The Pairs
Yamakavagga · Verses 1–20 · Paired verses: the mind leads, and what follows depends on whether it is corrupt or pure.
Manopubbaṅgamā dhammā,
manoseṭṭhā manomayā;
Manasā ce paduṭṭhena,
bhāsati vā karoti vā;
Tato naṁ dukkhamanveti,
cakkaṁva vahato padaṁ.
Experiences are preceded by mind,
led by mind, made by mind.
If with a corrupted mind
one speaks or acts,
suffering follows
as the wheel follows the hoof of the ox that draws it.
Manopubbaṅgamā dhammā,
manoseṭṭhā manomayā;
Manasā ce pasannena,
bhāsati vā karoti vā;
Tato naṁ sukhamanveti,
chāyāva anapāyinī.
Experiences are preceded by mind,
led by mind, made by mind.
If with a clear and trusting mind
one speaks or acts,
happiness follows
like a shadow that never leaves.
Akkocchi maṁ avadhi maṁ,
ajini maṁ ahāsi me;
Ye ca taṁ upanayhanti,
veraṁ tesaṁ na sammati.
“He abused me, he struck me,
he beat me, he robbed me”:
in those who bind themselves to such thoughts
hatred is not appeased.
Akkocchi maṁ avadhi maṁ,
ajini maṁ ahāsi me;
Ye ca taṁ nupanayhanti,
veraṁ tesūpasammati.
“He abused me, he struck me,
he beat me, he robbed me”:
in those who do not bind themselves to such thoughts
hatred is appeased.
Na hi verena verāni,
sammantīdha kudācanaṁ;
Averena ca sammanti,
esa dhammo sanantano.
Hatred is never appeased
by hatred in this world;
by non-hatred it is appeased:
this is an eternal law.
Pare ca na vijānanti,
mayamettha yamāmase;
Ye ca tattha vijānanti,
tato sammanti medhagā.
Others do not understand
that here we must hold ourselves in check;
but those who do understand it
thereby bring their quarrels to rest.
Subhānupassiṁ viharantaṁ,
indriyesu asaṁvutaṁ;
Bhojanamhi cāmattaññuṁ,
kusītaṁ hīnavīriyaṁ;
Taṁ ve pasahati māro,
vāto rukkhaṁva dubbalaṁ.
One who lives fixed on the attractive,
senses unguarded,
immoderate in eating,
lazy, weak in effort:
Māra overpowers him
as the wind a weak tree.
Asubhānupassiṁ viharantaṁ,
Indriyesu susaṁvutaṁ;
Bhojanamhi ca mattaññuṁ,
Saddhaṁ āraddhavīriyaṁ;
Taṁ ve nappasahati māro,
Vāto selaṁva pabbataṁ.
One who lives contemplating the unattractive,
senses well guarded,
moderate in eating,
full of faith and effort:
Māra does not overpower him,
as the wind cannot a mountain of rock.
Anikkasāvo kāsāvaṁ,
yo vatthaṁ paridahissati;
Apeto damasaccena,
na so kāsāvamarahati.
One not free of stains
who puts on the ochre robe,
lacking self-control and truth,
is not worthy of that robe.
Yo ca vantakasāvassa,
sīlesu susamāhito;
Upeto damasaccena,
sa ve kāsāvamarahati.
But one who has cast out the stains,
well settled in virtue,
possessed of self-control and truth,
is truly worthy of that robe.
Asāre sāramatino,
sāre cāsāradassino;
Te sāraṁ nādhigacchanti,
micchāsaṅkappagocarā.
Taking the worthless for the essential,
and seeing the essential as worthless,
they do not reach the essential,
feeding in the pastures of wrong intention.
Sārañca sārato ñatvā,
asārañca asārato;
Te sāraṁ adhigacchanti,
sammāsaṅkappagocarā.
Knowing the essential as essential,
and the worthless as worthless,
they reach the essential,
feeding in the pastures of right intention.
Yathā agāraṁ ducchannaṁ,
vuṭṭhī samativijjhati;
Evaṁ abhāvitaṁ cittaṁ,
rāgo samativijjhati.
As into a badly thatched house
the rain seeps through,
so into an undeveloped mind
passion seeps through.
Yathā agāraṁ suchannaṁ,
vuṭṭhī na samativijjhati;
Evaṁ subhāvitaṁ cittaṁ,
rāgo na samativijjhati.
As into a well-thatched house
the rain does not seep through,
so into a well-developed mind
passion does not seep through.
Idha socati pecca socati,
Pāpakārī ubhayattha socati;
So socati so vihaññati,
Disvā kammakiliṭṭhamattano.
Here he grieves, hereafter he grieves;
the evildoer grieves in both worlds.
He grieves, he is afflicted,
seeing the defilement of his own deeds.
Idha modati pecca modati,
Katapuñño ubhayattha modati;
So modati so pamodati,
Disvā kammavisuddhimattano.
Here he rejoices, hereafter he rejoices;
one who has done good rejoices in both worlds.
He rejoices, he delights,
seeing the purity of his own deeds.
Idha tappati pecca tappati,
Pāpakārī ubhayattha tappati;
“Pāpaṁ me katan”ti tappati,
Bhiyyo tappati duggatiṁ gato.
Here he is tormented, hereafter he is tormented;
the evildoer is tormented in both worlds.
“I have done evil”: he is tormented;
gone to a bad destination, he is tormented all the more.
Idha nandati pecca nandati,
Katapuñño ubhayattha nandati;
“Puññaṁ me katan”ti nandati,
Bhiyyo nandati suggatiṁ gato.
Here he is glad, hereafter he is glad;
one who has done good is glad in both worlds.
“I have done good”: he is glad;
gone to a good destination, he is gladder still.
Bahumpi ce saṁhita bhāsamāno,
Na takkaro hoti naro pamatto;
Gopova gāvo gaṇayaṁ paresaṁ,
Na bhāgavā sāmaññassa hoti.
Though he recites much scripture,
if the heedless man does not act on it,
like a cowherd counting other people’s cows
he has no share in the ascetic life.
Appampi ce saṁhita bhāsamāno,
Dhammassa hoti anudhammacārī;
Rāgañca dosañca pahāya mohaṁ,
Sammappajāno suvimuttacitto;
Anupādiyāno idha vā huraṁ vā,
Sa bhāgavā sāmaññassa hoti.
Though he recites little scripture,
if he lives the dhamma in line with the dhamma,
giving up passion, hatred and delusion,
rightly understanding, his mind well freed,
clinging to nothing here or hereafter,
he has a share in the ascetic life.
Heedfulness
Appamādavagga · Verses 21–32 · Heedfulness is the path to the deathless; heedlessness the path to death.
Appamādo amatapadaṁ,
pamādo maccuno padaṁ;
Appamattā na mīyanti,
ye pamattā yathā matā.
Heedfulness is the path to the deathless;
heedlessness, the path to death.
The heedful do not die;
the heedless are as if dead already.
Evaṁ visesato ñatvā,
appamādamhi paṇḍitā;
Appamāde pamodanti,
ariyānaṁ gocare ratā.
Knowing this distinctly,
the wise, established in heedfulness,
rejoice in heedfulness,
delighting in the range of the noble ones.
Te jhāyino sātatikā,
niccaṁ daḷhaparakkamā;
Phusanti dhīrā nibbānaṁ,
yogakkhemaṁ anuttaraṁ.
Meditative, persevering,
always firm in effort,
the steadfast touch nibbāna,
the supreme safety from bondage.
Uṭṭhānavato satīmato,
Sucikammassa nisammakārino;
Saññatassa dhammajīvino,
Appamattassa yasobhivaḍḍhati.
For one who is energetic and mindful,
pure in deeds, acting with consideration,
restrained, living by the dhamma,
heedful, renown grows.
Uṭṭhānenappamādena,
saṁyamena damena ca;
Dīpaṁ kayirātha medhāvī,
yaṁ ogho nābhikīrati.
By effort and heedfulness,
by restraint and self-control,
let the wise make an island
that no flood can overwhelm.
Pamādamanuyuñjanti,
bālā dummedhino janā;
Appamādañca medhāvī,
dhanaṁ seṭṭhaṁva rakkhati.
Fools, people of poor understanding,
give themselves over to heedlessness;
but the wise guard heedfulness
as their greatest treasure.
Mā pamādamanuyuñjetha,
mā kāmaratisanthavaṁ;
Appamatto hi jhāyanto,
pappoti vipulaṁ sukhaṁ.
Do not give yourselves over to heedlessness,
nor to intimacy with sensual delight;
for the heedful one, meditating,
attains abundant happiness.
Pamādaṁ appamādena,
yadā nudati paṇḍito;
Paññāpāsādamāruyha,
asoko sokiniṁ pajaṁ;
Pabbataṭṭhova bhūmaṭṭhe,
dhīro bāle avekkhati.
When the wise one drives out heedlessness
by heedfulness,
having climbed the tower of wisdom,
free of sorrow, looking on the sorrowing people,
as one on a mountain looks down on those on the plain,
the steadfast looks down on fools.
Appamatto pamattesu,
suttesu bahujāgaro;
Abalassaṁva sīghasso,
hitvā yāti sumedhaso.
Heedful among the heedless,
wide awake among the sleeping,
like a swift horse passing a weak one,
the wise one leaves them behind and goes on.
Appamādena maghavā,
devānaṁ seṭṭhataṁ gato;
Appamādaṁ pasaṁsanti,
pamādo garahito sadā.
By heedfulness Maghavā
rose to the lordship of the gods.
Heedfulness is praised;
heedlessness is always blamed.
Appamādarato bhikkhu,
pamāde bhayadassi vā;
Saṁyojanaṁ aṇuṁ thūlaṁ,
ḍahaṁ aggīva gacchati.
The monk who delights in heedfulness,
who sees danger in heedlessness,
burning every fetter, subtle or gross,
goes forward like a fire.
Appamādarato bhikkhu,
pamāde bhayadassi vā;
Abhabbo parihānāya,
nibbānasseva santike.
The monk who delights in heedfulness,
who sees danger in heedlessness,
cannot fall away:
he is close to nibbāna.
The Mind
Cittavagga · Verses 33–43 · The restless, hard-to-guard mind, and the well-being that comes from taming it.
Phandanaṁ capalaṁ cittaṁ,
dūrakkhaṁ dunnivārayaṁ;
Ujuṁ karoti medhāvī,
usukārova tejanaṁ.
The mind, quivering and unsteady,
hard to guard, hard to hold back—
the wise one makes it straight,
as a fletcher straightens an arrow.
Vārijova thale khitto,
okamokataubbhato;
Pariphandatidaṁ cittaṁ,
māradheyyaṁ pahātave.
Like a fish thrown on dry land,
pulled out of its watery home,
this mind thrashes about
to escape the realm of Māra.
Dunniggahassa lahuno,
yatthakāmanipātino;
Cittassa damatho sādhu,
cittaṁ dantaṁ sukhāvahaṁ.
Hard to hold down, flighty,
alighting wherever it pleases:
good it is to tame the mind;
a tamed mind brings happiness.
Sududdasaṁ sunipuṇaṁ,
yatthakāmanipātinaṁ;
Cittaṁ rakkhetha medhāvī,
cittaṁ guttaṁ sukhāvahaṁ.
Very hard to see, very subtle,
alighting wherever it pleases:
the wise should guard the mind;
a guarded mind brings happiness.
Dūraṅgamaṁ ekacaraṁ,
asarīraṁ guhāsayaṁ;
Ye cittaṁ saṁyamissanti,
mokkhanti mārabandhanā.
Traveling far, wandering alone,
bodiless, lying hidden in a cave:
those who restrain the mind
will be freed from the bonds of Māra.
Anavaṭṭhitacittassa,
saddhammaṁ avijānato;
Pariplavapasādassa,
paññā na paripūrati.
For one whose mind is unsteady,
who does not know the true dhamma,
whose confidence wavers,
wisdom does not grow full.
Anavassutacittassa,
ananvāhatacetaso;
Puññapāpapahīnassa,
natthi jāgarato bhayaṁ.
For one whose mind is not soaked with lust,
whose heart is not struck by ill will,
who has gone beyond both merit and evil,
for such a wakeful one there is no fear.
Kumbhūpamaṁ kāyamimaṁ viditvā,
Nagarūpamaṁ cittamidaṁ ṭhapetvā;
Yodhetha māraṁ paññāvudhena,
Jitañca rakkhe anivesano siyā.
Knowing this body to be like a clay pot,
making this mind firm like a fortified city,
fight Māra with the weapon of wisdom;
guard what you have won, and do not settle down in it.
Aciraṁ vatayaṁ kāyo,
pathaviṁ adhisessati;
Chuddho apetaviññāṇo,
niratthaṁva kaliṅgaraṁ.
Before long, alas, this body
will lie upon the ground,
cast aside, without consciousness,
like a useless log.
Diso disaṁ yaṁ taṁ kayirā,
verī vā pana verinaṁ;
Micchāpaṇihitaṁ cittaṁ,
pāpiyo naṁ tato kare.
Whatever harm an enemy may do to an enemy,
or one who hates to one he hates,
a wrongly directed mind
can do one greater harm.
Na taṁ mātā pitā kayirā,
aññe vāpi ca ñātakā;
Sammāpaṇihitaṁ cittaṁ,
seyyaso naṁ tato kare.
Neither mother nor father can do as much,
nor any other relatives:
a rightly directed mind
can do one greater good.
Flowers
Pupphavagga · Verses 44–59 · Images of flowers for the teaching well spoken, virtue and the awakened.
Ko imaṁ pathaviṁ vicessati,
Yamalokañca imaṁ sadevakaṁ;
Ko dhammapadaṁ sudesitaṁ,
Kusalo pupphamiva pacessati.
Who will master this earth,
and this world of Yama with its gods?
Who will gather the well-taught words of the dhamma,
as a skilled one gathers flowers?
Sekho pathaviṁ vicessati,
Yamalokañca imaṁ sadevakaṁ;
Sekho dhammapadaṁ sudesitaṁ,
Kusalo pupphamiva pacessati.
One in training will master this earth,
and this world of Yama with its gods;
one in training will gather the well-taught words of the dhamma,
as a skilled one gathers flowers.
Pheṇūpamaṁ kāyamimaṁ viditvā,
Marīcidhammaṁ abhisambudhāno;
Chetvāna mārassa papupphakāni,
Adassanaṁ maccurājassa gacche.
Knowing this body to be like foam,
fully awakening to its mirage-like nature,
cutting off Māra’s flower-tipped arrows,
go where the King of Death will not see you.
Pupphāni heva pacinantaṁ,
byāsattamanasaṁ naraṁ;
Suttaṁ gāmaṁ mahoghova,
maccu ādāya gacchati.
The man who is only gathering flowers,
his mind attached—
as a great flood a sleeping village,
death sweeps him away.
Pupphāni heva pacinantaṁ,
byāsattamanasaṁ naraṁ;
Atittaññeva kāmesu,
antako kurute vasaṁ.
The man who is only gathering flowers,
his mind attached,
still unsatisfied in sensual pleasures—
the Ender brings him under his power.
Yathāpi bhamaro pupphaṁ,
vaṇṇagandhamaheṭhayaṁ;
Paleti rasamādāya,
evaṁ gāme munī care.
As a bee, without harming the flower,
its color or its scent,
flies off with the nectar,
so should the sage move through the village.
Na paresaṁ vilomāni,
na paresaṁ katākataṁ;
Attanova avekkheyya,
katāni akatāni ca.
Not the faults of others,
not what others have done or left undone,
but one’s own should one consider:
what one has done and left undone.
Yathāpi ruciraṁ pupphaṁ,
vaṇṇavantaṁ agandhakaṁ;
Evaṁ subhāsitā vācā,
aphalā hoti akubbato.
Like a lovely flower,
bright in color but without scent,
are well-spoken words:
they bear no fruit in one who does not act on them.
Yathāpi ruciraṁ pupphaṁ,
Vaṇṇavantaṁ sagandhakaṁ;
Evaṁ subhāsitā vācā,
Saphalā hoti kubbato.
Like a lovely flower,
bright in color and fragrant,
are well-spoken words:
they bear fruit in one who acts on them.
