς,
τίς οὗτος ἔσται, τίς παραρρίψει, τέκνα,
τοιαῦτʼ ὀνείδη λαμβάνων, ἃ ταῖς ἐμαῖς
γοναῖσιν ἔσται σφῷν θʼ ὁμοῦ δηλήματα;
τί γὰρ κακῶν ἄπεστι; τὸν πατέρα πατὴρ
ὑμῶν ἔπεφνε· τὴν τεκοῦσαν ἤροσεν,
ὅθεν περ αὐτὸς ἐσπάρη, κἀκ τῶν ἴσων
ἐκτήσαθʼ ὑμᾶς, ὧνπερ αὐτὸς ἐξέφυ.
when I think of the bitter life that’s left for you, the life the world will force you to live. What gatherings of the citizens will you go to, what festivals, without coming home in tears instead of enjoying the spectacle? And when you reach the ripe age for marriage, who will he be, children, who will take the risk of accepting such reproaches, which will be a curse on my line and on you two alike? What evil is missing? Your father killed his father. He plowed the woman who bore him, where he himself was sown, and he got you from the same source from which he himself came.
τοιαῦτʼ ὀνειδιεῖσθε· κᾆτα τίς γαμεῖ;
οὐκ ἔστιν οὐδείς, ὦ τέκνʼ, ἀλλὰ δηλαδὴ
χέρσους φθαρῆναι κἀγάμους ὑμᾶς χρεών.
ὦ παῖ Μενοικέως, ἀλλʼ ἐπεὶ μόνος πατὴρ
ταύταιν λέλειψαι, νὼ γάρ, ὣ ʼφυτεύσαμεν,
ὀλώλαμεν δύʼ ὄντε, μή σφε περιίδῃς
πτωχὰς ἀνάνδρους ἐκγενεῖς ἀλωμένας,
μηδʼ ἐξισώσῃς τάσδε τοῖς ἐμοῖς κακοῖς.
ἀλλʼ οἴκτισόν σφας, ὧδε τηλικάσδʼ ὁρῶν
πάντων ἐρήμους, πλὴν ὅσον τὸ σὸν μέρος.
That’s how you’ll be taunted. And then who will marry you? There’s no one, children. No, it’s plain that you must wither away barren and unmarried. Son of Menoeceus, since you’re the only father left to these two—for we who gave them life are both destroyed—don’t stand by and watch them wander as beggars without husbands, your own kin, and don’t bring them down to the level of my evils. Pity them, seeing them so young, stripped of everything except what you can be to them.
ξύννευσον, ὦ γενναῖε, σῇ ψαύσας χερί.
σφῷν δʼ, ὦ τέκνʼ, εἰ μὲν εἰχέτην ἤδη φρένας,
πόλλʼ ἂν παρῄνουν· νῦν δὲ τοῦτʼ εὔχεσθέ μοι,
οὗ καιρὸς ἐᾷ ζῆν, τοῦ βίου δὲ λῴονος
ὑμᾶς κυρῆσαι τοῦ φυτεύσαντος πατρός.
Promise me, noble man, with the touch of your hand. And to you two, children, if you were old enough to understand, I’d give much advice. As it is, make this your prayer for me: that you may live wherever the moment allows, and find a better life than the father who gave you life.
Creonἅλις ἵνʼ ἐξήκεις δακρύων· ἀλλʼ ἴθι στέγης ἔσω.
CreonYou’ve gone far enough with your weeping. Now go inside the house.
Creonπάντα γὰρ καιρῷ καλά.
CreonEverything is good in its proper time.
Creonλέξεις, καὶ τότʼ εἴσομαι κλύων.
CreonYou’ll tell me, and then I’ll know, once I’ve heard.
Oedipusγῆς μʼ ὅπως πέμψεις ἄποικον.
OedipusThat you’ll send me away from this land to live in exile.
Creonτοῦ θεοῦ μʼ αἰτεῖς δόσιν.
CreonYou’re asking me for what only the god can give.
Creonτοιγαροῦν τεύξει τάχα.
CreonThen you’ll get your wish soon enough.
Creonἃ μὴ φρονῶ γὰρ οὐ φιλῶ λέγειν μάτην.
CreonI don’t like to say what I don’t mean, just for the sake of it.
Creonστεῖχέ νυν, τέκνων δʼ ἀφοῦ.
CreonCome along, then, but let go of the children.
Creonπάντα μὴ βούλου κρατεῖν·
καὶ γὰρ ἁκράτησας οὔ σοι τῷ βίῳ ξυνέσπετο.
CreonDon’t try to be master in everything. Even the mastery you had did not stay with you through your life.
Chorusὦ πάτρας Θήβης ἔνοικοι, λεύσσετʼ, Οἰδίπους ὅδε,
ὃς τὰ κλείνʼ αἰνίγματʼ ᾔδει καὶ κράτιστος ἦν ἀνήρ,
οὗ τίς οὐ ζήλῳ πολιτῶν ἦν τύχαις ἐπιβλέπων,
εἰς ὅσον κλύδωνα δεινῆς συμφορᾶς ἐλήλυθεν.
ὥστε θνητὸν ὄντα κείνην τὴν τελευταίαν ἰδεῖν
ἡμέραν ἐπισκοποῦντα μηδένʼ ὀλβίζειν, πρὶν ἂν
τέρμα τοῦ βίου περάσῃ μηδὲν ἀλγεινὸν παθών.
ChorusPeople of Thebes, our native land, look: this is Oedipus, who knew the answer to the famous riddle and was the most powerful of men, whose fortunes every citizen looked on with envy. See into what a sea of terrible disaster he has come! So, being mortal, one should keep watch for that final day and call no one happy until he has crossed the boundary of life without suffering pain.