Yathāpi puppharāsimhā,
kayirā mālāguṇe bahū;
Evaṁ jātena maccena,
kattabbaṁ kusalaṁ bahuṁ.
As from a heap of flowers
one can make many garlands,
so one born mortal
should do many good deeds.
Na pupphagandho paṭivātameti,
Na candanaṁ tagaramallikā vā;
Satañca gandho paṭivātameti,
Sabbā disā sappuriso pavāyati.
The scent of flowers does not go against the wind,
nor that of sandalwood, tagara or jasmine;
but the fragrance of the good goes against the wind:
a good person pervades every direction.
Candanaṁ tagaraṁ vāpi,
uppalaṁ atha vassikī;
Etesaṁ gandhajātānaṁ,
sīlagandho anuttaro.
Sandalwood or tagara,
blue lotus or summer jasmine:
among all these fragrances
the fragrance of virtue is supreme.
Appamatto ayaṁ gandho,
yāyaṁ tagaracandanī;
Yo ca sīlavataṁ gandho,
vāti devesu uttamo.
Slight is this fragrance
of tagara and sandalwood;
but the fragrance of the virtuous
rises highest, even among the gods.
Tesaṁ sampannasīlānaṁ,
appamādavihārinaṁ;
Sammadaññāvimuttānaṁ,
māro maggaṁ na vindati.
Of those accomplished in virtue,
living in heedfulness,
freed by perfect understanding,
Māra cannot find the path.
Yathā saṅkāradhānasmiṁ,
ujjhitasmiṁ mahāpathe;
Padumaṁ tattha jāyetha,
sucigandhaṁ manoramaṁ.
As on a heap of rubbish
thrown down beside the highway
a lotus may grow,
sweet-smelling and lovely,
Evaṁ saṅkārabhūtesu,
andhabhūte puthujjane;
Atirocati paññāya,
sammāsambuddhasāvako.
so among those who are like rubbish,
among blind ordinary people,
there shines out in wisdom
the disciple of the Fully Awakened One.
The Fool
Bālavagga · Verses 60–75 · The long round of the fool, and the difference between gain and the path to release.
Dīghā jāgarato ratti,
dīghaṁ santassa yojanaṁ;
Dīgho bālāna saṁsāro,
saddhammaṁ avijānataṁ.
Long is the night for the wakeful,
long the league for the weary,
long the round of rebirth for fools
who do not know the true dhamma.
Carañce nādhigaccheyya,
Seyyaṁ sadisamattano;
Ekacariyaṁ daḷhaṁ kayirā,
Natthi bāle sahāyatā.
If, as you travel, you do not find
one better than or equal to yourself,
go firmly on alone:
there is no companionship with a fool.
Puttā matthi dhanaṁ matthi,
iti bālo vihaññati;
Attā hi attano natthi,
kuto puttā kuto dhanaṁ.
“I have sons, I have wealth”:
so the fool torments himself.
He does not even own himself:
how then sons, how then wealth?
Yo bālo maññati bālyaṁ,
paṇḍito vāpi tena so;
Bālo ca paṇḍitamānī,
sa ve “bālo”ti vuccati.
The fool who knows his foolishness
is to that extent wise;
but the fool who thinks himself wise
is rightly called a fool.
Yāvajīvampi ce bālo,
paṇḍitaṁ payirupāsati;
Na so dhammaṁ vijānāti,
dabbī sūparasaṁ yathā.
Though all his life a fool
attends on a wise person,
he does not come to know the dhamma,
as a spoon does not know the taste of the soup.
Muhuttamapi ce viññū,
paṇḍitaṁ payirupāsati;
Khippaṁ dhammaṁ vijānāti,
jivhā sūparasaṁ yathā.
Though only for a moment an intelligent person
attends on a wise one,
he quickly comes to know the dhamma,
as the tongue knows the taste of the soup.
Caranti bālā dummedhā,
amitteneva attanā;
Karontā pāpakaṁ kammaṁ,
yaṁ hoti kaṭukapphalaṁ.
Fools of little understanding
go about as their own enemies,
doing evil deeds
that bear bitter fruit.
Na taṁ kammaṁ kataṁ sādhu,
yaṁ katvā anutappati;
Yassa assumukho rodaṁ,
vipākaṁ paṭisevati.
That deed is not well done
which, once done, one regrets,
and whose result, weeping, with a tear-stained face,
one must undergo.
Tañca kammaṁ kataṁ sādhu,
yaṁ katvā nānutappati;
Yassa patīto sumano,
vipākaṁ paṭisevati.
That deed is well done
which, once done, one does not regret,
and whose result, glad and happy,
one enjoys.
Madhuṁvā maññati bālo,
yāva pāpaṁ na paccati;
Yadā ca paccati pāpaṁ,
atha dukkhaṁ nigacchati.
The fool thinks it honey
as long as the evil has not ripened;
but when the evil ripens,
then the fool comes to suffering.
Māse māse kusaggena,
bālo bhuñjeyya bhojanaṁ;
Na so saṅkhātadhammānaṁ,
kalaṁ agghati soḷasiṁ.
Month after month, from the tip of a blade of kusa grass,
a fool may eat his food;
yet of those who have fully understood the dhamma
he is not worth a sixteenth part.
Na hi pāpaṁ kataṁ kammaṁ,
Sajjukhīraṁva muccati;
Ḍahantaṁ bālamanveti,
Bhasmacchannova pāvako.
An evil deed, once done,
does not turn at once, as fresh milk curdles;
smoldering, it follows the fool
like fire covered with ash.
Yāvadeva anatthāya,
ñattaṁ bālassa jāyati;
Hanti bālassa sukkaṁsaṁ,
muddhamassa vipātayaṁ.
Only to his harm
does knowledge come to the fool;
it destroys the fool’s good fortune
and splits his head apart.
Asantaṁ bhāvanamiccheyya,
Purekkhārañca bhikkhusu;
Āvāsesu ca issariyaṁ,
Pūjaṁ parakulesu ca.
He may wish for undeserved esteem,
for precedence among the monks,
for authority over the monasteries,
and honor among other families.
Mameva kata maññantu,
gihī pabbajitā ubho;
Mamevātivasā assu,
kiccākiccesu kismici;
Iti bālassa saṅkappo,
icchā māno ca vaḍḍhati.
“Let both householders and monastics
think that this was done by me alone;
let them follow my will alone
in every matter, great or small”:
such is the fool’s thinking,
and his desire and pride increase.
Aññā hi lābhūpanisā,
aññā nibbānagāminī;
Evametaṁ abhiññāya,
bhikkhu buddhassa sāvako;
Sakkāraṁ nābhinandeyya,
vivekamanubrūhaye.
One way leads to gain,
another to nibbāna;
understanding this,
the monk, the disciple of the Buddha,
should not delight in honors
but should cultivate seclusion.
The Wise
Paṇḍitavagga · Verses 76–89 · The wise person who accepts correction, is unshaken, and crosses to the far shore.
Nidhīnaṁva pavattāraṁ,
yaṁ passe vajjadassinaṁ;
Niggayhavādiṁ medhāviṁ,
tādisaṁ paṇḍitaṁ bhaje;
Tādisaṁ bhajamānassa,
seyyo hoti na pāpiyo.
Like one who points out hidden treasure,
if you see someone who points out your faults,
an intelligent person who speaks in reproof,
keep company with such a wise one;
for one who keeps such company
things go better, not worse.
Ovadeyyānusāseyya,
asabbhā ca nivāraye;
Satañhi so piyo hoti,
asataṁ hoti appiyo.
Let him advise and instruct,
and hold you back from what is base:
he is dear to the good,
and not dear to the bad.
Na bhaje pāpake mitte,
na bhaje purisādhame;
Bhajetha mitte kalyāṇe,
bhajetha purisuttame.
Do not keep company with bad friends,
do not keep company with the lowest of people;
keep company with good friends,
keep company with the best of people.
Dhammapīti sukhaṁ seti,
vippasannena cetasā;
Ariyappavedite dhamme,
sadā ramati paṇḍito.
One who drinks in the dhamma lives happily,
with a clear and calm mind;
in the dhamma proclaimed by the noble ones
the wise one always delights.
Udakañhi nayanti nettikā,
Usukārā namayanti tejanaṁ;
Dāruṁ namayanti tacchakā,
Attānaṁ damayanti paṇḍitā.
Irrigators lead the water,
fletchers bend the arrow shaft,
carpenters bend the wood,
the wise tame themselves.
Selo yathā ekaghano,
vātena na samīrati;
Evaṁ nindāpasaṁsāsu,
na samiñjanti paṇḍitā.
As a solid rock
is not shaken by the wind,
so the wise are not moved
by blame and praise.
Yathāpi rahado gambhīro,
vippasanno anāvilo;
Evaṁ dhammāni sutvāna,
vippasīdanti paṇḍitā.
As a deep lake
is clear and undisturbed,
so the wise, hearing the teachings,
become clear and calm.
Sabbattha ve sappurisā cajanti,
Na kāmakāmā lapayanti santo;
Sukhena phuṭṭhā atha vā dukhena,
Na uccāvacaṁ paṇḍitā dassayanti.
The good let go of everything;
the peaceful do not prattle out of desire for pleasures.
Touched by happiness or by pain,
the wise show neither elation nor dejection.
Na attahetu na parassa hetu,
Na puttamicche na dhanaṁ na raṭṭhaṁ;
Na iccheyya adhammena samiddhimattano,
Sa sīlavā paññavā dhammiko siyā.
Not for his own sake nor for another’s,
not wishing for a son, or wealth, or a kingdom,
not wishing for his own success by unjust means:
such a one is virtuous, wise and righteous.
Appakā te manussesu,
ye janā pāragāmino;
Athāyaṁ itarā pajā,
tīramevānudhāvati.
Few among human beings
are those who reach the far shore;
the rest of the people
only run up and down this shore.
Ye ca kho sammadakkhāte,
dhamme dhammānuvattino;
Te janā pāramessanti,
maccudheyyaṁ suduttaraṁ.
But those who, when the dhamma is well taught,
live in accordance with the dhamma,
will reach the far shore,
crossing the realm of death, so hard to cross.
Kaṇhaṁ dhammaṁ vippahāya,
Sukkaṁ bhāvetha paṇḍito;
Okā anokamāgamma,
Viveke yattha dūramaṁ.
Abandoning dark ways,
let the wise cultivate the bright,
going from home to homelessness,
to seclusion, where delight is hard to find.
Tatrābhiratimiccheyya,
hitvā kāme akiñcano;
Pariyodapeyya attānaṁ,
cittaklesehi paṇḍito.
There he should seek delight,
leaving sensual pleasures, owning nothing;
the wise one should cleanse himself
of the defilements of the mind.
Yesaṁ sambodhiyaṅgesu,
sammā cittaṁ subhāvitaṁ;
Ādānapaṭinissagge,
anupādāya ye ratā;
Khīṇāsavā jutimanto,
te loke parinibbutā.
Those whose minds, in the factors of awakening,
are rightly and well developed,
who in the giving up of grasping
delight, clinging to nothing,
their taints destroyed, radiant—
they in this world have reached nibbāna.
The Perfected
Arahantavagga · Verses 90–99 · The arahant, free of fever and bonds, whose tracks cannot be traced.
Gataddhino visokassa,
vippamuttassa sabbadhi;
Sabbaganthappahīnassa,
pariḷāho na vijjati.
For one who has finished the journey, free of sorrow,
freed in every way,
who has cast off every tie,
no fever is found.
Uyyuñjanti satīmanto,
na nikete ramanti te;
Haṁsāva pallalaṁ hitvā,
okamokaṁ jahanti te.
The mindful exert themselves;
they do not delight in a settled home.
Like swans leaving a pond,
they leave home after home.
Yesaṁ sannicayo natthi,
ye pariññātabhojanā;
Suññato animitto ca,
vimokkho yesaṁ gocaro;
Ākāseva sakuntānaṁ,
gati tesaṁ durannayā.
Those who store nothing up,
who fully understand their food,
whose range is the freedom
that is empty and signless—
like that of birds in the sky,
their course is hard to trace.
Yassāsavā parikkhīṇā,
āhāre ca anissito;
Suññato animitto ca,
vimokkho yassa gocaro;
Ākāseva sakuntānaṁ,
padaṁ tassa durannayaṁ.
One whose taints are destroyed,
who is not dependent on food,
whose range is the freedom
that is empty and signless—
like that of birds in the sky,
his track is hard to trace.
Yassindriyāni samathaṅgatāni,
Assā yathā sārathinā sudantā;
Pahīnamānassa anāsavassa,
Devāpi tassa pihayanti tādino.
One whose senses are calmed
like horses well tamed by the charioteer,
who has abandoned pride and is free of taints—
even the gods envy one who is so steady.
Pathavisamo no virujjhati,
Indakhilupamo tādi subbato;
Rahadova apetakaddamo,
Saṁsārā na bhavanti tādino.
Like the earth, he shows no resentment;
like a gate-post, steady and true to his vows;
like a lake free of mud:
for one so steady there are no more rounds of rebirth.
Santaṁ tassa manaṁ hoti,
santā vācā ca kamma ca;
Sammadaññāvimuttassa,
upasantassa tādino.
Calm is his mind,
calm his speech and action,
one freed by perfect understanding,
at peace and steady.
Assaddho akataññū ca,
sandhicchedo ca yo naro;
Hatāvakāso vantāso,
sa ve uttamaporiso.
Not taking things on faith, knowing the uncreated,
one who has cut the links,
who has ended every opening and spewed out desire—
he is truly the highest of people.
Gāme vā yadi vāraññe,
Ninne vā yadi vā thale;
Yattha arahanto viharanti,
Taṁ bhūmirāmaṇeyyakaṁ.
Whether in village or in forest,
in lowland or on high ground,
wherever arahants dwell,
that place is delightful.
Ramaṇīyāni araññāni,
yattha na ramatī jano;
Vītarāgā ramissanti,
na te kāmagavesino.
Delightful are the forests
where ordinary people find no delight;
those free of passion will delight there,
for they do not go seeking sensual pleasures.
The Thousands
Sahassavagga · Verses 100–115 · One useful word, one day of wise living, outweighs a thousand of the useless kind.
Sahassamapi ce vācā,
anatthapadasaṁhitā;
Ekaṁ atthapadaṁ seyyo,
yaṁ sutvā upasammati.
Though there be a thousand words
made up of meaningless phrases,
better is a single meaningful word
which, once heard, brings peace.
Sahassamapi ce gāthā,
anatthapadasaṁhitā;
Ekaṁ gāthāpadaṁ seyyo,
yaṁ sutvā upasammati.
Though there be a thousand verses
made up of meaningless phrases,
better is a single line of verse
which, once heard, brings peace.
Yo ca gāthā sataṁ bhāse,
anatthapadasaṁhitā;
Ekaṁ dhammapadaṁ seyyo,
yaṁ sutvā upasammati.
Though one should recite a hundred verses
made up of meaningless phrases,
better is a single word of the dhamma
which, once heard, brings peace.
Yo sahassaṁ sahassena,
saṅgāme mānuse jine;
Ekañca jeyyamattānaṁ,
sa ve saṅgāmajuttamo.
Though one should conquer in battle
a thousand times a thousand men,
one who conquers just himself
is the greatest conqueror in battle.
Attā have jitaṁ seyyo,
yā cāyaṁ itarā pajā;
Attadantassa posassa,
niccaṁ saññatacārino.
Self-conquest is better
than conquering all these other people.
Of the person who has tamed himself,
who always lives in restraint,
Neva devo na gandhabbo,
na māro saha brahmunā;
Jitaṁ apajitaṁ kayirā,
tathārūpassa jantuno.
neither god nor gandhabba,
nor Māra together with Brahmā,
could turn the victory into defeat
of such a being.
Māse māse sahassena,
yo yajetha sataṁ samaṁ;
Ekañca bhāvitattānaṁ,
muhuttamapi pūjaye;
Sāyeva pūjanā seyyo,
yañce vassasataṁ hutaṁ.
Month after month, with a thousand coins,
though one should sacrifice for a hundred years,
and another should honor one who has developed himself
even for a single moment,
that honor is better
than a hundred years of sacrifice.
Yo ca vassasataṁ jantu,
aggiṁ paricare vane;
Ekañca bhāvitattānaṁ,
muhuttamapi pūjaye;
Sāyeva pūjanā seyyo,
yañce vassasataṁ hutaṁ.
Though a person for a hundred years
should tend the sacred fire in the forest,
and another should honor one who has developed himself
even for a single moment,
that honor is better
than a hundred years of sacrifice.
Yaṁ kiñci yiṭṭhaṁ va hutaṁ va loke,
Saṁvaccharaṁ yajetha puññapekkho;
Sabbampi taṁ na catubhāgameti,
Abhivādanā ujjugatesu seyyo.
Whatever sacrifice or offering in the world
one seeking merit might make for a whole year,
all of it is not worth a quarter:
reverence toward the upright is better.
Abhivādanasīlissa,
niccaṁ vuḍḍhāpacāyino;
Cattāro dhammā vaḍḍhanti,
āyu vaṇṇo sukhaṁ balaṁ.
For one in the habit of showing respect,
always honoring elders,
four things increase:
long life, beauty, happiness and strength.
Yo ca vassasataṁ jīve,
dussīlo asamāhito;
Ekāhaṁ jīvitaṁ seyyo,
sīlavantassa jhāyino.
Though one should live a hundred years
without virtue, uncollected,
better is a single day’s life
of one virtuous and meditative.
Yo ca vassasataṁ jīve,
duppañño asamāhito;
Ekāhaṁ jīvitaṁ seyyo,
paññavantassa jhāyino.
Though one should live a hundred years
without wisdom, uncollected,
better is a single day’s life
of one wise and meditative.
Yo ca vassasataṁ jīve,
kusīto hīnavīriyo;
Ekāhaṁ jīvitaṁ seyyo,
vīriyamārabhato daḷhaṁ.
Though one should live a hundred years
lazy and weak in effort,
better is a single day’s life
of one who firmly rouses effort.
Yo ca vassasataṁ jīve,
apassaṁ udayabbayaṁ;
Ekāhaṁ jīvitaṁ seyyo,
passato udayabbayaṁ.
Though one should live a hundred years
not seeing rise and fall,
better is a single day’s life
of one who sees rise and fall.
Yo ca vassasataṁ jīve,
apassaṁ amataṁ padaṁ;
Ekāhaṁ jīvitaṁ seyyo,
passato amataṁ padaṁ.
Though one should live a hundred years
not seeing the deathless state,
better is a single day’s life
of one who sees the deathless state.
Yo ca vassasataṁ jīve,
apassaṁ dhammamuttamaṁ;
Ekāhaṁ jīvitaṁ seyyo,
passato dhammamuttamaṁ.
Though one should live a hundred years
not seeing the supreme dhamma,
better is a single day’s life
of one who sees the supreme dhamma.
Evil
Pāpavagga · Verses 116–128 · Hurry toward the good; no place on earth lets one escape an evil deed.
Abhittharetha kalyāṇe,
pāpā cittaṁ nivāraye;
Dandhañhi karoto puññaṁ,
pāpasmiṁ ramatī mano.
Hurry toward the good;
hold your mind back from evil.
When one is slow to do good,
the mind delights in evil.
Pāpañce puriso kayirā,
Na naṁ kayirā punappunaṁ;
Na tamhi chandaṁ kayirātha,
Dukkho pāpassa uccayo.
If a person should do evil,
let him not do it again and again;
let him not set his heart on it:
painful is the piling up of evil.
Puññañce puriso kayirā,
kayirā naṁ punappunaṁ;
Tamhi chandaṁ kayirātha,
sukho puññassa uccayo.
If a person should do good,
let him do it again and again;
let him set his heart on it:
happy is the piling up of good.
Pāpopi passati bhadraṁ,
Yāva pāpaṁ na paccati;
Yadā ca paccati pāpaṁ,
Atha pāpo pāpāni passati.
Even the evildoer sees good fortune
as long as the evil has not ripened;
but when the evil ripens,
then the evildoer sees evil.
Bhadropi passati pāpaṁ,
Yāva bhadraṁ na paccati;
Yadā ca paccati bhadraṁ,
Atha bhadro bhadrāni passati.
Even the good person sees misfortune
as long as the good has not ripened;
but when the good ripens,
then the good person sees good.
Māvamaññetha pāpassa,
na mantaṁ āgamissati;
Udabindunipātena,
udakumbhopi pūrati;
Bālo pūrati pāpassa,
thokaṁ thokampi ācinaṁ.
Do not think lightly of evil:
“It will not come to me.”
By the falling of drops
even a water jar is filled;
the fool fills himself with evil,
gathering it little by little.
Māvamaññetha puññassa,
na mandaṁ āgamissati;
Udabindunipātena,
udakumbhopi pūrati;
Dhīro pūrati puññassa,
thokaṁ thokampi ācinaṁ.
Do not think lightly of good:
“It will not come to me.”
By the falling of drops
even a water jar is filled;
the steadfast one fills himself with good,
gathering it little by little.
Vāṇijova bhayaṁ maggaṁ,
appasattho mahaddhano;
Visaṁ jīvitukāmova,
pāpāni parivajjaye.
As a merchant avoids a dangerous road
when his caravan is small and his wealth great,
as one who loves life avoids poison,
so should one avoid evil.
Pāṇimhi ce vaṇo nāssa,
hareyya pāṇinā visaṁ;
Nābbaṇaṁ visamanveti,
natthi pāpaṁ akubbato.
If there is no wound on the hand,
one may carry poison in it;
poison does not enter where there is no wound:
there is no evil for one who does no evil.
Yo appaduṭṭhassa narassa dussati,
Suddhassa posassa anaṅgaṇassa;
Tameva bālaṁ pacceti pāpaṁ,
Sukhumo rajo paṭivātaṁva khitto.
Whoever harms a harmless person,
one pure and without blemish,
the evil comes back on that very fool,
like fine dust thrown against the wind.
Gabbhameke uppajjanti,
nirayaṁ pāpakammino;
Saggaṁ sugatino yanti,
parinibbanti anāsavā.
Some are reborn in a womb;
evildoers, in hell;
those of good conduct go to heaven;
those free of taints attain final nibbāna.
Na antalikkhe na samuddamajjhe,
Na pabbatānaṁ vivaraṁ pavissa;
Na vijjatī so jagatippadeso,
Yatthaṭṭhito mucceyya pāpakammā.
Not in the sky, not in the middle of the ocean,
not by entering a cleft in the mountains—
nowhere in the world is there a place
where one could stand and be free of one’s evil deeds.
Na antalikkhe na samuddamajjhe,
Na pabbatānaṁ vivaraṁ pavissa;
Na vijjatī so jagatippadeso,
Yatthaṭṭhitaṁ nappasaheyya maccu.
Not in the sky, not in the middle of the ocean,
not by entering a cleft in the mountains—
nowhere in the world is there a place
where one could stand and death would not overpower one.
Violence
Daṇḍavagga · Verses 129–145 · All tremble at the rod; seeing others as oneself, do not strike or kill.
Sabbe tasanti daṇḍassa,
sabbe bhāyanti maccuno;
Attānaṁ upamaṁ katvā,
na haneyya na ghātaye.
All tremble at the rod,
all fear death;
taking oneself as the measure,
one should not kill or cause others to kill.
Sabbe tasanti daṇḍassa,
sabbesaṁ jīvitaṁ piyaṁ;
Attānaṁ upamaṁ katvā,
na haneyya na ghātaye.
All tremble at the rod,
life is dear to all;
taking oneself as the measure,
one should not kill or cause others to kill.
Sukhakāmāni bhūtāni,
yo daṇḍena vihiṁsati;
Attano sukhamesāno,
pecca so na labhate sukhaṁ.
Beings long for happiness;
whoever harms them with the rod
while seeking his own happiness
will not find happiness after death.
Sukhakāmāni bhūtāni,
yo daṇḍena na hiṁsati;
Attano sukhamesāno,
pecca so labhate sukhaṁ.
Beings long for happiness;
whoever does not harm them with the rod
while seeking his own happiness
will find happiness after death.
Māvoca pharusaṁ kañci,
vuttā paṭivadeyyu taṁ;
Dukkhā hi sārambhakathā,
paṭidaṇḍā phuseyyu taṁ.
Do not speak harshly to anyone;
those you speak to will answer back.
Angry talk is painful:
retaliation will strike you.
Sace neresi attānaṁ,
kaṁso upahato yathā;
Esa pattosi nibbānaṁ,
sārambho te na vijjati.
If you keep yourself silent
like a broken gong,
you have reached nibbāna:
no anger is found in you.
Yathā daṇḍena gopālo,
gāvo pājeti gocaraṁ;
Evaṁ jarā ca maccu ca,
āyuṁ pājenti pāṇinaṁ.
As a cowherd with his stick
drives the cows to pasture,
so old age and death
drive on the lives of living beings.
Atha pāpāni kammāni,
karaṁ bālo na bujjhati;
Sehi kammehi dummedho,
aggidaḍḍhova tappati.
But when the fool does evil deeds,
he does not see what he is doing;
by his own deeds the dullard
is tormented as if burned by fire.
Yo daṇḍena adaṇḍesu,
appaduṭṭhesu dussati;
Dasannamaññataraṁ ṭhānaṁ,
khippameva nigacchati.
Whoever with the rod harms
the harmless and innocent
will quickly come to one
of these ten states:
Vedanaṁ pharusaṁ jāniṁ,
sarīrassa va bhedanaṁ;
Garukaṁ vāpi ābādhaṁ,
cittakkhepaṁ va pāpuṇe.
severe pain, or loss,
or injury to the body,
or grave illness,
or loss of mind;
Rājato vā upasaggaṁ,
Abbhakkhānaṁ va dāruṇaṁ;
Parikkhayaṁ va ñātīnaṁ,
Bhogānaṁ va pabhaṅguraṁ.
or trouble from the king,
or a terrible accusation,
or the loss of relatives,
or the ruin of wealth;
Atha vāssa agārāni,
aggi ḍahati pāvako;
Kāyassa bhedā duppañño,
nirayaṁ sopapajjati.
or else fire, the purifier,
burns down his houses;
and when the body breaks up, the fool
is reborn in hell.
Na naggacariyā na jaṭā na paṅkā,
Nānāsakā thaṇḍilasāyikā vā;
Rajojallaṁ ukkuṭikappadhānaṁ,
Sodhenti maccaṁ avitiṇṇakaṅkhaṁ.
Not going naked, not matted hair, not mud,
not fasting, nor lying on the bare ground,
not dust and dirt, nor striving while squatting on the heels,
can purify a mortal who has not overcome doubt.
Alaṅkato cepi samaṁ careyya,
Santo danto niyato brahmacārī;
Sabbesu bhūtesu nidhāya daṇḍaṁ,
So brāhmaṇo so samaṇo sa bhikkhu.
Though finely dressed, if one lives evenly,
calm, tamed, restrained, leading the holy life,
having laid down the rod toward all beings—
that one is a brahmin, an ascetic, a monk.
Hirīnisedho puriso,
koci lokasmi vijjati;
Yo niddaṁ apabodheti,
asso bhadro kasāmiva.
A person restrained by conscience—
is there anyone like that in the world,
who wards off reproach
as a good horse the whip?
Asso yathā bhadro kasāniviṭṭho,
Ātāpino saṁvegino bhavātha;
Saddhāya sīlena ca vīriyena ca,
Samādhinā dhammavinicchayena ca;
Sampannavijjācaraṇā patissatā,
Jahissatha dukkhamidaṁ anappakaṁ.
Like a good horse touched by the whip,
be ardent and stirred to urgency.
By faith and virtue and energy,
by concentration and discernment of the dhamma,
accomplished in knowledge and conduct, mindful,
you will leave behind this suffering, which is not small.
Udakañhi nayanti nettikā,
Usukārā namayanti tejanaṁ;
Dāruṁ namayanti tacchakā,
Attānaṁ damayanti subbatā.
Irrigators lead the water,
fletchers bend the arrow shaft,
carpenters bend the wood,
those of good conduct tame themselves.
Old Age
Jarāvagga · Verses 146–156 · The body as a painted house of bones, and the builder of the house discovered.
Ko nu hāso kimānando,
niccaṁ pajjalite sati;
Andhakārena onaddhā,
padīpaṁ na gavesatha.
Why this laughter, why this joy,
when the world is always burning?
Shrouded in darkness,
will you not look for a lamp?
Passa cittakataṁ bimbaṁ,
arukāyaṁ samussitaṁ;
Āturaṁ bahusaṅkappaṁ,
yassa natthi dhuvaṁ ṭhiti.
See this painted puppet,
a body of sores, propped up,
sick, full of many plans,
in which there is nothing lasting or stable.
Parijiṇṇamidaṁ rūpaṁ,
roganīḷaṁ pabhaṅguraṁ;
Bhijjati pūtisandeho,
maraṇantañhi jīvitaṁ.
Worn out is this form,
a nest of disease, perishable;
this putrid mass breaks up,
for life ends in death.
Yānimāni apatthāni,
alābūneva sārade;
Kāpotakāni aṭṭhīni,
tāni disvāna kā rati.
These bones, cast away
like gourds in autumn,
gray as doves—
seeing them, what delight can there be?
Aṭṭhīnaṁ nagaraṁ kataṁ,
maṁsalohitalepanaṁ;
Yattha jarā ca maccu ca,
māno makkho ca ohito.
A city made of bones,
plastered with flesh and blood,
in which are stored old age and death,
pride and contempt.
Jīranti ve rājarathā sucittā,
Atho sarīrampi jaraṁ upeti;
Satañca dhammo na jaraṁ upeti,
Santo have sabbhi pavedayanti.
Even the splendid chariots of kings wear out,
and the body too comes to old age;
but the dhamma of the good does not age:
so the good make known to the good.
Appassutāyaṁ puriso,
balībaddhova jīrati;
Maṁsāni tassa vaḍḍhanti,
paññā tassa na vaḍḍhati.
The man of little learning
ages like an ox:
his flesh grows,
but his wisdom does not grow.
Anekajātisaṁsāraṁ,
sandhāvissaṁ anibbisaṁ;
Gahakāraṁ gavesanto,
dukkhā jāti punappunaṁ.
Through the round of many births
I ran on without reward,
seeking the builder of the house:
painful is birth again and again.
Gahakāraka diṭṭhosi,
puna gehaṁ na kāhasi;
Sabbā te phāsukā bhaggā,
gahakūṭaṁ visaṅkhataṁ;
Visaṅkhāragataṁ cittaṁ,
taṇhānaṁ khayamajjhagā.
House-builder, you are seen!
You will not build the house again.
All your rafters are broken,
the ridge-pole is shattered.
The mind has gone to the unconditioned;
it has reached the end of cravings.
Acaritvā brahmacariyaṁ,
aladdhā yobbane dhanaṁ;
Jiṇṇakoñcāva jhāyanti,
khīṇamaccheva pallale.
Not having lived the holy life,
not having won wealth in youth,
they waste away like old herons
at a lake without fish.
Acaritvā brahmacariyaṁ,
aladdhā yobbane dhanaṁ;
Senti cāpātikhīṇāva,
purāṇāni anutthunaṁ.
Not having lived the holy life,
not having won wealth in youth,
they lie like spent arrows shot from the bow,
sighing over the past.
The Self
Attavagga · Verses 157–166 · One is one’s own protector: make yourself what you would teach others to be.
Attānañce piyaṁ jaññā,
rakkheyya naṁ surakkhitaṁ;
Tiṇṇaṁ aññataraṁ yāmaṁ,
paṭijaggeyya paṇḍito.
If one holds oneself dear,
one should guard oneself well;
in one of the three watches
the wise one should keep vigil.
Attānameva paṭhamaṁ,
patirūpe nivesaye;
Athaññamanusāseyya,
na kilisseyya paṇḍito.
One should first establish oneself
in what is proper,
and then instruct others:
so the wise will not be defiled.
Attānañce tathā kayirā,
yathāññamanusāsati;
Sudanto vata dametha,
attā hi kira duddamo.
If one would make oneself
as one instructs others,
well tamed, one could tame others:
for the self, it seems, is hard to tame.
Attā hi attano nātho,
ko hi nātho paro siyā;
Attanā hi sudantena,
nāthaṁ labhati dullabhaṁ.
One is one’s own protector:
what other protector could there be?
With oneself well tamed,
one gains a protector hard to find.
Attanā hi kataṁ pāpaṁ,
Attajaṁ attasambhavaṁ;
Abhimatthati dummedhaṁ,
Vajiraṁvasmamayaṁ maṇiṁ.
The evil done by oneself,
born of oneself, produced by oneself,
grinds down the dullard
as a diamond grinds a gem of stone.
Yassa accantadussilyaṁ,
māluvā sālamivotthataṁ;
Karoti so tathattānaṁ,
yathā naṁ icchatī diso.
One whose lack of virtue is extreme,
like a creeper spreading over a sal tree,
does to himself
just what an enemy would wish.
Sukarāni asādhūni,
attano ahitāni ca;
Yaṁ ve hitañca sādhuñca,
taṁ ve paramadukkaraṁ.
Easy to do are things that are bad
and harmful to oneself;
what is beneficial and good
is supremely hard to do.
Yo sāsanaṁ arahataṁ,
ariyānaṁ dhammajīvinaṁ;
Paṭikkosati dummedho,
diṭṭhiṁ nissāya pāpikaṁ;
Phalāni kaṭṭhakasseva,
attaghātāya phallati.
Whoever scorns the teaching of the arahants,
the noble ones who live by the dhamma—
the dullard,
relying on an evil view—
like the fruit of the kaṭṭhaka reed
bears fruit for his own destruction.
Attanā hi kataṁ pāpaṁ,
attanā saṅkilissati;
Attanā akataṁ pāpaṁ,
attanāva visujjhati;
Suddhī asuddhi paccattaṁ,
nāñño aññaṁ visodhaye.
By oneself is evil done,
by oneself one is defiled;
by oneself is evil left undone,
by oneself one is purified.
Purity and impurity depend on oneself:
no one can purify another.
Attadatthaṁ paratthena,
bahunāpi na hāpaye;
Attadatthamabhiññāya,
sadatthapasuto siyā.
Let no one neglect his own good
for another’s, however great;
knowing well his own good,
let him be intent on the true good.
The World
Lokavagga · Verses 167–178 · Look on the world as a bubble or a mirage; the good life leads beyond it.
Hīnaṁ dhammaṁ na seveyya,
pamādena na saṁvase;
Micchādiṭṭhiṁ na seveyya,
na siyā lokavaḍḍhano.
Do not follow what is low,
do not live in heedlessness,
do not follow wrong view,
do not be one who prolongs the world.
Uttiṭṭhe nappamajjeyya,
dhammaṁ sucaritaṁ care;
Dhammacārī sukhaṁ seti,
asmiṁ loke paramhi ca.
Rise up, do not be heedless;
live the dhamma of good conduct.
One who lives the dhamma sleeps at ease
in this world and the next.
Dhammaṁ care sucaritaṁ,
na naṁ duccaritaṁ care;
Dhammacārī sukhaṁ seti,
asmiṁ loke paramhi ca.
Live the dhamma of good conduct;
do not live it badly.
One who lives the dhamma sleeps at ease
in this world and the next.
Yathā pubbuḷakaṁ passe,
yathā passe marīcikaṁ;
Evaṁ lokaṁ avekkhantaṁ,
maccurājā na passati.
As one would look at a bubble,
as one would look at a mirage:
one who looks on the world this way
the King of Death does not see.
Etha passathimaṁ lokaṁ,
cittaṁ rājarathūpamaṁ;
Yattha bālā visīdanti,
natthi saṅgo vijānataṁ.
Come, look at this world,
decked out like a royal chariot,
in which fools sink down;
for those who understand, there is no attachment.
Yo ca pubbe pamajjitvā,
pacchā so nappamajjati;
Somaṁ lokaṁ pabhāseti,
abbhā muttova candimā.
One who once was heedless
but afterwards is heedless no more
lights up this world
like the moon freed from a cloud.
Yassa pāpaṁ kataṁ kammaṁ,
kusalena pidhīyati;
Somaṁ lokaṁ pabhāseti,
abbhā muttova candimā.
One whose evil deeds
are covered over by good
lights up this world
like the moon freed from a cloud.
Andhabhūto ayaṁ loko,
tanukettha vipassati;
Sakuṇo jālamuttova,
appo saggāya gacchati.
Blind is this world;
few here see clearly.
Like a bird freed from a net,
few go to heaven.
Haṁsādiccapathe yanti,
ākāse yanti iddhiyā;
Nīyanti dhīrā lokamhā,
jetvā māraṁ savāhiniṁ.
Swans travel on the path of the sun;
by supernormal power they travel through the air;
the steadfast are led out of the world,
having conquered Māra and his army.
Ekaṁ dhammaṁ atītassa,
musāvādissa jantuno;
Vitiṇṇaparalokassa,
natthi pāpaṁ akāriyaṁ.
For a person who has broken the one rule,
who speaks falsely,
who scoffs at the world beyond,
there is no evil he will not do.
Na ve kadariyā devalokaṁ vajanti,
Bālā have nappasaṁsanti dānaṁ;
Dhīro ca dānaṁ anumodamāno,
Teneva so hoti sukhī parattha.
The miserly do not go to the world of the gods;
fools do not praise giving;
but the steadfast rejoice in giving,
and so are happy in the world beyond.
Pathabyā ekarajjena,
saggassa gamanena vā;
Sabbalokādhipaccena,
sotāpattiphalaṁ varaṁ.
Than sole rule over the earth,
than going to heaven,
than lordship over all the worlds,
the fruit of stream-entry is better.
The Buddha
Buddhavagga · Verses 179–196 · The Buddhas, hard to find; the four noble truths; the teaching of all Buddhas.
Yassa jitaṁ nāvajīyati,
Jitaṁ yassa noyāti koci loke;
Taṁ buddhamanantagocaraṁ,
Apadaṁ kena padena nessatha.
Whose victory cannot be undone,
whose victory no one in the world can approach—
that Buddha of boundless range,
the trackless one: by what track will you lead him?
Yassa jālinī visattikā,
Taṇhā natthi kuhiñci netave;
Taṁ buddhamanantagocaraṁ,
Apadaṁ kena padena nessatha.
One in whom there is no ensnaring, clinging
craving to lead him anywhere at all—
that Buddha of boundless range,
the trackless one: by what track will you lead him?
Ye jhānapasutā dhīrā,
nekkhammūpasame ratā;
Devāpi tesaṁ pihayanti,
sambuddhānaṁ satīmataṁ.
The steadfast who are intent on meditation,
delighting in the peace of renunciation—
even the gods envy them,
fully awakened and mindful.
Kiccho manussapaṭilābho,
kicchaṁ maccāna jīvitaṁ;
Kicchaṁ saddhammassavanaṁ,
kiccho buddhānamuppādo.
Hard is it to be born human,
hard is the life of mortals,
hard is it to hear the true dhamma,
hard is the arising of Buddhas.
Sabbapāpassa akaraṇaṁ,
kusalassa upasampadā;
Sacittapariyodapanaṁ,
etaṁ buddhāna sāsanaṁ.
Not to do any evil,
to undertake what is good,
to purify one’s own mind:
this is the teaching of the Buddhas.
Khantī paramaṁ tapo titikkhā,
Nibbānaṁ paramaṁ vadanti buddhā;
Na hi pabbajito parūpaghātī,
Na samaṇo hoti paraṁ viheṭhayanto.
Patient endurance is the highest austerity;
nibbāna is supreme, say the Buddhas.
One who harms another has not truly gone forth;
one who oppresses another is no ascetic.
Anūpavādo anūpaghāto,
Pātimokkhe ca saṁvaro;
Mattaññutā ca bhattasmiṁ,
Pantañca sayanāsanaṁ;
Adhicitte ca āyogo,
Etaṁ buddhāna sāsanaṁ.
Not insulting, not harming,
restraint according to the monastic code,
moderation in food,
a secluded bed and seat,
devotion to the higher mind:
this is the teaching of the Buddhas.
Na kahāpaṇavassena,
titti kāmesu vijjati;
Appassādā dukhā kāmā,
iti viññāya paṇḍito.
Not even with a rain of coins
is there satisfaction in sensual pleasures;
“Sensual pleasures give little enjoyment and much pain”:
knowing this, the wise one
Api dibbesu kāmesu,
ratiṁ so nādhigacchati;
Taṇhakkhayarato hoti,
sammāsambuddhasāvako.
finds no delight
even in heavenly pleasures;
the disciple of the Fully Awakened One
delights in the ending of craving.
Bahuṁ ve saraṇaṁ yanti,
pabbatāni vanāni ca;
Ārāmarukkhacetyāni,
manussā bhayatajjitā.
To many refuges they go,
to mountains and to forests,
to sacred groves, trees and shrines—
people driven by fear.
Netaṁ kho saraṇaṁ khemaṁ,
netaṁ saraṇamuttamaṁ;
Netaṁ saraṇamāgamma,
sabbadukkhā pamuccati.
But that is not a safe refuge,
that is not the supreme refuge;
going to that refuge,
one is not freed from all suffering.
Yo ca buddhañca dhammañca,
saṅghañca saraṇaṁ gato;
Cattāri ariyasaccāni,
sammappaññāya passati.
One who has gone for refuge
to the Buddha, the dhamma and the saṅgha
sees the four noble truths
with right wisdom:
Dukkhaṁ dukkhasamuppādaṁ,
dukkhassa ca atikkamaṁ;
Ariyaṁ caṭṭhaṅgikaṁ maggaṁ,
dukkhūpasamagāminaṁ.
dukkha, the arising of dukkha,
the overcoming of dukkha,
and the noble eightfold path
that leads to the stilling of dukkha.
Etaṁ kho saraṇaṁ khemaṁ,
etaṁ saraṇamuttamaṁ;
Etaṁ saraṇamāgamma,
sabbadukkhā pamuccati.
This is a safe refuge,
this is the supreme refuge;
going to this refuge,
one is freed from all suffering.
Dullabho purisājañño,
na so sabbattha jāyati;
Yattha so jāyati dhīro,
taṁ kulaṁ sukhamedhati.
Hard to find is the thoroughbred person;
he is not born just anywhere.
Wherever such a steadfast one is born,
that family prospers in happiness.
Sukho buddhānamuppādo,
sukhā saddhammadesanā;
Sukhā saṅghassa sāmaggī,
samaggānaṁ tapo sukho.
Happy is the arising of Buddhas,
happy the teaching of the true dhamma,
happy the harmony of the saṅgha,
happy the austerity of those in harmony.
Pūjārahe pūjayato,
buddhe yadi va sāvake;
Papañcasamatikkante,
tiṇṇasokapariddave.
One who honors those worthy of honor,
Buddhas or their disciples,
who have gone beyond all proliferation
and crossed over sorrow and lamentation—
Te tādise pūjayato,
nibbute akutobhaye;
Na sakkā puññaṁ saṅkhātuṁ,
imettamapi kenaci.
one who honors such as these,
quenched, fearing nothing from any side—
his merit cannot be measured
by anyone as “just this much.”
Happiness
Sukhavagga · Verses 197–208 · Living happily among the hostile, the anxious and the greedy; nibbāna the highest happiness.
Susukhaṁ vata jīvāma,
verinesu averino;
Verinesu manussesu,
viharāma averino.
Happily indeed we live,
without hatred among the hateful;
among hateful people
we dwell without hatred.
Susukhaṁ vata jīvāma,
āturesu anāturā;
Āturesu manussesu,
viharāma anāturā.
Happily indeed we live,
unafflicted among the afflicted;
among afflicted people
we dwell unafflicted.
Susukhaṁ vata jīvāma,
ussukesu anussukā;
Ussukesu manussesu,
viharāma anussukā.
Happily indeed we live,
without eagerness among the eager;
among eager people
we dwell without eagerness.
Susukhaṁ vata jīvāma,
yesaṁ no natthi kiñcanaṁ;
Pītibhakkhā bhavissāma,
devā ābhassarā yathā.
Happily indeed we live,
we who own nothing;
we shall feed on joy,
like the radiant gods.
Jayaṁ veraṁ pasavati,
dukkhaṁ seti parājito;
Upasanto sukhaṁ seti,
hitvā jayaparājayaṁ.
Victory breeds hatred;
the defeated one lies down in pain.
The peaceful one lies down at ease,
having given up victory and defeat.
Natthi rāgasamo aggi,
Natthi dosasamo kali;
Natthi khandhasamā dukkhā,
Natthi santiparaṁ sukhaṁ.
There is no fire like passion,
no losing throw like hatred,
no pain like the aggregates,
no happiness higher than peace.
Jighacchāparamā rogā,
saṅkhāraparamā dukhā;
Etaṁ ñatvā yathābhūtaṁ,
nibbānaṁ paramaṁ sukhaṁ.
Hunger is the worst illness,
conditioned things the worst pain;
knowing this as it really is:
nibbāna is the highest happiness.
Ārogyaparamā lābhā,
Santuṭṭhiparamaṁ dhanaṁ;
Vissāsaparamā ñāti,
Nibbānaṁ paramaṁ sukhaṁ.
Health is the greatest gain,
contentment the greatest wealth,
trust the best of kin,
nibbāna the highest happiness.
Pavivekarasaṁ pitvā,
rasaṁ upasamassa ca;
Niddaro hoti nippāpo,
dhammapītirasaṁ pivaṁ.
Having drunk the taste of solitude
and the taste of peace,
one becomes free of fear and free of evil,
drinking the taste of joy in the dhamma.
Sāhu dassanamariyānaṁ,
sannivāso sadā sukho;
Adassanena bālānaṁ,
niccameva sukhī siyā.
Good is the sight of the noble ones;
living with them is always happiness.
By not seeing fools
one would always be happy.
Bālasaṅgatacārī hi,
dīghamaddhāna socati;
Dukkho bālehi saṁvāso,
amitteneva sabbadā;
Dhīro ca sukhasaṁvāso,
ñātīnaṁva samāgamo.
One who keeps company with fools
grieves for a long time;
living with fools is painful,
always, as with an enemy;
but living with the steadfast is happiness,
like a gathering of kin.
Tasmā hi—
Dhīrañca paññañca bahussutañca,
Dhorayhasīlaṁ vatavantamariyaṁ;
Taṁ tādisaṁ sappurisaṁ sumedhaṁ,
Bhajetha nakkhattapathaṁva candimā.
Therefore:
the steadfast, the wise, the learned,
the enduring, dutiful noble one—
such a good and intelligent person
one should follow, as the moon follows the path of the stars.
The Dear
Piyavagga · Verses 209–220 · From what is dear comes grief, from what is dear comes fear.
Ayoge yuñjamattānaṁ,
yogasmiñca ayojayaṁ;
Atthaṁ hitvā piyaggāhī,
pihetattānuyoginaṁ.
Applying himself to what he should not,
not applying himself to what he should,
abandoning the goal and grasping at the pleasant,
he envies those who apply themselves.
Mā piyehi samāgañchi,
appiyehi kudācanaṁ;
Piyānaṁ adassanaṁ dukkhaṁ,
appiyānañca dassanaṁ.
Do not be joined with the dear,
nor ever with the not-dear;
not seeing the dear is painful,
and so is seeing the not-dear.
Tasmā piyaṁ na kayirātha,
piyāpāyo hi pāpako;
Ganthā tesaṁ na vijjanti,
yesaṁ natthi piyāppiyaṁ.
Therefore do not hold anything dear,
for parting from the dear is hard;
no bonds exist for those
to whom nothing is dear or not dear.
Piyato jāyatī soko,
piyato jāyatī bhayaṁ;
Piyato vippamuttassa,
natthi soko kuto bhayaṁ.
From what is dear comes grief,
from what is dear comes fear;
for one freed from what is dear
there is no grief—how then fear?
Pemato jāyatī soko,
pemato jāyatī bhayaṁ;
Pemato vippamuttassa,
natthi soko kuto bhayaṁ.
From affection comes grief,
from affection comes fear;
for one freed from affection
there is no grief—how then fear?
Ratiyā jāyatī soko,
ratiyā jāyatī bhayaṁ;
Ratiyā vippamuttassa,
natthi soko kuto bhayaṁ.
From delight comes grief,
from delight comes fear;
for one freed from delight
there is no grief—how then fear?
Kāmato jāyatī soko,
kāmato jāyatī bhayaṁ;
Kāmato vippamuttassa,
natthi soko kuto bhayaṁ.
From sensual desire comes grief,
from sensual desire comes fear;
for one freed from sensual desire
there is no grief—how then fear?
Taṇhāya jāyatī soko,
taṇhāya jāyatī bhayaṁ;
Taṇhāya vippamuttassa,
natthi soko kuto bhayaṁ.
From craving comes grief,
from craving comes fear;
for one freed from craving
there is no grief—how then fear?
Sīladassanasampannaṁ,
dhammaṭṭhaṁ saccavedinaṁ;
Attano kamma kubbānaṁ,
taṁ jano kurute piyaṁ.
One accomplished in virtue and insight,
established in the dhamma, who speaks the truth,
who does his own work:
people hold such a one dear.
Chandajāto anakkhāte,
Manasā ca phuṭo siyā;
Kāmesu ca appaṭibaddhacitto,
Uddhaṁsototi vuccati.
One in whom a longing for the ineffable has arisen,
whose mind is suffused with it,
whose mind is not bound to sensual pleasures,
is called “one bound upstream.”
Cirappavāsiṁ purisaṁ,
dūrato sotthimāgataṁ;
Ñātimittā suhajjā ca,
abhinandanti āgataṁ.
When a man long absent
comes home safely from far away,
relatives, friends and well-wishers
welcome him on his return.
Tatheva katapuññampi,
asmā lokā paraṁ gataṁ;
Puññāni paṭigaṇhanti,
piyaṁ ñātīva āgataṁ.
In the same way, when one who has done good
goes from this world to the next,
his good deeds receive him,
as relatives welcome a dear one home.
Anger
Kodhavagga · Verses 221–234 · Overcome anger with calm, the bad with good, meanness with giving, a liar with truth.
Kodhaṁ jahe vippajaheyya mānaṁ,
Saṁyojanaṁ sabbamatikkameyya;
Taṁ nāmarūpasmimasajjamānaṁ,
Akiñcanaṁ nānupatanti dukkhā.
Let go of anger, give up pride,
pass beyond every fetter;
on one who does not cling to name-and-form,
who owns nothing, no sufferings fall.
Yo ve uppatitaṁ kodhaṁ,
rathaṁ bhantaṁva vāraye;
Tamahaṁ sārathiṁ brūmi,
rasmiggāho itaro jano.
One who holds back anger as it rises,
like a chariot running out of control—
him I call a charioteer;
other people only hold the reins.
Akkodhena jine kodhaṁ,
asādhuṁ sādhunā jine;
Jine kadariyaṁ dānena,
saccenālikavādinaṁ.
Conquer anger by non-anger,
conquer the bad by good,
conquer the miser by giving,
conquer the liar by truth.
Saccaṁ bhaṇe na kujjheyya,
dajjā appampi yācito;
Etehi tīhi ṭhānehi,
gacche devāna santike.
Speak the truth, do not give way to anger,
give when asked, even if you have little:
by these three things
one comes into the presence of the gods.
Ahiṁsakā ye munayo,
niccaṁ kāyena saṁvutā;
Te yanti accutaṁ ṭhānaṁ,
yattha gantvā na socare.
The sages who harm no one,
always restrained in body,
go to the unshakable state,
where, having gone, they grieve no more.
Sadā jāgaramānānaṁ,
ahorattānusikkhinaṁ;
Nibbānaṁ adhimuttānaṁ,
atthaṁ gacchanti āsavā.
For those who are ever wakeful,
training day and night,
intent on nibbāna,
the taints come to an end.
Porāṇametaṁ atula,
netaṁ ajjatanāmiva;
Nindanti tuṇhimāsīnaṁ,
nindanti bahubhāṇinaṁ;
Mitabhāṇimpi nindanti,
natthi loke anindito.
This is an old saying, Atula,
not one of today:
they blame the one who sits silent,
they blame the one who talks a lot,
they blame even the one who speaks in moderation:
there is no one in the world who is not blamed.
Na cāhu na ca bhavissati,
na cetarahi vijjati;
Ekantaṁ nindito poso,
ekantaṁ vā pasaṁsito.
There never was, and never will be,
nor is there now,
a person wholly blamed
or wholly praised.
Yañce viññū pasaṁsanti,
anuvicca suve suve;
Acchiddavuttiṁ medhāviṁ,
paññāsīlasamāhitaṁ.
But one whom the discerning praise,
having observed him day after day—
flawless in conduct, intelligent,
endowed with wisdom and virtue—
Nikkhaṁ jambonadasseva,
ko taṁ ninditumarahati;
Devāpi naṁ pasaṁsanti,
brahmunāpi pasaṁsito.
like a coin of Jambu River gold:
who is fit to blame him?
Even the gods praise him;
he is praised even by Brahmā.
Kāyappakopaṁ rakkheyya,
kāyena saṁvuto siyā;
Kāyaduccaritaṁ hitvā,
kāyena sucaritaṁ care.
Guard against unruliness of body;
be restrained in body;
giving up bad conduct of body,
practice good conduct of body.
Vacīpakopaṁ rakkheyya,
vācāya saṁvuto siyā;
Vacīduccaritaṁ hitvā,
vācāya sucaritaṁ care.
Guard against unruliness of speech;
be restrained in speech;
giving up bad conduct of speech,
practice good conduct of speech.
Manopakopaṁ rakkheyya,
manasā saṁvuto siyā;
Manoduccaritaṁ hitvā,
manasā sucaritaṁ care.
Guard against unruliness of mind;
be restrained in mind;
giving up bad conduct of mind,
practice good conduct of mind.
Kāyena saṁvutā dhīrā,
atho vācāya saṁvutā;
Manasā saṁvutā dhīrā,
te ve suparisaṁvutā.
The steadfast are restrained in body,
restrained also in speech;
the steadfast are restrained in mind:
they are truly well restrained.
Stains
Malavagga · Verses 235–255 · Stains of body, speech and mind, and the worst stain of all, ignorance.
Paṇḍupalāsova dānisi,
Yamapurisāpi ca te upaṭṭhitā;
Uyyogamukhe ca tiṭṭhasi,
Pātheyyampi ca te na vijjati.
You are now like a withered leaf;
the messengers of Yama stand near you.
You stand at the threshold of departure,
and you have no provisions for the journey.
So karohi dīpamattano,
Khippaṁ vāyama paṇḍito bhava;
Niddhantamalo anaṅgaṇo,
Dibbaṁ ariyabhūmiṁ upehisi.
Make an island for yourself;
strive quickly, be wise.
With impurities blown away, blameless,
you will reach the heavenly realm of the noble ones.
Upanītavayo ca dānisi,
Sampayātosi yamassa santikaṁ;
Vāso te natthi antarā,
Pātheyyampi ca te na vijjati.
Your life has now come to its close;
you have set out for the presence of Yama.
There is no resting place for you on the way,
and you have no provisions for the journey.
So karohi dīpamattano,
Khippaṁ vāyama paṇḍito bhava;
Niddhantamalo anaṅgaṇo,
Na punaṁ jātijaraṁ upehisi.
Make an island for yourself;
strive quickly, be wise.
With impurities blown away, blameless,
you will not come again to birth and old age.
Anupubbena medhāvī,
thokaṁ thokaṁ khaṇe khaṇe;
Kammāro rajatasseva,
niddhame malamattano.
Gradually the wise one,
little by little, moment by moment,
as a smith with silver,
should blow away his own impurities.
Ayasāva malaṁ samuṭṭhitaṁ,
Tatuṭṭhāya tameva khādati;
Evaṁ atidhonacārinaṁ,
Sāni kammāni nayanti duggatiṁ.
As rust arising from iron
eats away the very iron it came from,
so the deeds of one who oversteps the bounds
lead him to a bad destination.
Asajjhāyamalā mantā,
anuṭṭhānamalā gharā;
Malaṁ vaṇṇassa kosajjaṁ,
pamādo rakkhato malaṁ.
Not reciting is the stain of sacred verses;
neglect is the stain of houses;
laziness is the stain of beauty;
heedlessness, the stain of a guard.
Malitthiyā duccaritaṁ,
maccheraṁ dadato malaṁ;
Malā ve pāpakā dhammā,
asmiṁ loke paramhi ca.
Misconduct is the stain of a woman;
stinginess, the stain of a giver;
evil states are stains
in this world and the next.
Tato malā malataraṁ,
avijjā paramaṁ malaṁ;
Etaṁ malaṁ pahantvāna,
nimmalā hotha bhikkhavo.
But a stain worse than these:
ignorance is the greatest stain.
Abandon this stain,
and be stainless, monks.
Sujīvaṁ ahirikena,
kākasūrena dhaṁsinā;
Pakkhandinā pagabbhena,
saṅkiliṭṭhena jīvitaṁ.
Life is easy for the shameless,
bold as a crow, a backbiter,
pushy and brazen,
living a corrupt life.
Hirīmatā ca dujjīvaṁ,
niccaṁ sucigavesinā;
Alīnenāppagabbhena,
suddhājīvena passatā.
But life is hard for one with conscience,
always seeking purity,
keen but unassuming,
pure in livelihood, clear-seeing.
Yo pāṇamatipāteti,
musāvādañca bhāsati;
Loke adinnamādiyati,
paradārañca gacchati.
Whoever takes life,
speaks falsely,
takes in the world what is not given,
goes to another’s wife,
Surāmerayapānañca,
yo naro anuyuñjati;
Idheva meso lokasmiṁ,
mūlaṁ khaṇati attano.
or gives himself to
drinking liquor and wine—
right here in this world
he digs up his own root.
Evaṁ bho purisa jānāhi,
pāpadhammā asaññatā;
Mā taṁ lobho adhammo ca,
ciraṁ dukkhāya randhayuṁ.
Know this, good friend:
those of evil nature are unrestrained.
Do not let greed and wrongdoing
keep you long in suffering.
Dadāti ve yathāsaddhaṁ,
yathāpasādanaṁ jano;
Tattha yo ca maṅku bhavati,
paresaṁ pānabhojane;
Na so divā vā rattiṁ vā,
samādhimadhigacchati.
People give according to their faith,
according to their trust;
whoever there is discontented
with the food and drink that others receive
does not attain, by day or by night,
concentration.
Yassa cetaṁ samucchinnaṁ,
mūlaghaccaṁ samūhataṁ;
Sa ve divā vā rattiṁ vā,
samādhimadhigacchati.
But one in whom this is cut off,
uprooted, destroyed at the root—
he, by day or by night,
attains concentration.
Natthi rāgasamo aggi,
natthi dosasamo gaho;
Natthi mohasamaṁ jālaṁ,
natthi taṇhāsamā nadī.
There is no fire like passion,
no grip like hatred,
no net like delusion,
no river like craving.
Sudassaṁ vajjamaññesaṁ,
attano pana duddasaṁ;
Paresaṁ hi so vajjāni,
opunāti yathā bhusaṁ;
Attano pana chādeti,
kaliṁva kitavā saṭho.
Easy to see are others’ faults,
but one’s own are hard to see.
One winnows others’ faults
like chaff,
but hides one’s own,
as a cheat hides a losing throw.
Paravajjānupassissa,
niccaṁ ujjhānasaññino;
Āsavā tassa vaḍḍhanti,
ārā so āsavakkhayā.
One who looks for others’ faults,
always finding fault—
his taints grow;
he is far from the end of the taints.
Ākāseva padaṁ natthi,
samaṇo natthi bāhire;
Papañcābhiratā pajā,
nippapañcā tathāgatā.
There is no track in the sky,
no true ascetic outside this teaching.
People delight in proliferation;
the Tathāgatas are free of it.
Ākāseva padaṁ natthi,
samaṇo natthi bāhire;
Saṅkhārā sassatā natthi,
natthi buddhānamiñjitaṁ.
There is no track in the sky,
no true ascetic outside this teaching;
no conditioned thing is eternal;
there is no wavering in the Buddhas.
The Just
Dhammaṭṭhavagga · Verses 256–272 · What truly makes someone a judge, a sage, an elder or a renunciant.
Na tena hoti dhammaṭṭho,
yenatthaṁ sāhasā naye;
Yo ca atthaṁ anatthañca,
ubho niccheyya paṇḍito.
One is not just
because one decides a case in haste;
the wise one should investigate both
what is right and what is wrong.
Asāhasena dhammena,
samena nayatī pare;
Dhammassa gutto medhāvī,
“dhammaṭṭho”ti pavuccati.
Leading others without violence,
lawfully and impartially,
the intelligent guardian of the law
is called “just.”
Na tena paṇḍito hoti,
yāvatā bahu bhāsati;
Khemī averī abhayo,
“paṇḍito”ti pavuccati.
One is not wise
merely because one speaks much;
one who is secure, without hatred, without fear,
is called “wise.”
Na tāvatā dhammadharo,
yāvatā bahu bhāsati;
Yo ca appampi sutvāna,
dhammaṁ kāyena passati;
Sa ve dhammadharo hoti,
yo dhammaṁ nappamajjati.
One is not a bearer of the dhamma
merely because one speaks much;
but one who, though he has heard little,
sees the dhamma directly, in his own person—
he is a bearer of the dhamma,
one who is not heedless of the dhamma.
Na tena thero so hoti,
yenassa palitaṁ siro;
Paripakko vayo tassa,
“moghajiṇṇo”ti vuccati.
One is not an elder
because one’s head is gray;
one’s years are ripe,
but one is called “grown old in vain.”
Yamhi saccañca dhammo ca,
ahiṁsā saṁyamo damo;
Sa ve vantamalo dhīro,
“thero” iti pavuccati.
One in whom there is truth and dhamma,
harmlessness, restraint and self-control,
the steadfast one who has spewed out impurity,
is called an “elder.”
Na vākkaraṇamattena,
vaṇṇapokkharatāya vā;
Sādhurūpo naro hoti,
issukī maccharī saṭho.
Not by mere eloquence,
nor by a lovely complexion,
does a man become admirable
if he is envious, stingy and deceitful.
Yassa cetaṁ samucchinnaṁ,
mūlaghaccaṁ samūhataṁ;
Sa vantadoso medhāvī,
“sādhurūpo”ti vuccati.
But one in whom this is cut off,
uprooted, destroyed at the root,
the intelligent one who has spewed out fault,
is called “admirable.”
Na muṇḍakena samaṇo,
abbato alikaṁ bhaṇaṁ;
Icchālobhasamāpanno,
samaṇo kiṁ bhavissati.
Not by a shaven head is one an ascetic
if one is undisciplined and speaks falsely;
full of desire and greed,
how can one be an ascetic?
Yo ca sameti pāpāni,
aṇuṁthūlāni sabbaso;
Samitattā hi pāpānaṁ,
“samaṇo”ti pavuccati.
One who stills evils,
small and great, in every way,
because he has stilled evils
is called an “ascetic.”
Na tena bhikkhu so hoti,
yāvatā bhikkhate pare;
Vissaṁ dhammaṁ samādāya,
bhikkhu hoti na tāvatā.
One is not a monk
merely because one begs from others;
by taking up a worldly way of life
one is not a monk.
Yodha puññañca pāpañca,
bāhetvā brahmacariyavā;
Saṅkhāya loke carati,
sa ve “bhikkhū”ti vuccati.
But one who here has set aside
merit and evil, living the holy life,
who goes through the world with understanding—
he is called a “monk.”
Na monena munī hoti,
mūḷharūpo aviddasu;
Yo ca tulaṁva paggayha,
varamādāya paṇḍito.
Not by silence is one a sage
if one is dull and ignorant;
but the wise one who, as if holding up scales,
takes what is best
Pāpāni parivajjeti,
sa munī tena so muni;
Yo munāti ubho loke,
“muni” tena pavuccati.
and avoids what is evil—
he is a sage, and for that reason a sage;
one who weighs both worlds
is for that reason called a “sage.”
Na tena ariyo hoti,
yena pāṇāni hiṁsati;
Ahiṁsā sabbapāṇānaṁ,
“ariyo”ti pavuccati.
One is not noble
who harms living beings;
by harmlessness toward all living beings
one is called “noble.”
Na sīlabbatamattena,
bāhusaccena vā pana;
Atha vā samādhilābhena,
vivittasayanena vā.
Not merely by rules and observances,
nor by much learning,
nor by attaining concentration,
nor by a secluded bed,
Phusāmi nekkhammasukhaṁ,
aputhujjanasevitaṁ;
Bhikkhu vissāsamāpādi,
appatto āsavakkhayaṁ.
nor by “I touch the happiness of renunciation
that ordinary people do not know,”
should a monk rest content,
until he has reached the end of the taints.
The Path
Maggavagga · Verses 273–289 · The eightfold path, the best of paths; all conditioned things are impermanent.
Maggānaṭṭhaṅgiko seṭṭho,
saccānaṁ caturo padā;
Virāgo seṭṭho dhammānaṁ,
dvipadānañca cakkhumā.
Of paths, the eightfold is the best;
of truths, the four statements;
of states, freedom from passion is the best;
of two-footed beings, the one with eyes.
Eseva maggo natthañño,
Dassanassa visuddhiyā;
Etañhi tumhe paṭipajjatha,
Mārassetaṁ pamohanaṁ.
This is the only path, there is no other,
for the purification of insight.
Follow this path:
it bewilders Māra.
Etañhi tumhe paṭipannā,
dukkhassantaṁ karissatha;
Akkhāto vo mayā maggo,
aññāya sallakantanaṁ.
Following it,
you will make an end of suffering.
I have taught you the path,
having understood how to pull out the dart.
Tumhehi kiccamātappaṁ,
akkhātāro tathāgatā;
Paṭipannā pamokkhanti,
jhāyino mārabandhanā.
You yourselves must make the effort;
the Tathāgatas only point the way.
Those who follow it, meditating,
will be freed from the bonds of Māra.
“Sabbe saṅkhārā aniccā”ti,
yadā paññāya passati;
Atha nibbindati dukkhe,
esa maggo visuddhiyā.
“All conditioned things are impermanent”:
when one sees this with wisdom,
one grows weary of dukkha:
this is the path to purity.
“Sabbe saṅkhārā dukkhā”ti,
yadā paññāya passati;
Atha nibbindati dukkhe,
esa maggo visuddhiyā.
“All conditioned things are dukkha”:
when one sees this with wisdom,
one grows weary of dukkha:
this is the path to purity.
“Sabbe dhammā anattā”ti,
yadā paññāya passati;
Atha nibbindati dukkhe,
esa maggo visuddhiyā.
“All things are not-self”:
when one sees this with wisdom,
one grows weary of dukkha:
this is the path to purity.
Uṭṭhānakālamhi anuṭṭhahāno,
Yuvā balī ālasiyaṁ upeto;
Saṁsannasaṅkappamano kusīto,
Paññāya maggaṁ alaso na vindati.
One who does not rise when it is time to rise,
young and strong but given to sloth,
his thoughts sunk and weak, lazy—
the idle one does not find the path by wisdom.
Vācānurakkhī manasā susaṁvuto,
Kāyena ca nākusalaṁ kayirā;
Ete tayo kammapathe visodhaye,
Ārādhaye maggamisippaveditaṁ.
Guarding speech, restrained in mind,
let one do nothing unwholesome by body;
let one purify these three ways of action
and win the path taught by the sages.
Yogā ve jāyatī bhūri,
ayogā bhūrisaṅkhayo;
Etaṁ dvedhāpathaṁ ñatvā,
bhavāya vibhavāya ca;
Tathāttānaṁ niveseyya,
yathā bhūri pavaḍḍhati.
From meditation wisdom arises;
without meditation wisdom decays.
Knowing this twofold path
of growth and decline,
one should so establish oneself
that wisdom increases.
Vanaṁ chindatha mā rukkhaṁ,
vanato jāyate bhayaṁ;
Chetvā vanañca vanathañca,
nibbanā hotha bhikkhavo.
Cut down the forest, not just a tree;
from the forest comes fear.
Having cut down forest and undergrowth,
be free of the forest, monks.
Yāva hi vanatho na chijjati,
Aṇumattopi narassa nārisu;
Paṭibaddhamanova tāva so,
Vaccho khīrapakova mātari.
As long as the undergrowth of desire,
even the slightest, of a man for women is not cut down,
so long is his mind in bondage,
like a suckling calf to its mother.
Ucchinda sinehamattano,
Kumudaṁ sāradikaṁva pāṇinā;
Santimaggameva brūhaya,
Nibbānaṁ sugatena desitaṁ.
Cut off your own affection
as one plucks an autumn lily by hand;
cultivate the very path of peace,
nibbāna, taught by the Well-Gone One.
Idha vassaṁ vasissāmi,
idha hemantagimhisu;
Iti bālo vicinteti,
antarāyaṁ na bujjhati.
“Here I will spend the rains,
here the winter and the summer”:
so the fool thinks,
not seeing the danger.
Taṁ puttapasusammattaṁ,
byāsattamanasaṁ naraṁ;
Suttaṁ gāmaṁ mahoghova,
maccu ādāya gacchati.
The man intoxicated with his children and cattle,
his mind attached—
as a great flood a sleeping village,
death sweeps him away.
Na santi puttā tāṇāya,
na pitā nāpi bandhavā;
Antakenādhipannassa,
natthi ñātīsu tāṇatā.
Sons are no shelter,
nor father, nor relatives;
for one seized by the Ender
there is no shelter among kin.
Etamatthavasaṁ ñatvā,
paṇḍito sīlasaṁvuto;
Nibbānagamanaṁ maggaṁ,
khippameva visodhaye.
Knowing the force of this,
the wise one, restrained by virtue,
should quickly clear
the path that leads to nibbāna.
Miscellaneous
Pakiṇṇakavagga · Verses 290–305 · Verses on giving up a small happiness for a great one, and the disciples who are always awake.
Mattāsukhapariccāgā,
passe ce vipulaṁ sukhaṁ;
Caje mattāsukhaṁ dhīro,
sampassaṁ vipulaṁ sukhaṁ.
If by giving up a lesser happiness
one sees a greater happiness,
the steadfast one should give up the lesser happiness,
seeing the greater.
Paradukkhūpadhānena,
attano sukhamicchati;
Verasaṁsaggasaṁsaṭṭho,
verā so na parimuccati.
One who seeks his own happiness
by causing pain to others,
entangled in the bonds of hatred,
is not freed from hatred.
Yañhi kiccaṁ apaviddhaṁ,
akiccaṁ pana karīyati;
Unnaḷānaṁ pamattānaṁ,
tesaṁ vaḍḍhanti āsavā.
What should be done is neglected,
and what should not be done is done;
for the arrogant and the heedless
the taints increase.
Yesañca susamāraddhā,
niccaṁ kāyagatā sati;
Akiccaṁ te na sevanti,
kicce sātaccakārino;
Satānaṁ sampajānānaṁ,
atthaṁ gacchanti āsavā.
But those who have well undertaken
mindfulness of the body, always,
do not pursue what should not be done,
and persist in what should be done;
for the mindful and clearly knowing
the taints come to an end.
Mātaraṁ pitaraṁ hantvā,
rājāno dve ca khattiye;
Raṭṭhaṁ sānucaraṁ hantvā,
anīgho yāti brāhmaṇo.
Having killed mother and father
and two kings of the warrior class,
having killed a kingdom with its subjects,
the brahmin goes on untroubled.
Mātaraṁ pitaraṁ hantvā,
rājāno dve ca sotthiye;
Veyagghapañcamaṁ hantvā,
anīgho yāti brāhmaṇo.
Having killed mother and father
and two learned kings,
having killed the tiger as the fifth,
the brahmin goes on untroubled.
Suppabuddhaṁ pabujjhanti,
sadā gotamasāvakā;
Yesaṁ divā ca ratto ca,
niccaṁ buddhagatā sati.
Well awake they always awaken,
the disciples of Gotama,
whose mindfulness day and night
is always set on the Buddha.
Suppabuddhaṁ pabujjhanti,
sadā gotamasāvakā;
Yesaṁ divā ca ratto ca,
niccaṁ dhammagatā sati.
Well awake they always awaken,
the disciples of Gotama,
whose mindfulness day and night
is always set on the dhamma.
Suppabuddhaṁ pabujjhanti,
sadā gotamasāvakā;
Yesaṁ divā ca ratto ca,
niccaṁ saṅghagatā sati.
Well awake they always awaken,
the disciples of Gotama,
whose mindfulness day and night
is always set on the saṅgha.
Suppabuddhaṁ pabujjhanti,
sadā gotamasāvakā;
Yesaṁ divā ca ratto ca,
niccaṁ kāyagatā sati.
Well awake they always awaken,
the disciples of Gotama,
whose mindfulness day and night
is always set on the body.
Suppabuddhaṁ pabujjhanti,
sadā gotamasāvakā;
Yesaṁ divā ca ratto ca,
ahiṁsāya rato mano.
Well awake they always awaken,
the disciples of Gotama,
whose minds day and night
delight in harmlessness.
Suppabuddhaṁ pabujjhanti,
sadā gotamasāvakā;
Yesaṁ divā ca ratto ca,
bhāvanāya rato mano.
Well awake they always awaken,
the disciples of Gotama,
whose minds day and night
delight in meditation.
Duppabbajjaṁ durabhiramaṁ,
Durāvāsā gharā dukhā;
Dukkhosamānasaṁvāso,
Dukkhānupatitaddhagū;
Tasmā na caddhagū siyā,
Na ca dukkhānupatito siyā.
Hard is going forth, hard to delight in it;
hard to live in is the household, and painful;
painful is living with those unlike oneself;
the traveler is beset by suffering.
So do not be a traveler,
do not be beset by suffering.
Saddho sīlena sampanno,
yasobhogasamappito;
Yaṁ yaṁ padesaṁ bhajati,
tattha tattheva pūjito.
One with faith, accomplished in virtue,
possessed of fame and wealth—
whatever region he goes to,
there he is honored.
Dūre santo pakāsenti,
himavantova pabbato;
Asantettha na dissanti,
rattiṁ khittā yathā sarā.
The good shine from afar,
like the Himalayas;
the bad are not seen even here,
like arrows shot in the night.
Ekāsanaṁ ekaseyyaṁ,
eko caramatandito;
Eko damayamattānaṁ,
vanante ramito siyā.
Sitting alone, lying down alone,
walking alone, untiring,
alone taming oneself,
one should delight at the forest’s edge.
Hell
Nirayavagga · Verses 306–319 · Liars, those who break their vows, and others headed for a bad destination.
Abhūtavādī nirayaṁ upeti,
Yo vāpi katvā na karomi cāha;
Ubhopi te pecca samā bhavanti,
Nihīnakammā manujā parattha.
One who speaks untruth goes to hell,
and so does one who has done a thing and says, “I did not.”
Both become equal after death,
people of base deeds, in the world beyond.
Kāsāvakaṇṭhā bahavo,
pāpadhammā asaññatā;
Pāpā pāpehi kammehi,
nirayaṁ te upapajjare.
Many with the ochre robe around their necks
are of evil nature and unrestrained;
evil ones, by their evil deeds,
are reborn in hell.
Seyyo ayoguḷo bhutto,
tatto aggisikhūpamo;
Yañce bhuñjeyya dussīlo,
raṭṭhapiṇḍamasaññato.
Better to swallow an iron ball,
red-hot, like a flame of fire,
than that one without virtue, unrestrained,
should eat the alms of the land.
Cattāri ṭhānāni naro pamatto,
Āpajjati paradārūpasevī;
Apuññalābhaṁ na nikāmaseyyaṁ,
Nindaṁ tatīyaṁ nirayaṁ catutthaṁ.
Four things befall the heedless man
who consorts with another’s wife:
demerit gained, sleep that is not at ease,
blame third, and hell fourth.
Apuññalābho ca gatī ca pāpikā,
Bhītassa bhītāya ratī ca thokikā;
Rājā ca daṇḍaṁ garukaṁ paṇeti,
Tasmā naro paradāraṁ na seve.
Demerit gained, and a bad destination;
the brief pleasure of a frightened man with a frightened woman;
and the king imposes a heavy punishment:
therefore a man should not consort with another’s wife.
Kuso yathā duggahito,
hatthamevānukantati;
Sāmaññaṁ dupparāmaṭṭhaṁ,
nirayāyupakaḍḍhati.
As kusa grass, wrongly grasped,
cuts the very hand,
so the ascetic life, wrongly handled,
drags one down to hell.
Yaṁ kiñci sithilaṁ kammaṁ,
saṅkiliṭṭhañca yaṁ vataṁ;
Saṅkassaraṁ brahmacariyaṁ,
na taṁ hoti mahapphalaṁ.
Any slack act,
any corrupted observance,
a holy life lived under suspicion,
bears no great fruit.
Kayirā ce kayirāthenaṁ,
daḷhamenaṁ parakkame;
Sithilo hi paribbājo,
bhiyyo ākirate rajaṁ.
If a thing is to be done, do it;
push on with it firmly;
for a slack wanderer
only scatters more dust.
Akataṁ dukkaṭaṁ seyyo,
pacchā tappati dukkaṭaṁ;
Katañca sukataṁ seyyo,
yaṁ katvā nānutappati.
A bad deed is better left undone;
a bad deed torments one afterward.
A good deed is better done,
which, once done, one does not regret.
Nagaraṁ yathā paccantaṁ,
guttaṁ santarabāhiraṁ;
Evaṁ gopetha attānaṁ,
khaṇo vo mā upaccagā;
Khaṇātītā hi socanti,
nirayamhi samappitā.
As a frontier city
is guarded inside and out,
so guard yourselves;
do not let the moment pass you by;
for those who let the moment pass grieve
when they are consigned to hell.
Alajjitāye lajjanti,
lajjitāye na lajjare;
Micchādiṭṭhisamādānā,
sattā gacchanti duggatiṁ.
Ashamed of what is not shameful,
not ashamed of what is shameful,
taking up wrong views,
beings go to a bad destination.
Abhaye bhayadassino,
bhaye cābhayadassino;
Micchādiṭṭhisamādānā,
sattā gacchanti duggatiṁ.
Seeing danger where there is none,
and no danger where there is danger,
taking up wrong views,
beings go to a bad destination.
Avajje vajjamatino,
vajje cāvajjadassino;
Micchādiṭṭhisamādānā,
sattā gacchanti duggatiṁ.
Thinking the blameless blameworthy,
and seeing the blameworthy as blameless,
taking up wrong views,
beings go to a bad destination.
Vajjañca vajjato ñatvā,
avajjañca avajjato;
Sammādiṭṭhisamādānā,
sattā gacchanti suggatiṁ.
Knowing the blameworthy as blameworthy,
and the blameless as blameless,
taking up right views,
beings go to a good destination.
The Elephant
Nāgavagga · Verses 320–333 · Enduring harsh words as the war elephant endures arrows; the tamed and the untamed.
Ahaṁ nāgova saṅgāme,
cāpato patitaṁ saraṁ;
Ativākyaṁ titikkhissaṁ,
dussīlo hi bahujjano.
As an elephant in battle
endures the arrow shot from the bow,
so I will endure abuse:
for many people lack virtue.
Dantaṁ nayanti samitiṁ,
dantaṁ rājābhirūhati;
Danto seṭṭho manussesu,
yotivākyaṁ titikkhati.
The tamed one they lead into a crowd;
the tamed one the king mounts;
best among humans is the tamed,
who endures abuse.
Varamassatarā dantā,
ājānīyā ca sindhavā;
Kuñjarā ca mahānāgā,
attadanto tato varaṁ.
Excellent are tamed mules,
thoroughbred horses of Sindh,
and great tusker elephants;
better still is one who has tamed himself.
Na hi etehi yānehi,
gaccheyya agataṁ disaṁ;
Yathāttanā sudantena,
danto dantena gacchati.
For not by these mounts
could one go to the land never reached,
as one who is tamed goes there
by his own well-tamed self.
Dhanapālo nāma kuñjaro,
Kaṭukabhedano dunnivārayo;
Baddho kabaḷaṁ na bhuñjati,
Sumarati nāgavanassa kuñjaro.
The tusker named Dhanapāla,
in fierce rut, hard to restrain,
held captive, will not eat a mouthful:
the tusker remembers the elephant forest.
Middhī yadā hoti mahagghaso ca,
Niddāyitā samparivattasāyī;
Mahāvarāhova nivāpapuṭṭho,
Punappunaṁ gabbhamupeti mando.
When one is sluggish and eats too much,
sleepy, rolling about as he lies,
like a great hog fattened on fodder,
the dullard enters the womb again and again.
Idaṁ pure cittamacāri cārikaṁ,
Yenicchakaṁ yatthakāmaṁ yathāsukhaṁ;
Tadajjahaṁ niggahessāmi yoniso,
Hatthippabhinnaṁ viya aṅkusaggaho.
Formerly this mind went wandering
where it wished, where it liked, as it pleased;
today I will hold it back with wisdom,
as the one with the goad holds back an elephant in rut.
Appamādaratā hotha,
sacittamanurakkhatha;
Duggā uddharathattānaṁ,
paṅke sannova kuñjaro.
Delight in heedfulness,
guard your own minds;
pull yourselves out of the rough road,
like an elephant sunk in mud.
Sace labhetha nipakaṁ sahāyaṁ,
Saddhiṁ caraṁ sādhuvihāridhīraṁ;
Abhibhuyya sabbāni parissayāni,
Careyya tenattamano satīmā.
If you find a wise companion,
a fellow traveler, steadfast, living well,
overcoming all dangers,
travel with him, glad and mindful.
No ce labhetha nipakaṁ sahāyaṁ,
Saddhiṁ caraṁ sādhuvihāridhīraṁ;
Rājāva raṭṭhaṁ vijitaṁ pahāya,
Eko care mātaṅgaraññeva nāgo.
If you find no wise companion,
a fellow traveler, steadfast, living well,
like a king leaving a conquered kingdom,
travel alone, like an elephant in the elephant forest.
Ekassa caritaṁ seyyo,
Natthi bāle sahāyatā;
Eko care na ca pāpāni kayirā,
Appossukko mātaṅgaraññeva nāgo.
Better to live alone;
there is no companionship with a fool.
Travel alone and do no evil,
at ease, like an elephant in the elephant forest.
Atthamhi jātamhi sukhā sahāyā,
Tuṭṭhī sukhā yā itarītarena;
Puññaṁ sukhaṁ jīvitasaṅkhayamhi,
Sabbassa dukkhassa sukhaṁ pahānaṁ.
Friends are happiness when need arises;
contentment with whatever there is is happiness;
merit is happiness at the end of life;
the abandoning of all suffering is happiness.
Sukhā matteyyatā loke,
atho petteyyatā sukhā;
Sukhā sāmaññatā loke,
atho brahmaññatā sukhā.
In this world it is happiness to honor one’s mother,
and happiness to honor one’s father;
in this world it is happiness to honor ascetics,
and happiness to honor brahmins.
Sukhaṁ yāva jarā sīlaṁ,
sukhā saddhā patiṭṭhitā;
Sukho paññāya paṭilābho,
pāpānaṁ akaraṇaṁ sukhaṁ.
Virtue is happiness until old age;
firmly established faith is happiness;
the gaining of wisdom is happiness;
not doing evil is happiness.
Craving
Taṇhāvagga · Verses 334–359 · Craving grows like a creeper; dig up its root.
Manujassa pamattacārino,
Taṇhā vaḍḍhati māluvā viya;
So plavatī hurā huraṁ,
Phalamicchaṁva vanasmi vānaro.
In a person who lives heedlessly
craving grows like a creeper;
he leaps from life to life,
like a monkey in the forest looking for fruit.
Yaṁ esā sahate jammī,
taṇhā loke visattikā;
Sokā tassa pavaḍḍhanti,
abhivaṭṭhaṁva bīraṇaṁ.
Whoever is overcome by this wretched
craving that clings to the world—
his sorrows grow
like bīraṇa grass after rain.
Yo cetaṁ sahate jammiṁ,
taṇhaṁ loke duraccayaṁ;
Sokā tamhā papatanti,
udabinduva pokkharā.
But whoever overcomes this wretched
craving, so hard to get past in the world—
sorrows fall away from him
like drops of water from a lotus.
Taṁ vo vadāmi bhaddaṁ vo,
yāvantettha samāgatā;
Taṇhāya mūlaṁ khaṇatha,
usīratthova bīraṇaṁ;
Mā vo naḷaṁva sotova,
māro bhañji punappunaṁ.
This I tell you—good fortune to you—
all of you gathered here:
dig up the root of craving,
as one who wants its fragrant root digs up bīraṇa grass.
Do not let Māra, as a stream a reed,
break you again and again.
Yathāpi mūle anupaddave daḷhe,
Chinnopi rukkho punareva rūhati;
Evampi taṇhānusaye anūhate,
Nibbattatī dukkhamidaṁ punappunaṁ.
As long as its root is unharmed and firm,
a tree, though cut down, grows again;
so while the underlying tendency to craving is not rooted out,
this suffering arises again and again.
Yassa chattiṁsati sotā,
manāpasavanā bhusā;
Mahāvahanti duddiṭṭhiṁ,
saṅkappā rāganissitā.
One in whom the thirty-six streams
flowing toward the pleasing are strong—
that one of wrong view is swept away
by thoughts that rest on passion.
Savanti sabbadhi sotā,
latā uppajja tiṭṭhati;
Tañca disvā lataṁ jātaṁ,
mūlaṁ paññāya chindatha.
The streams flow everywhere;
the creeper sprouts and stands.
Seeing that creeper sprung up,
cut its root with wisdom.
Saritāni sinehitāni ca,
Somanassāni bhavanti jantuno;
Te sātasitā sukhesino,
Te ve jātijarūpagā narā.
Flowing and moist with affection
are the joys that come to a being;
bound to pleasure, seeking happiness,
such people are bound for birth and old age.
Tasiṇāya purakkhatā pajā,
Parisappanti sasova bandhito;
Saṁyojanasaṅgasattakā,
Dukkhamupenti punappunaṁ cirāya.
People driven by craving
run about like a trapped hare;
held fast by fetters and ties,
they come to suffering again and again, for a long time.
Tasiṇāya purakkhatā pajā,
Parisappanti sasova bandhito;
Tasmā tasiṇaṁ vinodaye,
Ākaṅkhanta virāgamattano.
People driven by craving
run about like a trapped hare;
therefore one should drive out craving,
longing for one’s own freedom from passion.
Yo nibbanatho vanādhimutto,
Vanamutto vanameva dhāvati;
Taṁ puggalametha passatha,
Mutto bandhanameva dhāvati.
Having left the undergrowth, intent on the forest life,
freed from the forest, he runs back to the forest:
come, look at that person—
freed, he runs back into bondage.
Na taṁ daḷhaṁ bandhanamāhu dhīrā,
Yadāyasaṁ dārujapabbajañca;
Sārattarattā maṇikuṇḍalesu,
Puttesu dāresu ca yā apekkhā.
The wise do not call that a strong bond
which is made of iron, wood or rope;
but the infatuation of the infatuated with jewels and earrings,
the longing for children and wives—
Etaṁ daḷhaṁ bandhanamāhu dhīrā,
Ohārinaṁ sithilaṁ duppamuñcaṁ;
Etampi chetvāna paribbajanti,
Anapekkhino kāmasukhaṁ pahāya.
that, say the wise, is the strong bond:
it drags one down, it is loose, and hard to undo.
Cutting this too, they go forth,
free of longing, leaving sensual pleasure behind.
Ye rāgarattānupatanti sotaṁ,
Sayaṅkataṁ makkaṭakova jālaṁ;
Etampi chetvāna vajanti dhīrā,
Anapekkhino sabbadukkhaṁ pahāya.
Those infatuated with passion fall back into the stream
they have made, like a spider into its web.
Cutting this too, the steadfast go on,
free of longing, leaving all suffering behind.
Muñca pure muñca pacchato,
Majjhe muñca bhavassa pāragū;
Sabbattha vimuttamānaso,
Na punaṁ jātijaraṁ upehisi.
Let go of what is before, let go of what is behind,
let go of what is between, gone beyond becoming;
with your mind freed in every way,
you will not come again to birth and old age.
Vitakkamathitassa jantuno,
Tibbarāgassa subhānupassino;
Bhiyyo taṇhā pavaḍḍhati,
Esa kho daḷhaṁ karoti bandhanaṁ.
For a person churned up by thoughts,
strong in passion, fixed on the attractive,
craving grows all the more:
he makes his bond strong.
Vitakkūpasame ca yo rato,
Asubhaṁ bhāvayate sadā sato;
Esa kho byanti kāhiti,
Esa checchati mārabandhanaṁ.
But one who delights in the stilling of thoughts,
who cultivates the unattractive, always mindful—
he will make an end of craving;
he will cut Māra’s bond.
Niṭṭhaṅgato asantāsī,
vītataṇho anaṅgaṇo;
Acchindi bhavasallāni,
antimoyaṁ samussayo.
One who has reached the goal, fearless,
free of craving, blameless,
has cut off the arrows of becoming:
this is his last body.
Vītataṇho anādāno,
Niruttipadakovido;
Akkharānaṁ sannipātaṁ,
Jaññā pubbāparāni ca;
Sa ve “antimasārīro,
Mahāpañño mahāpuriso”ti vuccati.
Free of craving, without grasping,
skilled in words and their meaning,
knowing the arrangement of letters,
which comes first and which after—
he is called “one in his last body,
of great wisdom, a great person.”
Sabbābhibhū sabbavidūhamasmi,
Sabbesu dhammesu anūpalitto;
Sabbañjaho taṇhakkhaye vimutto,
Sayaṁ abhiññāya kamuddiseyyaṁ.
“I have overcome all, I know all,
untainted amid all things;
I have given up everything, freed by the ending of craving;
having understood by myself, whom should I name as my teacher?”
Sabbadānaṁ dhammadānaṁ jināti,
Sabbarasaṁ dhammaraso jināti;
Sabbaratiṁ dhammarati jināti,
Taṇhakkhayo sabbadukkhaṁ jināti.
The gift of the dhamma surpasses all gifts;
the taste of the dhamma surpasses all tastes;
delight in the dhamma surpasses all delights;
the ending of craving overcomes all suffering.
Hananti bhogā dummedhaṁ,
no ca pāragavesino;
Bhogataṇhāya dummedho,
hanti aññeva attanaṁ.
Riches destroy the dullard,
but not those who seek the far shore;
through craving for riches the dullard
destroys himself as he would another.
Tiṇadosāni khettāni,
rāgadosā ayaṁ pajā;
Tasmā hi vītarāgesu,
dinnaṁ hoti mahapphalaṁ.
Weeds are the bane of fields;
passion is the bane of these people;
so what is given to those free of passion
bears great fruit.
Tiṇadosāni khettāni,
dosadosā ayaṁ pajā;
Tasmā hi vītadosesu,
dinnaṁ hoti mahapphalaṁ.
Weeds are the bane of fields;
hatred is the bane of these people;
so what is given to those free of hatred
bears great fruit.
Tiṇadosāni khettāni,
mohadosā ayaṁ pajā;
Tasmā hi vītamohesu,
dinnaṁ hoti mahapphalaṁ.
Weeds are the bane of fields;
delusion is the bane of these people;
so what is given to those free of delusion
bears great fruit.
Tiṇadosāni khettāni,
icchādosā ayaṁ pajā;
Tasmā hi vigaticchesu,
dinnaṁ hoti mahapphalaṁ.
Weeds are the bane of fields;
desire is the bane of these people;
so what is given to those free of desire
bears great fruit.
The Monk
Bhikkhuvagga · Verses 360–382 · The restrained monk who delights in the teaching and dwells in loving-kindness.
Cakkhunā saṁvaro sādhu,
sādhu sotena saṁvaro;
Ghānena saṁvaro sādhu,
sādhu jivhāya saṁvaro.
Restraint of the eye is good,
good is restraint of the ear;
restraint of the nose is good,
good is restraint of the tongue.
Kāyena saṁvaro sādhu,
sādhu vācāya saṁvaro;
Manasā saṁvaro sādhu,
sādhu sabbattha saṁvaro;
Sabbattha saṁvuto bhikkhu,
sabbadukkhā pamuccati.
Restraint of the body is good,
good is restraint of speech;
restraint of the mind is good,
good is restraint in everything.
The monk restrained in everything
is freed from all suffering.
Hatthasaṁyato pādasaṁyato,
Vācāsaṁyato saṁyatuttamo;
Ajjhattarato samāhito,
Eko santusito tamāhu bhikkhuṁ.
Controlled in hand, controlled in foot,
controlled in speech, supremely controlled,
delighting within, collected,
alone and content: him they call a monk.
Yo mukhasaṁyato bhikkhu,
mantabhāṇī anuddhato;
Atthaṁ dhammañca dīpeti,
madhuraṁ tassa bhāsitaṁ.
The monk who controls his tongue,
speaks with wisdom, and is not puffed up,
who makes clear the meaning and the dhamma—
sweet is his speech.
Dhammārāmo dhammarato,
dhammaṁ anuvicintayaṁ;
Dhammaṁ anussaraṁ bhikkhu,
saddhammā na parihāyati.
Dwelling in the dhamma, delighting in the dhamma,
reflecting on the dhamma,
recollecting the dhamma, the monk
does not fall away from the true dhamma.
Salābhaṁ nātimaññeyya,
nāññesaṁ pihayaṁ care;
Aññesaṁ pihayaṁ bhikkhu,
samādhiṁ nādhigacchati.
Do not despise what you yourself receive,
do not go about envying others;
a monk who envies others
does not attain concentration.
Appalābhopi ce bhikkhu,
salābhaṁ nātimaññati;
Taṁ ve devā pasaṁsanti,
suddhājīviṁ atanditaṁ.
Though a monk receives little,
if he does not despise what he receives,
the gods praise him,
pure in livelihood and untiring.
Sabbaso nāmarūpasmiṁ,
yassa natthi mamāyitaṁ;
Asatā ca na socati,
sa ve “bhikkhū”ti vuccati.
One who has no sense of “mine”
toward name-and-form in any way,
and does not grieve for what is not—
he is called a “monk.”
Mettāvihārī yo bhikkhu,
pasanno buddhasāsane;
Adhigacche padaṁ santaṁ,
saṅkhārūpasamaṁ sukhaṁ.
The monk who dwells in loving-kindness,
with confidence in the Buddha’s teaching,
will reach the peaceful state,
the stilling of conditioned things, happiness.
Siñca bhikkhu imaṁ nāvaṁ,
sittā te lahumessati;
Chetvā rāgañca dosañca,
tato nibbānamehisi.
Bail out this boat, monk;
bailed out, it will go lightly for you.
Cutting off passion and hatred,
you will then go to nibbāna.
Pañca chinde pañca jahe,
pañca cuttari bhāvaye;
Pañca saṅgātigo bhikkhu,
“oghatiṇṇo”ti vuccati.
Cut off five, give up five,
and cultivate five more;
a monk who has gone beyond five ties
is called “one who has crossed the flood.”
Jhāya bhikkhu mā pamādo,
Mā te kāmaguṇe ramessu cittaṁ;
Mā lohaguḷaṁ gilī pamatto,
Mā kandi “dukkhamidan”ti dayhamāno.
Meditate, monk, do not be heedless;
do not let your mind delight in sensual pleasures;
do not, heedless, swallow the iron ball,
do not cry out as you burn, “This is suffering!”
Natthi jhānaṁ apaññassa,
paññā natthi ajhāyato;
Yamhi jhānañca paññā ca,
sa ve nibbānasantike.
There is no meditation without wisdom,
no wisdom without meditation;
one who has both meditation and wisdom
is close to nibbāna.
Suññāgāraṁ paviṭṭhassa,
santacittassa bhikkhuno;
Amānusī rati hoti,
sammā dhammaṁ vipassato.
For one who has entered an empty dwelling,
a monk with a calm mind,
there is a delight beyond the human
as he rightly sees into the dhamma.
Yato yato sammasati,
khandhānaṁ udayabbayaṁ;
Labhatī pītipāmojjaṁ,
amataṁ taṁ vijānataṁ.
Whenever he contemplates
the rise and fall of the aggregates,
he gains joy and gladness:
for those who understand, that is the deathless.
Tatrāyamādi bhavati,
idha paññassa bhikkhuno;
Indriyagutti santuṭṭhi,
pātimokkhe ca saṁvaro.
This is the beginning here
for a wise monk:
guarding the senses, contentment,
and restraint according to the monastic code.
Mitte bhajassu kalyāṇe,
suddhājīve atandite;
Paṭisanthāravutyassa,
ācārakusalo siyā;
Tato pāmojjabahulo,
dukkhassantaṁ karissati.
Associate with good friends,
pure in livelihood and untiring;
be friendly in your ways
and skilled in conduct;
then, full of gladness,
you will make an end of suffering.
Vassikā viya pupphāni,
maddavāni pamuñcati;
Evaṁ rāgañca dosañca,
vippamuñcetha bhikkhavo.
As the jasmine sheds
its withered flowers,
so, monks, you should shed
passion and hatred.
Santakāyo santavāco,
santavā susamāhito;
Vantalokāmiso bhikkhu,
“upasanto”ti vuccati.
Calm in body, calm in speech,
calm and well collected,
the monk who has spewed out the bait of the world
is called “one at peace.”
Attanā codayattānaṁ,
paṭimaṁsetha attanā;
So attagutto satimā,
sukhaṁ bhikkhu vihāhisi.
Rouse yourself by yourself,
examine yourself by yourself;
guarded by yourself and mindful,
you will live happily, monk.
Attā hi attano nātho,
ko hi nātho paro siyā;
Attā hi attano gati,
tasmā saṁyamamattānaṁ;
Assaṁ bhadraṁva vāṇijo.
One is one’s own protector:
what other protector could there be?
One is one’s own refuge;
therefore restrain yourself,
as a merchant a fine horse.
Pāmojjabahulo bhikkhu,
pasanno buddhasāsane;
Adhigacche padaṁ santaṁ,
saṅkhārūpasamaṁ sukhaṁ.
The monk full of gladness,
with confidence in the Buddha’s teaching,
will reach the peaceful state,
the stilling of conditioned things, happiness.
Yo have daharo bhikkhu,
yuñjati buddhasāsane;
Somaṁ lokaṁ pabhāseti,
abbhā muttova candimā.
The monk who, though young,
devotes himself to the Buddha’s teaching
lights up this world
like the moon freed from a cloud.
The Brahmin
Brāhmaṇavagga · Verses 383–423 · Who is a true brahmin: not by birth or matted hair, but by purity and freedom.
Chinda sotaṁ parakkamma,
kāme panuda brāhmaṇa;
Saṅkhārānaṁ khayaṁ ñatvā,
akataññūsi brāhmaṇa.
Strive and cut off the stream;
drive out sensual desires, brahmin.
Knowing the ending of conditioned things,
you know the uncreated, brahmin.
Yadā dvayesu dhammesu,
pāragū hoti brāhmaṇo;
Athassa sabbe saṁyogā,
atthaṁ gacchanti jānato.
When in two things
the brahmin has gone to the far shore,
all his bonds
come to an end, for he knows.
Yassa pāraṁ apāraṁ vā,
pārāpāraṁ na vijjati;
Vītaddaraṁ visaṁyuttaṁ,
tamahaṁ brūmi brāhmaṇaṁ.
One for whom there is no far shore, no near shore,
nor both far and near,
free of distress, unbound—
him I call a brahmin.
Jhāyiṁ virajamāsīnaṁ,
katakiccamanāsavaṁ;
Uttamatthamanuppattaṁ,
tamahaṁ brūmi brāhmaṇaṁ.
Meditating, free of dust, seated,
his task done, free of taints,
having reached the highest goal—
him I call a brahmin.
Divā tapati ādicco,
rattimābhāti candimā;
Sannaddho khattiyo tapati,
jhāyī tapati brāhmaṇo;
Atha sabbamahorattiṁ,
buddho tapati tejasā.
The sun shines by day,
the moon glows by night,
the warrior shines in his armor,
the brahmin shines in meditation;
but all day and all night
the Buddha shines in splendor.
Bāhitapāpoti brāhmaṇo,
Samacariyā samaṇoti vuccati;
Pabbājayamattano malaṁ,
Tasmā “pabbajito”ti vuccati.
Because he has put away evil, he is a brahmin;
because he lives in calm, he is called an ascetic;
because he has sent away his own impurities,
he is called “one gone forth.”
Na brāhmaṇassa pahareyya,
nāssa muñcetha brāhmaṇo;
Dhī brāhmaṇassa hantāraṁ,
tato dhī yassa muñcati.
One should not strike a brahmin,
nor should a brahmin lash out at him;
shame on one who strikes a brahmin,
and more shame on one who lashes out in return.
Na brāhmaṇassetadakiñci seyyo,
Yadā nisedho manaso piyehi;
Yato yato hiṁsamano nivattati,
Tato tato sammatimeva dukkhaṁ.
This is no small good for a brahmin,
when the mind is held back from what is dear.
Wherever the intent to harm turns away,
just there suffering is stilled.
Yassa kāyena vācāya,
manasā natthi dukkaṭaṁ;
Saṁvutaṁ tīhi ṭhānehi,
tamahaṁ brūmi brāhmaṇaṁ.
One who by body, by speech
or by mind does no wrong,
restrained in these three ways—
him I call a brahmin.
Yamhā dhammaṁ vijāneyya,
sammāsambuddhadesitaṁ;
Sakkaccaṁ taṁ namasseyya,
aggihuttaṁva brāhmaṇo.
From whomever one learns the dhamma
taught by the Fully Awakened One,
one should revere him devoutly,
as a brahmin reveres the sacrificial fire.
Na jaṭāhi na gottena,
na jaccā hoti brāhmaṇo;
Yamhi saccañca dhammo ca,
so sucī so ca brāhmaṇo.
Not by matted hair, not by clan,
not by birth is one a brahmin;
one in whom there is truth and dhamma—
he is pure, and he is a brahmin.
Kiṁ te jaṭāhi dummedha,
kiṁ te ajinasāṭiyā;
Abbhantaraṁ te gahanaṁ,
bāhiraṁ parimajjasi.
What use is your matted hair, dullard,
what use your robe of antelope skin?
Inside, you are a tangle;
you polish only the outside.
Paṁsukūladharaṁ jantuṁ,
kisaṁ dhamanisanthataṁ;
Ekaṁ vanasmiṁ jhāyantaṁ,
tamahaṁ brūmi brāhmaṇaṁ.
One who wears robes of rags,
lean, veins standing out,
meditating alone in the forest—
him I call a brahmin.
Na cāhaṁ brāhmaṇaṁ brūmi,
yonijaṁ mattisambhavaṁ;
Bhovādi nāma so hoti,
sace hoti sakiñcano;
Akiñcanaṁ anādānaṁ,
tamahaṁ brūmi brāhmaṇaṁ.
I do not call one a brahmin
merely for being born of a brahmin mother’s womb.
He is only one who says “sir” to others,
if he owns anything.
One who owns nothing and grasps at nothing—
him I call a brahmin.
Sabbasaṁyojanaṁ chetvā,
yo ve na paritassati;
Saṅgātigaṁ visaṁyuttaṁ,
tamahaṁ brūmi brāhmaṇaṁ.
One who has cut every fetter,
who does not tremble,
who has gone beyond ties, unbound—
him I call a brahmin.
Chetvā naddhiṁ varattañca,
sandānaṁ sahanukkamaṁ;
Ukkhittapalighaṁ buddhaṁ,
tamahaṁ brūmi brāhmaṇaṁ.
One who has cut the strap and the thong,
the rope with all that goes with it,
who has lifted the bar, awakened—
him I call a brahmin.
Akkosaṁ vadhabandhañca,
aduṭṭho yo titikkhati;
Khantībalaṁ balānīkaṁ,
tamahaṁ brūmi brāhmaṇaṁ.
One who, without hatred, endures
abuse, beating and bonds,
whose strength is patience, whose army is strength—
him I call a brahmin.
Akkodhanaṁ vatavantaṁ,
sīlavantaṁ anussadaṁ;
Dantaṁ antimasārīraṁ,
tamahaṁ brūmi brāhmaṇaṁ.
Free of anger, keeping his vows,
virtuous, not puffed up,
tamed, in his last body—
him I call a brahmin.
Vāri pokkharapatteva,
āraggeriva sāsapo;
Yo na limpati kāmesu,
tamahaṁ brūmi brāhmaṇaṁ.
Like water on a lotus leaf,
like a mustard seed on the point of an awl,
one who does not cling to sensual pleasures—
him I call a brahmin.
Yo dukkhassa pajānāti,
idheva khayamattano;
Pannabhāraṁ visaṁyuttaṁ,
tamahaṁ brūmi brāhmaṇaṁ.
One who knows, right here,
the end of his own suffering,
who has laid down the burden, unbound—
him I call a brahmin.
Gambhīrapaññaṁ medhāviṁ,
maggāmaggassa kovidaṁ;
Uttamatthamanuppattaṁ,
tamahaṁ brūmi brāhmaṇaṁ.
One of deep wisdom, intelligent,
skilled in what is the path and what is not,
who has reached the highest goal—
him I call a brahmin.
Asaṁsaṭṭhaṁ gahaṭṭhehi,
anāgārehi cūbhayaṁ;
Anokasārimappicchaṁ,
tamahaṁ brūmi brāhmaṇaṁ.
Not mixing with householders
nor with the homeless either,
wandering without a home, wanting little—
him I call a brahmin.
Nidhāya daṇḍaṁ bhūtesu,
tasesu thāvaresu ca;
Yo na hanti na ghāteti,
tamahaṁ brūmi brāhmaṇaṁ.
One who has laid down the rod
toward beings, whether frail or firm,
who neither kills nor causes killing—
him I call a brahmin.
Aviruddhaṁ viruddhesu,
attadaṇḍesu nibbutaṁ;
Sādānesu anādānaṁ,
tamahaṁ brūmi brāhmaṇaṁ.
Friendly among the hostile,
at peace among the violent,
not grasping among those who grasp—
him I call a brahmin.
Yassa rāgo ca doso ca,
māno makkho ca pātito;
Sāsaporiva āraggā,
tamahaṁ brūmi brāhmaṇaṁ.
One from whom passion and hatred,
pride and contempt have fallen away,
like a mustard seed from the point of an awl—
him I call a brahmin.
Akakkasaṁ viññāpaniṁ,
giraṁ saccamudīraye;
Yāya nābhisaje kañci,
tamahaṁ brūmi brāhmaṇaṁ.
One who utters speech that is not harsh,
that informs, that is true,
by which he offends no one—
him I call a brahmin.
Yodha dīghaṁ va rassaṁ vā,
aṇuṁ thūlaṁ subhāsubhaṁ;
Loke adinnaṁ nādiyati,
tamahaṁ brūmi brāhmaṇaṁ.
One who here, long or short,
small or large, fine or foul,
takes nothing in the world that is not given—
him I call a brahmin.
Āsā yassa na vijjanti,
asmiṁ loke paramhi ca;
Nirāsāsaṁ visaṁyuttaṁ,
tamahaṁ brūmi brāhmaṇaṁ.
One in whom no longings are found
for this world or the next,
free of longing, unbound—
him I call a brahmin.
Yassālayā na vijjanti,
aññāya akathaṅkathī;
Amatogadhamanuppattaṁ,
tamahaṁ brūmi brāhmaṇaṁ.
One in whom no attachments are found,
who through understanding is free of doubt,
who has plunged into the deathless—
him I call a brahmin.
Yodha puññañca pāpañca,
ubho saṅgamupaccagā;
Asokaṁ virajaṁ suddhaṁ,
tamahaṁ brūmi brāhmaṇaṁ.
One who here has gone beyond the tie
of both merit and evil,
sorrowless, stainless, pure—
him I call a brahmin.
Candaṁva vimalaṁ suddhaṁ,
vippasannamanāvilaṁ;
Nandībhavaparikkhīṇaṁ,
tamahaṁ brūmi brāhmaṇaṁ.
Stainless and pure like the moon,
clear and undisturbed,
in whom delight in becoming is exhausted—
him I call a brahmin.
Yomaṁ palipathaṁ duggaṁ,
saṁsāraṁ mohamaccagā;
Tiṇṇo pāraṅgato jhāyī,
anejo akathaṅkathī;
Anupādāya nibbuto,
tamahaṁ brūmi brāhmaṇaṁ.
One who has passed beyond this swamp, this rough road,
the round of rebirth, delusion,
who has crossed, reached the far shore, meditates,
unwavering, free of doubt,
quenched through not grasping—
him I call a brahmin.
Yodha kāme pahantvāna,
anāgāro paribbaje;
Kāmabhavaparikkhīṇaṁ,
tamahaṁ brūmi brāhmaṇaṁ.
One who here, giving up sensual pleasures,
wanders forth, homeless,
in whom sensual desire and becoming are exhausted—
him I call a brahmin.
Yodha taṇhaṁ pahantvāna,
anāgāro paribbaje;
Taṇhābhavaparikkhīṇaṁ,
tamahaṁ brūmi brāhmaṇaṁ.
One who here, giving up craving,
wanders forth, homeless,
in whom craving and becoming are exhausted—
him I call a brahmin.
Hitvā mānusakaṁ yogaṁ,
dibbaṁ yogaṁ upaccagā;
Sabbayogavisaṁyuttaṁ,
tamahaṁ brūmi brāhmaṇaṁ.
Leaving behind the human yoke,
having passed beyond the heavenly yoke,
unbound from every yoke—
him I call a brahmin.
Hitvā ratiñca aratiñca,
sītibhūtaṁ nirūpadhiṁ;
Sabbalokābhibhuṁ vīraṁ,
tamahaṁ brūmi brāhmaṇaṁ.
Leaving behind delight and discontent,
cooled, free of the grounds of rebirth,
the hero who has overcome the whole world—
him I call a brahmin.
Cutiṁ yo vedi sattānaṁ,
upapattiñca sabbaso;
Asattaṁ sugataṁ buddhaṁ,
tamahaṁ brūmi brāhmaṇaṁ.
One who knows the passing away of beings
and their rebirth, in every way,
unattached, well gone, awakened—
him I call a brahmin.
Yassa gatiṁ na jānanti,
devā gandhabbamānusā;
Khīṇāsavaṁ arahantaṁ,
tamahaṁ brūmi brāhmaṇaṁ.
One whose destination is unknown
to gods, gandhabbas and humans,
an arahant with taints destroyed—
him I call a brahmin.
Yassa pure ca pacchā ca,
majjhe ca natthi kiñcanaṁ;
Akiñcanaṁ anādānaṁ,
tamahaṁ brūmi brāhmaṇaṁ.
One who has nothing before,
nothing after, and nothing in between,
who owns nothing and grasps at nothing—
him I call a brahmin.
Usabhaṁ pavaraṁ vīraṁ,
mahesiṁ vijitāvinaṁ;
Anejaṁ nhātakaṁ buddhaṁ,
tamahaṁ brūmi brāhmaṇaṁ.
The bull, the noble one, the hero,
the great sage, the victor,
the unwavering, the one who has bathed, the awakened—
him I call a brahmin.
Pubbenivāsaṁ yo vedi,
saggāpāyañca passati;
Atho jātikkhayaṁ patto,
abhiññāvosito muni;
Sabbavositavosānaṁ,
tamahaṁ brūmi brāhmaṇaṁ.
One who knows his former lives,
who sees heaven and the states of woe,
and has reached the end of births,
a sage perfected in direct knowledge,
who has completed all that is to be completed—
him I call a brahmin.